ФОТОРЕПОРТАЖЛАР

2020 елның 8 гыйнварында «Арча» спорт комплексының спорт залында 2008-2010 елгы кызлар арасында баскетбол буенча «Арча» спорт мәктәбе турниры булып узды. Нәтиҗәдә 1 урынны - " Пантерочка «командасы, 2 урынны – 2010 елгы кызлар командасы, өченче урынны 2008-2009 елгы кызлар командасы алды.

5 гыйнварда «Арча» спорт комплексында 2006-2007 елларда туган яшүсмерләр арасында баскетбол буенча ачык турнир булды. Турнирга Татарстан Республикасының иң көчле командалары – «УНИКС – ЮНИОР», Казан шәһәренең Вахитов районы АКШ, Кукмара шәһәренең «Зилант» командасы килде.

4 гыйнвар көнне Саба районының Шәмәрдән авылында 2008-2009 нчы елгы малайлар арасында мини-футбол буенча Яңа Ел турниры булып узды. Арча районы "Арча" урта мәктәбенең егетләр командасы 3 урынны яулады (команда тренеры Мифтахов И.Г.). 1 урында Саба районы командасы, 2 урында Кукмара районы командасы.

4 гыйнварда «Арча» спорт мәктәбендә тхэквондо бүлекчәсендә шөгыльләнүчеләр арасында тхэквондо буенча традицион ярышлар узды. Ярышларны ачу тантанасында Арча районы тхэквондо федерациясе рәисе Закиров Илшат Индус улы катнашты һәм барлык катнашучыларга яңа ел бүләкләре тапшырды.

4 гыйнварда «Арча» урта мәктәбенең спорт залында 2008-2009 елгы кызлар һәм малайлар арасында волейбол ярышлары булып узды, анда Иске Чүриле, Яңа Кенәр, Кәче, Иске Ашыт, Казанбаш, Арчаның 7нче мәктәпләре командалары катнашты.

3 гыйнварда Арча спорт комплексында 2006-2007, 2008-2010 елларда туган кызлар һәм егетләр арасында өстәл теннисы буенча ачык турнир булып узды.,анда Кукмара (2 команда), Теләче районнары, Яңа Кырлай, Арчаның 1нче мәктәбе, 6нчы урта мәктәбе спортчылары катнашты. Барлыгы 30 катнашучы булды.