ФОТОРЕПОРТАЖЛАР

Бүген китапханәбездә «Татар китабы – 2026» конкурсы кысаларында, Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән уздырыла торган эшлекле очрашу булды. Чараны оештыручы: Татарстан китап нәшрияты. Кичә мәркәзебездән кайткан дәрәҗәле кунаклар белән берлектә узды.

Лицейда «ЭкоЯз» конкурсы дәвам итә, һәм хәзер алар аның өченче, иң иҗади атнасында. Бу атна кысаларында лицей укучылары материалларны кабат куллану мөмкинлекләре белән танышалар һәм гадәттә чүп-чарга җибәрелә торган әйберләрдән матур һәм файдалы әйберләр ясарга өйрәнәләр. Бүген 2 «А» сыйныфы укучылары үз куллары белән икенчел чималдан гаҗәеп эшләнмәләр ясадылар. Чикләвек кабыгы, пластик капкачлар һәм калай банкалар эшкә җигелде. Балалар гадәти предметларны чын сәнгать әсәрләренә әйләндереп, фантазия һәм осталык күрсәттеләр. Мондый дәресләр иҗади сәләтләрне үстереп кенә калмый, бәлки балаларда әйләнә-тирә мохиткә җаваплы мөнәсәбәт формалаштыра, ресурсларны сакларга һәм гадәти әйберләрдә матурлыкны күрергә өйрәтә. #ГодЕдинстваНародов #ГодДоблестиРТ #ЭкоВесна #эковесна2026 #МинэкологииРТ #ЭкологияДетям #МногопрофильныйлицейимениКурсави

Безнең балалар бакчасында "Экояз"республика конкурсы кысаларында экологик марафон дәвам итә. 3 нче атна "экологик илһам калейдоскобы» исеме астында уза. Бу атна- чын "Идеялар калейдоскобы". Без аны көн саен яңача әйләндерәбез һәм табигать турында кайгыртуның гаҗәеп төсләрен күрәбез. Бакчабызда тәрбияләнүче балалар кулланудан чыккан,иске әйберләр дә , сәнгать әсәре була алуына инана, ә планета турында кайгырту — күңелле ,ызыклы һәм файдалы гамәл! 15нче апрель көнне ,балалар әти-әниләре белән бергәләп ,ташландык материаллардан көнкүрештә файдалы булырлык һәм бүлмәне бизәрлек “сәнгать әсәрләре “ ясадылар.

Бүген китапханәбездә Республикакүләм уздырылган «Тукайны бергәләп укыйбыз. Читаем Тукая вместе» әдәби-агарту акциясе кысаларында икенче этапка узган шигырь укучылар бәйгесе узды. “Тукай – мәңгелек!” дип аталган шигырь бәйгесендә катнашучылар ике төрле яшь үзенчәлегендә: 7 -13 яшькә һәм 14 -35 яшькә кадәр иделәр. Икенче этап җиңүчеләре Г.Тукай шигырьләрен жюри каршында сөйләп тагын бер тапкыр осталыкларын күрсәттеләр. Чара матур җырлар, котлаулар белән үрелеп барды. Кичә ахырында жюри бәйге нәтиҗәләре белән дә таныштырды, һәр катнашучыга дипломнар һәм истәлекле бүләкләр тапшырылды. Бәйгенең Абсолют җиңүчесе исеменә лаек булган “Гран-при” иясе Хәлфин Әнвәр мәркәзебез Казанда оештырылачак Г.Тукайның тормышы белән бәйле истәлекле урыннарга театраль-экскурсион маршрутлы “Адрес души. Тукай” дигән приз-чакыруга ия булачак. Катнашучыларга ихлас, матур чыгышлары өчен олы рәхмәтләребезне белдерәбез, алдагы бәйгеләрдә уңышлар, матур нәтиҗәләр телибез.