ФОТОРЕПОРТАЖЛАР

Шурабаш авыл китапханәсендә укучылар белән «А»дан башлап «Я»га кадәр экология» дип исемләнгән экологик сәгать үткәрелде. Китапханәче балаларны табигат серләре, китап күргәзмәсе белән таныштырды. Табигать серләрен белү өчен китаплар укырга кирәк икәнен аңлатып үтте.

Табигатьне күзәтү, аны өйрәнү, сакларга омтылу балаларның рухи дөньясын баета, уйларга өйрәтә. Шуның өчен «Гөлчәчәк» балалар бакчасында тирә-якны өйрәнү, табигатькә сакчыл караш тәрбияләү максатыннан Апаз авыл китапханәсендә «Авылыбыз чисталыгы үзебезнең кулларда!» дип исемләнгән экологик тәрбия сәгате үткәрелде. Балаларга: - табигатькә мәһәббәт, үсемлекләргә, төрле җан ияләренә сакчыл караш тәрбияләү; -табигать кочагында үзеңне дөрес тоту, чүпләр ташлап калдырмау; -яшәгән авылыңдагы чисталыкны сакларга өйрәнү кирәклеге аңлатылды. Алар үзебезнең төбәк табигате тасвирланган китаплар белән дә таныштылар.

Өчиле авыл китапханәсе, экологик белемнәр көне уңаеннан, үзенең яшь укучыларын, 1-4 сыйныф укучыларын, «Акыллы эшләпә» дип аталган экологик дәрестә катнашырга чакырды. Бу юлы акыллы эшләпәдә экологик темага сораулар җыелды. Китапханәгә килүчеләрнең барысы да тиешле сорауны үзләренә алырга, дөрес җавап бирергә тиеш иде. Дөрес җавап биргән укучыларны китапханәче татлы конфет белән сыйлады.

Чиканас авыл китапханәсендә, мәдәният йорты хезмәткәре белән берлектә 4-5 нче сыйныф укучылары катнашында, Экологик белемнәр көне уңаеннан, «Дөньяны яхшырак ит» дигән экологик дәрес узды. Китапханә әлеге темага караган китаплардан, иллюстрацияле материаллардан «Серле дөньяга сәяхәт» исемле китап күргәзмәсе эшләнде һәм укучыларга тәкъдим ителде.

Экология - дөньякүләм әһәмиятле, мөһим мәсьәләләрнең берсе булып тора. Ул үзенең актуальлеге белән бүген бөтен кешелек алдына килеп басты. Бүгенге көндә табигатьне саклау, балаларга экологик тәрбия бирү иң зур проблемаларның берсе. Чөнки сулаган һавабыз, эчәр суыбыз сыйфатсыз, үстергән җиләк-җимешләребез төрле авырулар китереп чыгара башлады. Табигать, бөтен тереклек зур куркыныч астында. Бу һәркемне уйландыра. Менә шуның өчен бөтен көчебезне табигатьне саклауга, экологик хәлне яхшыртуга юнәлдерергә тиешбез.Беренче класс укытучысы Дилбәр Хәлил кызы һәм укучылар Яңа Кырлай авыл китапханәсендә «Экологик сукмак буйлап» экологик әдәби-музыкаль композициядә булдылар.