Бөек герой - шагыйрь, язучы А.Алишның тууына 115 ел. Аның туган көнендә "Бала үсеше үзәге - Арча шәһәре 4 нче балалар бакчасы" муниципаль бюджет мәктәпкәчә белем учреждениясенең музыка залында “Ул безнең Алишыбыз” исемле кичә уздырылды. Язучының тормыш юлы, иҗаты искә төшерелде, мәктәпкә әзерлек төркеме балалары язучының “Куян кызы” әкиятен сәхнәләштергәннәр, А.Алишка багышлап өйрәнгән шигырьләрен сөйләделәр, шул төркемгә йөрүче кызлар А.Алишның сүзләренә язылган “Кыр казлары” җырына бик матур бию өйрәнгәннәр. Балалар А.Алишның әкиятләрен тыңлап, кыю, тырыш, дус, тату, эшчән, ярдәмчел, тыйнак булырга, әти- әниләрне, әби- бабайларны хөрмәт итәргә, туган илне яратырга өйрәнәләр.