ФОТОРЕПОРТАЖЛАР

Арча шәһәрендә тантаналы рәвештә "Казансу"футбол манежы ачылды.Арча муниципаль районы башкарма комитеты җитәкчесе урынбасары Ренат Гатиятов яшь футболчыларны, аларның тренерларын һәм район халкын әлеге истәлекле вакыйга белән котлады. "Бу заманча спорт корылмасы ел әйләнәсе футбол белән шөгыльләнергә, турнирлар уздырырга, җирле халык арасында массакүләм спортны актив үстерергә мөмкинлек бирәчәк", - диде Ренат Гатиятов. Видеокүпер буенча яңа спорт мәйданчыгын ачуга Татарстан Республикасы Рәисе Рөстәм Миңнеханов һәм Россия Төзелеш һәм торак-коммуналь хуҗалык министры Ирек Фәйзуллин старт бирде. Россия Федерациясе Хөкүмәтенә, Татарстан Республикасы җитәкчелегенә ел дәвамында яраткан спорты белән шөгыльләнергә һәм "Казансу"яңа заманча комплексы белән бергә яңа спорт уңышларына ирешергә мөмкинлек биргәннәре өчен рәхмәт белдерәбез.

29 август көнне Казанда "Баскет-холл"да "Казан Кремль Кубогына" бокс буенча ярышлар узачак. Бу турнирда үзебезнең Арча кызы - титуллы боксер Гөлүсә Галиева Сабрина Ван Дамм белән очраша.

Моннан соң сиңа 3 тапкырга күбрәк язылучылар язылачак!.. Кызыксындымы? Моңа һәм тагын башка алымнарга бүген Алдынгылар медиаукытуда өйрәнделәр. Алар өчен Кызыклы очрашу кысаларында остаханәләр үткәрелде: Миннебаева Гөлназ — видеограф, Сөләйманова Ралинә - СММ-белгеч, «Тренд форматлары: мавыктыргыч рилс, текст, мем» темасына. Абдрахманова Камилла, «Медиа һәм коммуникация» юнәлеше лидеры - «Алдынгылар Хәрәкәте контенты үзенчәлеге. Контентның форматлары. Практика». Хәзер безнең медиа команда тагын да профессиональ булды һәм сезне шәп контент белән сөендерергә әзер!

"Арча" спорткомплексында кызлар арасында волейбол буенча сборлар башланды. Бу алдагы Татарстан Республикасы беренчелекләренә әзерләнү максатыннан оештырыла. Тренерлар Сафин Рәшит Исмагилович, Әмиров Нияз Асхатович.

"Оста куллар" жәйге кичләрдә күршеләрне ишегалларында җыя. Чираттагы очрашу 14 август көнне Зәйнуллин һәм Борһанов урамнары киселешендәге ишегалдында оештырылды. Җәйге кич сабыйларның көлүләре, өлкәннәрнең илһамлануы һәм күршеләрнең эчкерсез аралашуы белән тулы иде. Балалар үзләрен робототехника, конструкторлар җыю, мультфильмнар ясау, автомодельләр һәм судомодельләр белән идарә итү буенча остаханәләрдә сынап карадылар. Барлык катнашучылар да казанышлары өчен файдалы сувенирлар һәм татлы бүләкләр алдылар. Өлкәннәр, концерт тыңлап, конкурслар һәм уеннарда катнашып, бәйрәм рухына чумды. Мондый искиткеч бәйрәмне бүләк иткән оештыручыларга рәхмәт. “Оста куллар” фестивале «Куршефест» конкурс программасы һәм Татарстан Республикасы Рәисе ярдәме белән үткәрелде. Җәй яктылык һәм бәхет бирүен дәвам итсен! Ә без, күшеләр, сезнең белән ешрак очрашыйк!