ЯҢАЛЫКЛАР

“Изгелекнең чиге юк” проекты кысаларында “Без төрле, әмма барыбыз бергә” дигән әдәби район бәйгесе булып үтте. 

Ул Арча үзәк китапханәсендә оештырылды. Исеменә караганда, бу гадәти чара түгел. Үзенчәлек нәрсәдән гыйбарәт соң? Беренчедән, бәйге сәламәтлекләре буенча мөмкинлекләре чиклеләр ункөнлегендә оештырыла. Икенчедән, анда Арча балалар бакчаларында тәрбияләнүчеләр белән беррәттән “Өмет чыганагы” тернәкләндерү үзәгенә йөрүче балалар да көчләрен, сәләтләрен сыный. Китапханәдә узуы бәйгенең китап уку, сәнгатьле сөйләү белән бәйле булуын исбатлый.

7 декабрьдә Урта Курса мәктәбенең “Яшь армиячеләр“ отрядына Айрат Галәветдинов исеме бирелүгә багышланган тантана булды.

Үткәнен белмәгәннең киләчәге юк, диләр. Монда сүз тарих турында бара.

Ә тарихны безгә иләк аша иләп, сөзгеч аша сөзеп кенә җиткерәләр. Менә без узган гасырның алтмышынчы елларында Югары Курса сигезьеллык мәктәбендә дүрт ел укыдык. Ике катлы кирпеч бина, подвал өлеше дә бар, анда да берничә класс укый иде әле. Соңрак куркыныч хәлдә дип, ул өлешен бикләп куйдылар.

Арчаның 10нчы балалар бакчасында “Милли мирасыбыз балаларга бүләккә” дигән милли традицияләр фестивале – республикакүләм семинары узды.

Байкал клубында эшләп килүче “Гәүһәр” фольклор коллективының биш еллык юбилеен билгеләп үттеләр.

Кайберәүләрнең моны юбилейга да санамаулары бар. Әмма 92 хуҗалыклы, 115 кешесе булган (шуларның 65е пенсия яшендә) районның чигендә үк урнашкан авыл өчен бу бик зур вакыйга. “Авыл яши, аның мактарлык кешеләре, күрсәтерлек эшләре бар икәнне белдерәсе килә”, – диде клуб җитәкчесе Гүзәл Сәмигуллина.

Янып, Кәчедән Вәлиәхмәтовлар гаиләсе икенче тапкыр йортсыз калды.

Бу хәбәрне ишетүгә, күз алдына көрәшче, Россия һәм Татарстан чемпионы  Дияз Вәлиәхмәтов килде. Шулар гаиләсеме икәнни?!

Эльвина Гусманова, родившаяся с ограниченными возможностями здоровья,занимается в отделе дневного пребывания при «Центре милосердия»

В отделе дневного пребывания при «Центре милосердия» сегодня занимаются 20 человек. Отдел, открытый в рамках национального проекта «Демография», работает два года.

Арчада яшәүче тумыштан сәламәтлеге буенча мөмкинлеге чикле Рамил Шәрәфетдинов үз эшен башлап җибәрергә җыена.                              

Бу хакта әнисе Тәнзилә серне чиште. Арча үзәгеннән фатир сатып алды бу гаилә. Ипотекага. “Элеккесен сатып түлисезме инде?” – дип сорадым. “Башта шулай уйлаган идек. Аннан Рамил үзе кебек үк сәламәтлекләре буенча мөмкинлекләре чикле ике дусты белән үз эшен башларга, шул фатирда хезмәт урыны булдырырга теләве турында әйтте. Каршы килмәдем”, – диде ул. Рамил ике дипломы булган югары белемле оста программист, әмма... коляскада.

Туган авылым турындагы “Айваным“ җырын тәкъдим итү кичәсе җыр белән башланып китте.

Еракларга таралсын даның, Бәгыремнең үзәге – Айваным! Бик дулкынландыргыч мизгелләр иде бу. Күздән яшьләр килде. Эх, сүзләре, көе... Үзәкләрне өзә.

Арчага “Идел” һәм “Ялкын” журналлары баш мөхәррирләре Гөлүсә Закирова һәм Илназ Фазуллин кайтты.

Арча үзәк китапханәсендә очрашу булды. “Утыр. Сөйләшик әле бер” рухында үтте ул.