ФОТОРЕПОРТАЖЛАР

Россия көне уңаеннан, Үзәк китапханәдә патриотик рухта «Я другой такой страны не знаю…" исемле интеллектуаль уен узды. Уен барышында бәйрәм тарихы, Россия символикасы, бәйрәм традицияләре, бу көнне нинди чаралар үткәрелә һәм ни өчен ул 12 июньдә билгеләп үтелә. Чараны тематик күргәзмә тулыландырды. Командалар төрле конкурслар сорауларына актив җавап бирделәр, мәкальләр һәм әйтемнәр чиштеләр, рус халык җырларын башкардылар, халык уеннарын искә төшерделәр һәм уйнадылар. Уенда катнашучылар күпмилләтле илебезнең зур һәм матур тарихын кабатлап кына калмадылар, ә үзләренең патриотик рухын да күтәрделәр.

Бүген Үзәк китапханә хезмәткәрләре Арча балалар сәнгать мәктәбендә «Сәхнә» журналының 20 еллык юбилее һәм Зиннур Хөсниярнең «Хур кызлары» романы буенча оештырылган китап укучылар конференциясен уздырды. Конференция Мәдәният идарәсе җитәкчесе Аюпов Илфар Илдар улының кереш сүзе белән башланып китте. «Әлифба» музее җитәкчесе Тазиев Дамир роман буенча үзенең фикерләрен җиткерде, тулаем анализ ясады. «Хур кызлары» романыннан Рүзия Хәкимова, Рамил Мөхетдинов, Рилә Абдрахманова башкаруында шигырьләр укылды. Рух, Әхлак, Сафлык, Матурлык, Горурлык төшенчәләре турында фикерләр алыштылар, катнашучылар тарафыннан авторга роман буенча сораулар, тәкъдимнәр җиткерелде. «Сәхнә» журналының баш мөхәррир урынбасары Алсу Габдуллина үзенең матур җырларын бүләк итте, шулай ук «Тәгәри китте язмышлар» дип аталган яңа пьеса сюжетлары өчен халыктан килгән тормыш тарихлары-язмаларга бәйге оештыру турында сөйләп узды. Район мәгариф бүлегенең милли мәгариф өчен җаваплы белгече Мостафина Энҗе рәхмәт сүзләрен җиткерде. Конференция ахырында Зиннур Хөснияр Арча районы җитәкчеләренә һәм халкына рәхмәт сүзләрен җиткерде.

Үзәк китапханә хезмәткәрләре Россиядә Пушкин көне уңаеннан бөек рус шагыйренең тормыш юлын һәм иҗатын Арчаның 1нче номерлы мәктәбе каршында эшләп килүче җәйге ял лагерында тәрбияләнүчеләр белән бергәләп искә алдылар. Балалар әкият дөньясына мавыктыргыч станцияләр буйлап сәяхәт итте, табышмакларга җавап бирделәр, хәрәкәтле уеннарда, конкурсларда катнаштылар, бер-берсенә комплиментлар ясарга өйрәнделәр һәм Пушкин чоры балында катнаштылар.

Байлар Сабасында узган Татарстан Республикасы муниципаль хезмәткәрләре спартакиадасында волейбол буенча өченче урынны яулаган Арча районы муниципаль хезмәткәрләренең хатын-кызлар командасын һәм тренер Гатауллин Нияз Шәүкәт улын чын күңелдән котлыйбыз!

Бүген Арча гуманитар-техник техникумның 1 нче курс студентлары өчен Үзәк китапханәдә Бөтендөнья тәмәкегә каршы көрәш көненә багышланган чара узды. Китапханәче сәламәт яшәү рәвеше турында сөйләде, тәмәкенең сәламәтлеккә никадәр зыянлы икәнлеге турында презентация һәм видеоролик күрсәтте. Чара ахырында студентлар викторина сорауларына җавап бирделәр, үзара фикер алыштылар.

Татарстан Республикасы Лаеш муниципаль районы Никольское авылында "Каравон” рус халык фольклор фестивале узды. Фестиваль быел 30нчы тапкыр үткәрелә. "Каравон" фестивалендә Арча район мәдәният йортыныннан "Русская песня" халык вокаль ансамбле дә чыгыш ясады. Әлеге коллективыбыз мәдәниятка керткән өлеше һәм 50 еллык иҗат юлы өчен, "Татарстан Республикасы Рус милли-мәдәни берләшмәсе" региональ иҗтимагый оешмасының Арча бүлекчәсе тарафыннан (җитәкчесе Васильева Л.Н.) хуплау алып үрнәк коллективлар исемлегенә тәкъдим ителгән иде. Һәм бүген "Русская песня" иҗади күрсәткечләре өчен ТР президенты Рөстәм Миңнеханов исеменнән 400 000 сумлык сертификат белән бүләкләнде. Чын күңелдән котлыйбыз!

Татарстан Республикасы Милли китапханәсенең конференц-залында Татарстан Республикасы муниципаль районнарында «Иң яхшы эшмәкәрләр Советы» III Республика конкурсының финал өлеше узды. Конкурс кече һәм урта бизнес предприятиеләре ассоциациясенә 20 ел тулуга багышланган чараларның бер өлеше булып тора һәм Татарстан Республикасы Иҗтимагый палатасы белән стратегик партнерлыкта уздырылды. Чарада Азнакай, Аксубай, Актаныш, Арча, Буа, Чүпрәле, Яшел Үзән, Кайбыч, Кама Тамагы,Минзәлә, Түбән Кама, Сарман, Спас, Тукай, Чистай, Балык Бистәсе муниципаль районнары һәм Казан, Чаллы шәһәрләре эшкуарлары советы вәкилләре катнашты. Конкурс йомгаклары буенча Арча муниципаль районы эшкуарлары Советы Татарстан Республикасы кече һәм урта бизнес предприятиеләре Ассоциациясенең Рәхмәт хаты белән бүләкләнде. Алга таба да уңышлы эшчәнлек телибез!!!