ФОТОРЕПОРТАЖЛАР

23 нче февраль көнне "Арча" спорткомплексында 2009-2010 нчы елгы малайлар арасында баскетбол ярышлары булып узды. Ярышларда "Арча" спорт мәктәбеннән 2 команда (2009 нчы елгылар, 2010 нчы елгылар) һәм Алексеевск районы командасы катнаштылар. Кунаклар бу очрашуда 1 нче урынны яуладылар. 2009 нчы елгы, 2010 нчы елгы малайлар командалары 2-3 нче урыннарны бүлештеләр. Командаларның тренерлары Гимадиев Н.М. һәм Фасхетдинов И.Ф.

22 нче февраль көнне Әтнәдә 2002-2003, 2004-2005, 2006-2007 нче елыгы егетләр арасында көрәш турниры узды. Турнирда Әтнә, Биектау көрәшчеләре белән беррәттән тренер Ахмадиев М.Г. җитәкчелегендәге "Арча" спорт мәктәбе командасы да катнашты. Курса-Почмак мәктәбеннән Ахмадеев Дилүс 1 нче урынны яулады. Урта Курса мәктәбеннән Бухаров Камил, Закирзянов Әлфис, Валиев Ильмирлар үз үлчәү категорияләрендә 2 нче урында калдылар. Призерлар медаль, грамота һәм акчалата приз белән бүләкләнделәр.

21 нче февраль – Халыкара туган тел көне уңаеннан Арча шәһәренең 6 нчы номерлы урта мәктәбендә “Туган телеңне өйрән һәм ярат!” шигырь укучылар бәйгесе уздырылды. Әлеге шигырь уку бәйгесендә гомуми белем оешмаларының туган тел һәм әдәбият укытучылары катнашты.