“Соры” хезмәт хакына “юк” дип әйтегез

“Соры” хезмәт хакына “юк” дип әйтегез
“Соры” хезмәт хакы кешегә файдага түгел. Эш бирүче үзенә ялланып эшләүчене хезмәт килешүе төземичә генә файдалану күренеше киң таралды. Мондый юл белән җитәкче үз хезмәткәрләрен киләчәктә пенсиясез калдырачак.
Хезмәткәрләр үзләре үк “соры” хезмәт хакы алу белән килешеп, үзләрен иң элек, болничный кәгазьләренә түләүдән, эштән кыскартулар, бала туу белән бәйле социаль гарантияләр, башка пособие төрләре, чираттагы ялны алу, ял көннәрендә эшләгән өчен түләүләрдән мәхрүм итәчәк. Аларның хезмәт стажы да бармаячак.
Соры схема шартларында эшләүче хезмәткәрнең эш бирүче белән ике арада булган мөнәсәбәтләре тулысынча яклаучысыз булачак. Әгәр дә хезмәткәрне эш бирүче кыерсытса, ул үзенең хокукларын һәм законлы мәнфәгатьләрен яклый алмаячак. Һәм ул судка дө- реслек эзләп тә бармаячак, барган очракта да “соры” хезмәт хакын дәлилләве кыен булачак.
Кызганычка каршы, барлык эш бирүчеләр һәм хезмәткәрләр хезмәт килешүе төзергә кирәклегенең әһәмиятен аңлап бетерми, алга таба хезмәткәрдә проблемалар туа башлаячак, алар гарантия һәм компенсацияләрдән колак кагачак.
Моннан тыш, “соры” хезмәт хакы алучыга банктан да кредитны бик бирәбез, дип тормыйлар. Кредит биргән очракта да процентлар, гадәттә, югары булачак.
Кабатлап әйтәбез, “конверттагы” хезмәт хакы киләчәктәге пенсия күләменә бик нык тәэсир итәчәк.
“Соры” хезмәт хакы алмас өчен нишләргә соң? Эшкә урнашканда иң элек хезмәт хакын ничек итеп бирәчәкләре турында сорарга кирәк. Һичшиксез, хезмәт килешүе төзергә кирәк.
Коммерция оешмаларында минималь хезмәт хакы 6420 сум, бюджет оешмаларында 5965 сум тәшкил итә.
“Соры” хезмәт хаклары белән бәйле мәгъ- лүматлар булса, башкарма комитетка 3–06–44 һәм мәшгульлек үзәгенә 3–17–33 телефонына шалтыратуыгызны сорыйбыз.
Бу телефоннар аша кергән барлык мәгълүматлар белгечләр тарафыннан анализланачак, алар буенча урыннарга барып тикшерүләр үткәреләчәк һәм эш хезмәт хакын рәсмиләштерү буенча территориаль комиссиягә тапшырылачак.
Районның икътисад бүлеге