ФОТОРЕПОРТАЖЛАР

Яр буе территорияләрен чистарту - һәркемнең киләчәккә керткән өлеше! 8 атна - "Чиста су" ЭКОяз 2026 ел. Наласа гомуми үсеш бирү төрендәге "Балачак" балалар бакчасында тәрбияләнүче өлкән төркем балалары: Гафуров Риналь,Сибагатуллин Рамазан, Мөхәммәтҗанова Зәлия әти-әниләре белән берлектә чишмә яны территорияләрен чүпләрдән арындырдылавр. Чиста елгалар-чиста тормыш! Елгалар - безнең табигый хәзинәләребез. Безнең елгаларның чисталыгына күп нәрсә бәйле: эчә торган суның сыйфатыннан алып әйләнә-тирә мохитнең торышына һәм халыкның сәламәтлегенә кадәр. Шуңа күрә су артерияләребезнең ярларын калдыклардан чистартып, табигатьне чиста һәм сәламәт итеп саклау мөһим.

"Экояз2026"ның "Чиста су"-дип исемләнгән сигезенче атнасы башланып китте.Әлеге акциядә Шушмабаш балалар бакчасында тәрбияләнуче Комаров Наил, Комарова Самира, Набиева Мэликэ, Рахматуллина Зәйнәп, Сафина Алтынай бик теләп катнаштылар. Алар үзләреннән зур ярдәм курсәтеп, чишмә яннарын чүп-чардан чистарттылар.

2026 нчы елның 18 нче маенда башланган "ЭкоВесна 2026" Республика бәйгесенең сигезенче атнасы "Чиста су" темасына багышлана. Бу атна кысаларында акциядә катнашучылар елга ярларын, күлләрне һәм чишмәләрне чистарту буенча өмәләргә чыктылар; су мониторингын үткәрделәр. Бүген акциягә Хәертдиновлар гаиләсе кушылды. Алар Кесмәс елгасының яр буе территориясен чистарттылар, шуның белән алар яшәгән һәм эстетик ләззәт алган җирне төзекләндерделәр.

«Экояз-2026» акциясенең 8 нче атнасында безнең балалар бакчасында «Чиста су» темасына мавыктыргыч әңгәмә һәм тәҗрибә узды. Тәрбияче балалар белән бергә пычранган суны ничек чиста һәм үтә күренмәле итәргә икәнен ачыкларга булды. Тәҗрибә башында балаларга җир белән пычранган су салынган стакан күрсәтелде. Барысы да бергәләп мондый суны эчәргә ярыймы, һәм ни өчен сулыкларның чисталыгын саклауның никадәр мөһим икәнлеге турында фикер алыштылар. Аннары иң кызыклы этап — фильтрация башланды. Тәҗрибә ничек узды Беренче фильтр — марля.Воронканы марля белән капладылар һәм пычрак суны аның аша агыздылар. Балалар эре җир кисәкләренең марляда калганын, әмма суның һаман да болганчык булуын күрделәр. Икенче фильтр — кәгазь салфетка.Суны кәгазь салфетк а аша үткәрделәр. Бу юлы суда пычрак азрак иде, ләкин вак җир кисәкләре һаман да йөзеп йөрде. Өченче фильтр — мамык диск.Воронкага мамык диск җәйделәр. Аның аша суны үткәргәч, су ап-ак, үтә күренмәле булды! Балалар төрле материалларның пычракны төрлечә тотып калуларын күрделәр. Иң вак җир кисәкләрен бары тик мамык диск ярдәмендә генә алып була икән. Балалар чиста суның сакчыл караш һәм кайгыртучанлык нәтиҗәсе икәнлеген аңладылар.

«ЭКОЯЗ-2026» ның «Чиста су» (яр буе территорияләрен, елгаларны, чишмәләрне һәм күлләрне чистарту) дип аталган ахыргы сигезенче атнасы башланып китте. Әлеге акциянең максаты-территорияләрне чүп-чардан чистарту һәм төзекләндерү генә түгел, экологик культура тәрбияләү, авылдашларның игътибарын экология һәм табигатькә сакчыл караш мәсьәләләренә юнәлтү. Тормыш булган җирдә һәрвакыт су бар. Нәкъ менә су тереклек һәм сәламәтлекнең уникаль чыганагы булып тора, шуның аркасында без генә түгел, бөтен әйләнә-тирә табигать яшәп килә. Әлеге экологик акциядә 4 класс укучысы Ахмадуллина Изалина катнашты. Әйдәгез табигатьне бергә саклыйк!

Кәче балалар бакчасы" нда тәрбияләнүчеләр "Чиста Су" республика ЭКОяз конкурсының 8 атналыгына кушылдылар. Мәктәпкәчә әзерлек төркемендә тәрбияләнүче Варакина Олеся әти-әнисе ярдәме белән чишмә тирәсен чистартуда катнашты. Шулай итеп, балалар чишмә суын аеруча хөрмәт итәргә һәм сак кулланырга өйрәнәләр.

Мәктәпне тәмамлаучылар аллеясы-мәктәп яны территориясендәге символик киңлек, ул традиция кысаларында булдырылган, анда укучылар үсемлекләр (агачлар, куаклар, чәчәкләр) утырталар. Мондый аллея хәтер урынына, Буыннар элемтәсе, мәктәпкә һәм аның тарихына рәхмәт белдерү символына, шулай ук территорияне төзекләндерү элементына әверелә.

«ЭКОяз 2026»финал атнасы старт алды Татарстанда «Экояз» республика конкурсының сигезенче, йомгаклау атнасы башланды, ул сулыкларны чистартуга һәм Идел көненә багышланган. Укучылар күл ярын чүп-чардан чистарттылар.

«Экояз 2026» экологик конкурсының 8 нче атнасы башланды. Бу атна «Чиста су» девизы астында уза. Конкурс кысаларында 18 май көнне Яңа Кырлай балалар бакчасында тәрбияләнүчеләр чишмә территорияләрен җыештыруда катнаштылар. Чиста ярлар - сәламәт табигать һәм уңайлы ял!