ЯҢАЛЫКЛАР

Бу сүзләрне мин уйлап чыгармадым, аларны Казанбаш авылында яшәүче Ранил Шакирҗанов әйтте. Бу гаҗәеп кешенең нинди һөнәр иясе икәнлеген тиз генә аңлап та бетермәссең. Сүзгә кесәгә керә торганнардан түгел, бик күңелле әңгәмәдәш.

9 декабрьдә “Арча” балалар–яшүсмерләр мәктәбенең спорт залында 2000–2001 елларда туган һәм аннан яшьрәк яшүсмерләр арасында көрәш буенча район беренчелегенә ярышлар үткәрелде.

Районда күрмәүчеләр һәм начар күрүчеләр оешмасының безнең зона буенча яшьләр форумы булды. Күрше-тирә районнардан һәм хәтта Ижевскидан килгәннәр иде. Ул район үзәк китапханәсендә үтте.

Узган атнада Арча педагогика көллияте үзенә республиканың шигырь җанлы яшьләрен җыйды. Биредә “Мин яратам сине, тормыш!” дип аталган, шагыйрьләр Белла Әхмәдуллина һәм Роберт Рождественский иҗатына багышланган бәйге узды.

Авыл җирлекләрендә “Ир солтаны–2017” бәйгесе кызганнан–кыза бара. Бу юлы Урта Курса авыл мәдәният йорты сәхнәсенә якын–тирә авыллардан чын мәгънәсендә ир солтаннары исеменә лаек булган егетләр күтәрелде. Аларның һәрберсе беренче карашка ук сокланырлык.

Декабрь башында Арчада гражданнар оборонасы буенча өйрәнүләр узды. Максаты – Гадәттән тыш хәлләрне һәм куркыныч янардай җитди очракларны булдырмау, андый хәлләр килеп туганда эвакуацияләүне тиешенчә оештыра алу дәрәҗәсен тикшерү, практик эшчәнлекне үстерү һәм белемнәрен камилләштерү.

Район яшьләр эшләре һәм спорт бүлеге белгече, “Форпост” оешмасы җитәкчесе Гомәр Минһаҗев шатлыклы хәбәр җиткерде. “Безнең ике егетебез С.З.Япеев стипендиясенә лаек булды”, – диде ул.

Арчаның икенче мәктәбендә райондашларыбызга яңалыклар җиткереп торучы даими хәбәрчебез Рүзәл Шәрипов бар. Берәр вакыйга була калса, шундук, вакытын табып, язып та җибәрә.