ФОТОРЕПОРТАЖЛАР

Үрнәк авыл җирлегендә алтын туйларын билгеләп үтүче Рәфкать Хөрмәт улы һәм Нурания Вагыйз кызы Файзуллинарны өйләренә барып котладылар. Әлеге күркәм дата белән гаиләне котларга Арча муниципаль районы Үрнәк авыл җирлеге башлыгы Камалетдинов И.Р. килде. Юбилярлар ГХАТ бүлегенең Дан китабына кул куйдылар. Тантана сәбәпчеләре адресына бик күп җылы котлаулар яңгырады.

Дубайда (Берләшкән Гарәп Әмирлеге) G-2 категориясендәге таэквон-до буенча Ачык Чемпионат узды. Алмаз Закиров («Арча» мәктәбе) 9 нчы урынны алды, бераз гына Франциядән көндәшенә оттырды.

“Арча” спорт мәктәбендә 2006-2007 нче елгы кызлар һәм егетләр арасында волейбол буенча ачык турнир булып узды. Ярышларда Арча районы мәктәпләреннән һәм Әтнә, Кукмара, Балтач, Буа районнарыннан 8 кызлар командасы, 9 малайлар командасы уйнады.

Бүген яшьләр эшләре, спорт һәм туризм бүлеге 2019 елда спорт өлкәсендә башкарылган эшләргә йомгак ясады. Утырышта Татарстан Республикасы мәдәният министры Ирада Әюпова һәм район башлыгы Илшат Нуриев катнашты.