Булачак әниләр белән очрашу
«Көчле гаилә: барысы да йөкле» форумы кысаларында 2024 елның 5 апрелендә Арча муниципаль районының социаль яклау бүлегендә Бөтенроссия йөклеләр көненә багышланган чара узды.
Сәламләү сүзе белән чараны социаль яклау бүлеге башлыгы Д.М. Ибраһимова ачты.
ЗАГС бүлеге башлыгы Бәхтиярова Ф.Р. җәмгыятебездә ана һәм бала табуны тәэмин итүнең, традицион кыйммәтләрне саклауның мөһимлеген ассызыклады, «Бала тууы» суперсервисы ярдәмендә тууны дәүләт теркәве, алдагы документларны – ОМС полисын, СНИЛС һәм ИНН алу тәртибе турында сөйләде һәм балаларның тууын Арча районы ЗАГС бүлегендә теркәргә чакырды. Барлык чакырылучыларга «Бала тууы» суперсервисы турындагы мәгълүмат белән буклетлар тапшырылды.
Гаилә һәм балаларга социаль ярдәм бүлеге мөдире Н.Р. Дәүләтшина йөклелек буенча да, сабыйлар туганнан соң да булган пособиеләр һәм түләүләр турында мәгълүмат белән чыгыш ясады һәм булачак әниләрне мастер-классларга чакырды.
Чара кысаларында Арча мәдәният йорты хезмәткәрләре Рәсих Галимҗанов һәм Вәгыйз Аглиуллин йөкле хатын-кызларны үзләренең якты вокаль һәм инструменталь номерлары белән котладылар.
Чара бай, җанлы һәм кызыклы үтте. Район мәдәният идарәсе исеменнән барлык кунакларга «Казан арты»музеена чакыру билетлары тапшырылды.
Ата-аналарга һәм балаларга сәламәтлек, бала туу һәм тәрбияләү белән бәйле уңай эмоцияләр һәм тәэсирләр диңгезе телибез!