Халыкара Эниләр көне алдыннан “Мәрхәмәтлек үзәге”нең социаль педагоглары 01 нче ноябрьдән 21 нче ноябрьгә кадәр “Минем әни” исемле балалар рәсеме конкурсы үткәрделәр.
Чарада катнашучы 12-15 яшьтәге күп балалы, тулы булмаган һәм ведомствоара исәптә торган яшүсмерләр “Мин әниемне яратам”, “Әни һәм сабый”, “Минем әнием иң әйбәте”, “Без әни белән дуслар”, “ Гаилә учагы саклаучы” исемнәре астында үзләренең иҗади эшләрен тәгъдим иттеләр. Бәйгедә катнашучылар рәсем аркылы әниләренә мәххәббәт һәм рәхмәт хисләрен җиткезә алдылар.
Конкурста җиңүчеләр мактау грамоталары белән бүләкләнделәр, ә иң яхшы иҗади эшләр “Мәрхәмәтлек үзәге”ндәге күргәзмәдә тәкъдим ителделәр.