ФОТОРЕПОРТАЖЛАР

16 ноябрьдә Казанда «Прорыв» X Республика заманча сәнгать бәйгесе узды. Арча балалар сәнгать мәктәбенең «Тамчылар» бию төркеме ике икенче Лауреат дипломнарына лаек булдылар. Җитәкчеләре Гомәрова Альбина Данис кызы; «Патриотик шигьрият. Соло» номинациясендә театр бүлеге укучылары Фәйзрахманов Нурсултан - 2 нче дәрәҗә Лауреат, Хәсәнова Азалия - 3 нче дәрәҗә Лауреат дипломнарына лаек булдылар. Укытучылары Ахунова Ләйсән Габделәхәт кызы.

Буген Арча үзәк китапханәсендә 13 ноябрь – Халыкара сукырлар көне уңаеннан, Татарстан Республикасының Атказанган матбугат һәм массакүләм мәгълүмат чаралары хезмәткәре, Татарстан Язучылар берлеге әгъзасы, журналист Фирдүс Гыймалтдинов әсәрләре буенча китап укучылар конференциясе узды. Очрашуга күп төрле җанрларда каләме үткен хөрмәтле кунагыбыз Фирдүс Гыймалтдинов, Казан шәһәренең «Сукырлар һәм начар күрүчеләр өчен Шәриф Еникеев исемендәге республика махсус китапханәсе» директоры Идрис Хәертдинов, шушы ук китапханәнең төбәкара хезмәт күрсәтү бүлеге мөдире Әхмәтҗанова Миләүшә кайткан иде. Якташларыбыз Арча районы сукырлар җәмгыяте җитәкчесе Зөфәр Зарипов, Балтач районыннан күрмәүче һәм начар күрүче инвалидлары, киң җәмәгатьчелек китап укучылар, күрү сәләтен югалткан һәм авыр тормыш хәлендә калган райондашларыбыз, Г.Тукай исемендәге Арча педагогия көллияте укучылары һәм укытучылары килде. Конференция башында бу көннең килеп чыгу тарихы турында мәгълүмати видеоролик күрсәтелде, килгән кунакларның чыгышлары тыңланды. Чарада язучы Фирдүс Гыймалтдиновның катнашуы очраклы түгел. Аның иҗатында начар күрүчеләр өчен Брайль шрифты белән бастырылган әсәрләре бар. Конференциядә язучы әсәрләре буенча анализ ясау, фикер алышу тәртибендә барды. Шулай ук китап укучылар тарафыннан язучыга сораулар бирелеп, тулы җаваплар алынды.

Бүген Арча Үзәк китапханәсендә якташыбыз, талантлы яшь язучы, ТР Язучылар берлеге әгъзасы Олеся Феоктистованың «Город Зилантов» дигән яңа чыккан китабын тәкъдим итү кичәсе узды. Әдәби кичәдә автор үз әсәрен язу тарихы белән уртаклашты. Әсәрнең геройлары борынгы риваятьләрдән алынган мифик образлар. Әдәби кичәгә Олеся Феоктистова Казан шәһәрендәге тарихи һәм кызыклы урыннар белән бәйле презентация тәкъдим итте. Презентация нигезендә ул укучыларга тулы һәм бай мәгълүмат бирде, якты образларны уйлап табу серләрен ачты. Арча шәһәренең 6 нчы номерлы урта гомуми белем мәктәбе укучысы Гарифуллина Рафинә төп героиня -Дилия ролен уйнады. Талантлы кызның рольгә кереп, оста итеп уйнавы балаларда әсәрне укуга тагын да кызыксыну уятты. Укучылар китап турында мәгълүматьне тулыландыру өчен авторга үзләренең кызыклы сорауларын биреп, язучыдан әкияти-сихри җаваплар алдылар. Очрашу бик җылы атмосферада узды һәм балаларда китапны уку теләген тудырды.

Бүген Үзәк китапханә каршында эшләп килүче “Каурый каләм” әдәби-иҗат берләшмәсе әгьзасы, үзешчән шагыйрь тормышны яратып, иҗатта янып яшәүче каләм остасы, 2 китап авторы хөрмәтле райондашыбыз, шигьри җанлы Ренат Шәрәфиевның иҗатын китап укучыларга яктыртуга багышланган әдәби кичә узды. Чарада китап укучыларга үзешчән шагырьнең “Кайтыйк әле яшьлек язына” дигән яңа китабы тәкьдим ителде. Әдәби-музыкаль кичәгә киң катлам китап укучылар, “Каурый каләм” әдәби-иҗат берләшмәсе әгъзалары, китапханәчеләр, шагырьнең туганнары, якыннары килде. Очрашуда шагыйрь иҗатын яктырткан презентация һәм видеороликлар күрсәтелде. Кичә барышында китапның һәр бүлектән шигырьләр укылды, райондашыбыз, көйләр авторы Светлана Хазиева белән берлектә җырлар яңгырады. Чарада шигырь китабына кереш сүз язган Татарстан Язучылар берлеге әгъзасы Гөлчирә Нәҗметдинова чыгыш ясады. Әдәби-музыкаль кичәдә яңа китапка карата фикерләр тыңланды, җылы сүзләр, матур теләкләр, моңлы җырлар гармун көйләренә уралып уңышлы үтте. Ринат Минзөфәр улына алдагы елларда да яңа китаплары дөнья күреп, китап укучыларны сөендерер дигән теләктә калдык.

7-9 ноябрьдә Казанда XXll Халыкара «Золотая нить» дизайн-проекты бәйгесе узды. «Заманча этник костюм» номинациясендә Арча балалар сәнгать мәктәбенең «Хәят» этник костюм театры төркеме кызлары III дәрәҗә лауреат дипломына лаек булды. Шулай ук «Хәят» төркеменең кече группа кызлары беренче тапкыр бәйгедә чыгыш ясап ll дәрәҗә лауреат дипломына лаек булды. Алар бәйгенең кубоклары һәм бүләкләре белән бүләкләнде. Җитәкчеләре Кәримова А.А., Галимҗанов А.Р., Гомәрова А.Д., Солтанова Д.Э.

29 октябрьдән - 5 ноябрьгә кадәр Төньяк Осетия-Алания Республикасы Владикавказ шәһәрендә «АЛТЫН МАЙДАН-Алания» Халыкара милли мәдәният фестивале-бәйгесе - 2025 узды. Фестивальдә Арча балалар сәнгать мәктәбенең “Хәят” этник костюм театры төркеме кызлары катнашып I һәм II дәрәҗә Лауреат дипломнарына лаек булдылар. Җитәкчеләре Кәримова Альмира Әхтәм кызы, Галимҗанова Айгөл Радис кызы, сәхнәгә куючы Гумерова Альбина Данис кызы, хореограф Солтанова Дина Эльмир кызы. Фестиваль программасы бик бай булды. Укытучылар «Халык гореф-гәдәтләрен өйрәнү нигезендә балаларның һәм яшүсмерләрнең этномәдәни үсеше» дип исемләнгән фәнни-гамәли конференциясендә катнаштылар. Шулай ук Бесланда урнашкан мемориаль комплекс, осталык дәресләре, экскурсияләр, музейларда булдылар. «Артхурон» халык фольклор бию театры концертын карадылар. “Хаят” төркеме кызларын һәм җитәкчеләрен җиңүләре белән котлыйбыз!

21 октябрьдә балалар сәнгать мәктәбендә беренче сыйныф укучылары өчен «Сәнгать доньясына сәяхәть» бәйрәме узды. 100 якын беренче сыйныф укучысы быел мәктәп укучылары сафын тулыландырды. Бу музыкантлар да, биючеләр дә, рәссамнар да. Бәйрәм театральләштерелгән тамаша белән башланып китте, Төп рольләрне «Зазеркалье» (җитәкчесе Зөлфия Кочурова) театр бүлеге укучылары уйнады. Әдәби персонаж Незнайка (Мәгъсүмов Ирек), шулай ук сәнгать феясы (Кочурова Оля) бию феясы (Шайдуллина Ләйсән) балалар белән күңелле уйнадылар, табышмаклар чиштеләр, викторинада катнаштылар, җырладылар, биеделәр. Беренче сыйныф укучыларының беренче чыгышлары да бәйрәмнең матур бизәге булды. Иҗатта беренче адымнарын гына башласалар да, мәктәп сәхнәсендә аларның чыгышлары күркәм һәм бик матур булды. Кечкенә артистларның һәр музыкаль номеры җылы каршы алынды һәм көчле алкышлар белән озатылды. Бәйрәм азагында балалар сәнгать мәктәбе директоры Сабирова Г.Б., укыту һәм тәрбия эшләре буенча директор урынбасары Хасанова З.Ф. укучыларга значоклар тапшырдылар, матур теләкләрен җиткерделәр. Чара балалар күңелендә җылы тәэсир калдырды.