ФОТОРЕПОРТАЖЛАР

27-29 нчы февраль көннәрендә Мамадыш районы Түбән Ошма авылында 2004-2005 һәм 2006-2007 нче елгы үсмерләр арасында көрәш буенча Татарстан беренчелеге узды. Бу ярышларда 18 яшүсмердән торган Арча районы җыелма командасы да катнашты. Быел ярышларда катнашучылар саны рекорд куйган: 44 командадан 590 үсмер бил алыша. Келәмдә һәр үлчәү авырлыгында да көчле көрәш барды. 2006-2007 нче елгылар арасында Шакиров Ильяс (Шушмабаш мәктәбе, тренеры Саляхов М.Р.) 3 нче урынны яулады. Шакиров Булат (6 нчы мәктәп) һәм Ларин Руслан (Шушмабаш мәктәбе) 5 нче урында. Арча районы командасы бу группада 8 нче урында. 2004-2005 нче елгылар арасында Муратов Динияр (Арчаның 6 нчы номерлы мәктәбе, тренеры Хидиятуллин Ф.Ф.) 2 нче урында, Салахутдинов Ралиф, Абдеев Салават (Арчаның 6 нчы номерлы мәктәбе, тренеры Хидиятуллин Ф.Ф.) 3 нче урында. Яңа Кырлай мәктәбеннән Ранил Хәйретдинов (тренеры Саляхов М.Р.) үз улчәү категориясендә шулай ук 3 нче урынны яулады. Иске Чүриле мәктәбеннән Маланчев Айнур- 7 нче урында. Арча районы командасы 6 нчы урында.

26 февраль көнне Арча шәһәре Балалар сәнгать мәктәбендә «Без бергә» республика балалар халык иҗаты фестиваленең муниципаль туры узды. Чарада районның утыз алты гомуми белем бирү мәктәбе укучылары катнашты. «Без бергэ» Фестиваль-конкурсы ике яшь категориясендә һәм түбәндәге номинацияләр буенча үткәрелде: халык вокалы, халык вокаль ансамбле, хореография, инструменталь ансамбль, әдәби сүз, мода театры, театр иҗаты. Өстәмә белем бирү педагоглары да «Иҗади гаилә», «Иҗат канаты» номинациялерндә үз осталыкларын сынадылар «Идел буе сувенирлары» декоратив-гамәли эшләнмәләр күргәзмәсендә халык мәдәнияте традицияләре буенча эшләнгән һәм төрле материалдан эшләнгән эшләр тәкъдим ителде. Конкурста катнашучыларның барысы да матур, дәртле чыгышлар әзерләгәннәр. Муниципаль этапы җиңүчеләре район данын 2020 елның 12 мартында Балтач районында узачак зона турында яклаячаклар.

Арчада Татарстан Республикасы укучылары арасында спорт туризмы буенча (чаңгы туризмы) 50 нче республика ярышлары-слеты узды. Ярышларда республиканың 13 районыннан 32 команда катнашты. Слет кысаларында капитаннар конкурслары, Бөек Ватан сугышында Җиңүнең 75 еллыгына багышланган газеталар конкурсы, конкурс-викторина узды, анда 4 кешедән торган командалар Татарстан Республикасында туган якны өйрәнү һәм туризмга кагылышлы сорауларга җавап бирделәр. 23-24 февральдә Арча шәһәре стадионы территориясендә слет кысаларында чаңгы дистанцияләрендә спорт туризмы буенча ярышлар узды. Слетта Арча Укучылар Сарае командасы 3 яшь төркемендә катнашты. Балалар барлык этапларда да актив катнаштылар һәм зур нәтиҗәләргә ирештеләр. Барлык ярыш нәтиҗәләре буенча кече һәм урта яшь төркемнәрендә командалар-1 нче , зурлар төркемендә 2 нче урынны яуладылар.