ФОТОРЕПОРТАЖЛАР

Урта Пошалым авыл китапханәсе укучылар арасында «Экология турында язабыз» дип аталган әдәби конкурс игълан иткән иде. Конкурста катнашучылар Экология һәм планетабызны саклау темасына шигырьләр, хикәяләр, эсселар тәкъдим иттеләр. 1 урын - Югары Пошалым башлангыч мәктәбе укучысы Рахимҗанов Ранил; 2 урын - Югары Пошалым башлангыч мәктәбе укучысы - Ходжаев Ахмад. өлкәннәр арасында: 1 урын - Югары Пошалым авылыннан - Шарафиев Ренат Минзөфәр улы; 2 урын - Югары Бирәзә авылыннан Филсинә Корбангалиева.

22 апрель-Бөтендөнья Җир көне. Бу бәйрәм планетабызның глобаль бәйрәме. Шушы истәлекле көн алдыннан, шулай ук «Язгы изгелек атнасы» кысаларында Арча район балалар китапханәсендә «Җир шары - безнең зур йортыбыз» исемле экологик дәрес үтте. Ә кунакларыбыз - 9 нчы номерлы балалар бакчасында тәрбияләнүче балалар һәм 1 нче мәктәпнең 2 нче В сыйныф укучылары булды.

Кукмара районында зур чара - "Тату сыйныф серләре" дигән ата-аналар комитетлары республика фестиваленең финал этабы узды. Татарстан Республикасының иң көчле 13 командасы үзләренең сәләт һәм осталыкларын күрсәттеләр, көч сынаштылар. Чарада Татарстан Республикасы мәгариф һәм фән министры Илсур Гәрәй улы Һадиуллин, Татарстан Республикасы Мәгариф һәм фән министры урынбасары Әсәдуллина Алсу Мөниб кызы катнашты. Районыбыз данын Арчаның 6 нчы номерлы урта гомуми белем мәктәбенең 6 нчы А сыйныфы ата- аналар комитеты яклады һәм икенче урынга лаек булды. Чын күңелдән котлыйбыз!