ЯҢАЛЫКЛАР

Татарстан Республикасының Биологик ресурслар буенча дәүләт комитеты хезмәткәрләре “Балык булсын!“ дигән республика акциясе кысаларында Арча районындагы буаларда һәм күлләрдә балыкларны кислород кытлыгыннан коткару буенча чаралар үткәрәләр.

Дәүләт комитетының Арча районы буенча бүлек җитәкчесе Булат Шәйхуллин, “Ашыт“ дәүләт заказнигы җитәкчесе Рамил Сабиров, “Ашыт“ заказнигы белгечләре, район активистлары белән Апайкина-Гарь авылы янындагы буада кечкенә чокырлар тиштеләр.

ТР Биологик ресурслар буенча дәүләт комитетының Арча районы буенча бүлек җитәкчесе Булат Шәйхуллин белән Арча районының “Зариф кордоны“ ау хуҗалыгы территориясендә ау хуҗалыгы хезмәткәре Р.Сәләхетдиновның кышкы исәпне ничек уздыруын тикшердек.

Җәнлек һәм кошларның исәбе 15 гыйнвардан 15 мартка кадәр уздырыла. Бу районда эш төгәлләнеп килә.

26 февраль көнне гуманитар колонна җиде юнәлештә махсус хәрби операция зонасына юл алды

Ватанны саклаучылар елы районда үзенчәлекле башланып китте һәм шундый рухта дәвам итә.

Әле бер ай элек кенә тугыз машинадан торган гуманитар колоннаны озаткан идек. Халыкның активлыгы, бердәмлеге һәм җиңүне якынайту өчен барысына да әзер булуы нәтиҗәсендә тагын бер гуманитар колонна оешты. Аны да шәһәр үзәгеннән тантаналы төстә озаттылар.

Башкалар ничек кабул итәдер, белмим, әмма шәхсән мин үзем бу күренешкә күз яшьләрсез тыныч кына карый алмыйм. Райондашларыбызның бердәмлеге сокландырып кына калмый, гаҗәпләндерә дә. Бер ай эчендә тагын шуның кадәр эш башкару үзе генә дә ни тора!

“Казан арты” тарих-этнография музеенда “Безнең геройлар” дип аталган күргәзмә ачылды.

Ул район Иҗтимагый советы инициативасы буенча музей хезмәткәрләре белән берлектә оештырылды.

Күргәзмә илебез сагында торган егетләребезнең батырлыгы, рухи ныклыгы, Ватанга туг-рылыклыгы белән таныштыруны күз алдында тота. Махсус хәрби операциядә 429 якташыбыз катнаша, шуларның 157се мобилизацияләнгән, 272се контракт буенча хезмәт итә. Без алар турында нәрсә беләбез? Күргәзмәгә куелган хәрби киемнәр, сугыш хәрәкәтләрендә зыян күргән дроннар, кулланылган сугыш кирәк-яраклары һәм махсус хәрби операция зонасындагы башка экспонатлар бераз гына булса да күзалларга ярдәм итәчәк. Ә әлеге экспонатларны музейга махсус хәрби операция зонасыннан алып кайткан ветеран әфганчы, курку һәм тынгы белмәс кеше Илнур Яруллин тапшырды.

Арчаның В.Ф.Ежков исемендәге 1нче мәктәбендә бүгенге көн геройлары белән очрашу булды

Эчтән генә елап утырдык... Бөек Ватан сугышы Геройлары да искә алынды.

Мәктәп үзе үк Герой исемен йөртә. Арчаның тау башында туып-үскән Валентин Федорович Ежков шушы мәктәптә укыган. Бөек Ватан сугышында Донецк өлкәсендә Степановка авылы янында рота командиры Валентин Ежков немецларның өч һөҗүмен кире кайтарып, 12 танкны юкка чыгара. Һәлак булганнан соң Советлар Союзы Герое исеме бирелә. Экраннан Геройның балачагыннан алып, сугыш көннәренә кадәр тулы бер фильм карадык.

Җиңүнең 80 еллыгы уңаеннан тагын җиде тыл ветеранына юбилей медальләре тапшырылды

Район башкарма комитеты җитәкчесе Ренат Гатиятов аларның өйләрендә булды, күкрәкләренә “1941-1945 еллардагы Бөек Ватан сугышында Җиңүгә 80 ел” медальләре такты, хәлләрен сорашты, теләкләрен җиткерде.

Яңа Кырлай авыл җирлегендә тыл ветераннары дүртәү иде. Икесе Яңа Кырлай, икесе Яңа Иябаш авылыннан.

Бер аягын югалтып кайткан батыр якташыбыз “ТехноАрск” ширкәтендә эретеп ябыштыручы булып эшли

Гөлсинә Зәкиева

Махсус хәрби операциягә мобилизацияләнгән Фидаил Габдрахманов 2023 елның 24 октябрендә миномет утына эләгә һәм каты яралана.

– Бер позициядән икенчесенә күчкәндә безне квадракоптер күреп алды. Шунда ук координатларны күрсәтеп, хәбәр бирергә дә өлгергән, күрәсең, минометтан ата башладылар. Аяк бик каты яраланды, госпитальдә ампутация ясадылар. Мине башта Тарасовка, аннан Валуйка дигән шәһәрдәге госпитальгә салдылар. Шунда кистеләр. Аннан Белгородка җибәрделәр, биш көннән Мәскәүгә күчерделәр. Шушы көннәрдә Мәскәүгә барам, протез куйдырам, аннан эшкә чыгам, – дигән иде ул беренче очрашуда киләчәгенә тулы бер ышаныч белән.

Район башлыгы Илшат Нуриев курсалылар хезмәтенә әнә шундый бәя бирде. Мактарлык та шул үзләрен

Ильяс Фәттахов

Хисап җыелышында баш белгечләр үз тармаклары буенча яхшы анализ ясадылар.

Хуҗалык җитәкчесе Рәүф Гыйлаҗетдинов, Урта Курса авыл җирлеге башлыгы Рәмзия Вафина 2024 елдагы эшләргә хисап тоттылар, алда торган бурычларга тукталдылар.

Район башлыгы Илшат Нуриев “Курса МТСы“ ширкәтенең район ирешкән уңышларга саллы өлеш кертүен билгеләп үтте, хезмәт алдынгыларына бүләкләр тапшырды.

Апаз һәм Шушмабаш авыл җирлекләрендәге хисап җыелышларында район башкарма комитеты җитәкчесе Ренат Гатиятов катнашты.

Әлеге җирлекләргә кергән авылларда яшәүчеләр кыенлык-

лар кичергән чорда да тотрык-лы эшләүче “Ватан“ һәм “Северный“ хуҗалыклары булуы белән бәхетле. Алар халыкны эш белән тәэмин итә, теләгән кадәр терлек асрарлык азыгын бирә, җирлектә булган проблемаларны хәл итәргә булыша.

Узган атнада Нурания һәм Рафаил Назыповларның алтын туйлары рәсмиләштерелде

Бу датаны алар якыннары арасында тантаналы рәвештә Арча мәдәният йортында билгеләп үтте.

Бәйрәмне бизәп, Расих Галимҗанов юбилярлар хөрмәтенә матур җырын башкарды. “Тик бер генә булсын, гомерлеккә калсын ...”

– Бүген сезнең көн. Яшьлегегезне искә алып, яңадан бер тапкыр алтын балдаклар алыштыгыз. Һәрвакыт үзегезне яшь тоеп яшәргә язсын, – диде район хатын-кызлар советы җитәкчесе Альмира Гатауллина һәм юбилярларга район башлыгы Илшат Нуриевның Рәхмәт хатын, истәлек бүләге тапшырды. – Бәхет нәрсә ул?