ФОТОРЕПОРТАЖЛАР

Пөшәнгәр авыл китапханәсендә «Безнең җир бер генә» дигән экологик сәгать узды. Чара барышында китапханәче балаларга бәйрәм тарихы, Җир Көнен бәйрәм итү традицияләре, үсемлек һәм хайваннар дөньясының төрлелеге турында сөйләде, китапханә фондында булган Кызыл китап белән таныштырды. Һәр ел саен мартның соңгы шимбәсендә бөтен планетада «Җир сәгате» экологик акциясе үткәрелә, анда теләгән һәркем катнаша ала.

Кушлавыч балалар бакчасында Халыкара Җир-Ана көне уңаеннан «Җир - безнең уртак йортыбыз» исемле чара үткәрелде, балалар планетабыз турында иллюстрацияләр карады, глобус белән таныштылар, планетабызны ничек саклап калу өчен нәрсә эшләргә кирәклеген белделәр. Табигатьтә, урманда үз-үзеңне тоту кагыйдәләре турында белемнәрне искә төшерделәр һәм ныгыттылар. Урманда яшәүче җәнлекләрне танырга өйрәнделәр.

Кәче балалар бакчасында өлкән һәм кече төркемнәрдә ел саен үткәрелә торган Бөтенроссия «Эколятлар көне»нә багышланган чаралар уздырылды. Чараның төп максатлары булып тәрбияләнүчеләргә экологик белем бирү, аларда җаваплы экологик тәртип формалаштыру булып санала. Бу көнне балалар «Эколятларның» әкият геройлары һәм табигатьне саклаучылар белән таныштылар.