Муниципаль районнар Арча муниципаль районы

Авыл көне үткәрелде

2020 елның 8 июле, чәршәмбе

3 июльдә Авыл көненең чираттагысы үтте, бу юлы авыл җирлекләре башлык-лары Иске Кырлай муниципаль берәмлегендә булдылар.

Семинар барышында җитәкчеләр Д.Хәкимов исемендәге Түбән Мәтәскә урта мәктәбендә тәҗрибә участогын карадылар һәм ягу сезонына әзерлек белән таныштылар, яңартылган китапханәгә керделәр. Әлеге бина 2019 елда җирлек акчасына һәм “Казанка” ширкәте җитәкчесе Айдар Сабировның ярдәме белән төзекләндерелде. Иске Кырлай авыл җирлеге башлыгы Фәргать Сираҗетдинов коллегаларына быел 6 айда башкарылган эшләр турында сөйләде, тәҗрибәсе белән уртаклашты. Мөндеш авылында семинарда катнашучылар балалар бакчасы, башлангыч мәктәп эшчәнлеге, күпфункцияле үзәк һәм универсаль спорт мәйданчыгы эшчәнлекләре белән таныштылар. Соңгы ике объект илкүләм проектлар ярдәмендә барлыкка килде. Авыл җирлекләре башлыклары Хәлим Гариповның крестьян-фермер хуҗалыгында яңа фермада булдылар, җитәкче белән сөйләштеләр, хуҗалыктагы уңай үзгәрешләрне билгеләп үттеләр. Социаль объектларда булганнан соң җитәкчеләр мәчетләрне, зиратларны карадылар. Семинарның йомгаклау өлеше Иске Кырлай төп мәктәбендә узды, анда җирлек башлыклары фикер алыштылар, районның җирле үзидарә органнарын үстерүнең мөһим мәсьәләләрен тикшерделәр.

Ильяс Сәхәпов

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

февраль, 2026 ел

Консультация-метеорологик күренешләрнең интенсивлыгы турында кисәтү 18 сәгатьтән. 13 февральдә 18 сәгатькә кадәр. 2026 ел, 14 февраль

2026 елның 14 февралендә төнлә һәм көндез Татарстан Республикасы территориясендә һәм Казанда урыны белән көтелә: күрү мөмкинлеге 1000 метрга кадәр һәм аннан да азрак начарая барган буран, - көчле җил тизлеге 15-20 м/с (Казанда секундына 18 метрга кадәр), бозлавык, - юлларда көчле бозлавык. Россия гадәттән тыш хәлләр министрлыгының Татарстан Республикасы буенча Баш идарәсе хәбәр итә: Җил көчәйгәндә: 1. Биналардан чыгуны чикләргә, биналарда булырга киңәш итәбез. Балаларны караучысыз калдырмау мөһим. 2. Әгәр көчле җил Сезне урамда очратса, җир асты кичүләрендә яки биналарның подъездларында ышыкланырга киңәш итәбез. Көчле җилдән йорт диварлары янына качарга кирәкми, чөнки түбәләрдән шифер һәм башка түбә материаллары төшүе ихтимал. Бу бит җәмәгать транспорты тукталышларына, төзелеп бетмәгән биналарга кагыла. 3. Урамда реклама щитларыннан, вывескалардан, юл билгеләреннән, электр тапшыру линияләреннән ераграк торырга кирәк. 4. Зур агачлар янында булырга ярамый, шулай ук алар янында автотранспорт куярга ярамый – җил өзеп алган ботаклар зур куркыныч тудырырга мөмкин.

Татарстанлылар хәзер почта бүлекчәләренең абонент яҗәләренә юридик әһәмиятле җибәрүләр ала алалар

Шунысы мөһим, мондый хатны теләсә кайсы уңайлы вакытта алырга мөмкин, хәтта ул килгәннән соң бер атнадан артык вакыт узган булса да. Элек суд һәм административ хатлар бүлекчәдә нибары җиде көн саклана иде, бу почтаны вакытында алырга өлгермәгән кешеләргә уңайсызлыклар тудырды. Хәзер хатлар кирәк булганчы адресатның шәхси ячейкасында калырга мөмкин, бу мөһим документацияне китерү өчен уңайлы һәм куркынычсызлык тәэмин итә. "Абонент тартмасына эләккәч, суд һәм административ җибәрүләр тапшырылган дип саналачак, һәм аларга саклау вакытын чикләү кулланылмаячак. Яңалык ячейкага трек-номер белән җибәрүләр алу опциясен тоташтырган һәркем өчен мөмкин», - дип аңлатты Россия Почтасының төбәк идарәсе директоры Илнур Мәхмүтов. "Почта России" АҖнең «Татарстан почтасы»ФПХИ матбугат хезмәте Boris.Slutskiy@russianpost.ru

Урамда игътибарлырак булыгыз! Түбәдә җыелган кар массасының җыелуы бик куркыныч!

Һава шартларының даими үзгәрүе, шулай ук явым-төшемнәрнең даими явуы сәбәпле, бина һәм корылмаларның түбәләреннән кар төшүен һәм бозлавыкларны кисәтү, шулай ук авария хәлләрен һәм бәхетсезлек очракларын булдырмау максатларында Татарстан Республикасы Арча муниципаль районы администрациясе карны, боз сөякләрен һәм түбәләрдәге һәм козыреклардагы бозлавыкларны вакытында җыеп алу кирәклеген искәртә, шулай ук милекчеләрдән ышандырырлык итеп сорый биналар, корылмалар һәм башка күчемсез милек объектлары, шулай ук ИК һәм йортлар буенча өлкәннәргә түбәләрне һәм кәрнизләрне кардан һәм боз катламнарыннан мөмкин кадәр кыска вакыт эчендә чистарту, шулай ук оешмалар һәм йорт яны территорияләрендә кар җыю буенча барлык кирәкле чараларны күрергә.

«2026 елда Татарстан Республикасы территориясендә янгыннар һәм аларда кешеләрнең һәлак булуы белән бәйле хәл"

Ел башыннан (11.02.2026) Татарстан Республикасы территориясендә 351 янгын теркәлгән (үсеш 13,6% яки 42 янгынга, АППГ – 309), аларда 22 кеше һәлак булган (үсеш 83,3% яки 10 кешегә, АППГ – 12). 19 кеше төрле дәрәҗәдәге җәрәхәтләр алган (11,8% ка яки 2 кешегә үсеш, АППГ – 17). Төркемләп кеше һәлак булган 2 янгын булган, аларда 5 кеше һәлак булган (АППГ – 0). 22 һәлак булучының 22се торак билгеләнешендәге биналарда булган янгыннарга туры килә (шәхси торак йортлар – 10, күп фатирлы торак йортлар – 12). Янгында һәлак булучыларның яше 60 яшьтән артык-15, 20 яшьтән 40 яшькә кадәр – 3, 41 яшьтән 60 яшькә кадәр-4. Кешеләрнең үлеменә китергән шартлар булып: - исерек хәлдә булу - 17 һәлак булучы, - мөстәкыйль хәрәкәт итү мөмкинлеген булдырмый торган авыртулы халәт -1. - йокы - 3. - картлык яше -1.

ЯҢАЛЫКЛАРГА ЯЗЫЛУ