ЯҢАЛЫКЛАР

Яшь белгечләр   авыл  территорияләрен  комплекслы  үстерү буенча  дәүләт  программасы  кысаларында  2020 елдан  авыл  җирендә  3%ка кадәр ставка  белән  ипотека кредиты алырга  мөмкин.   Бу  хакта  Россия Федерациясе  авыл  хуҗалыгы  министры  урынбасары    Иван Лебедев  әйтте.

Соңгы  бер  атна  эчендә  республикада    1,4 мең га бәрәңге, 500 га яшелчә җыелды,   256 мең  тонна шикәр  чөгендере  чыгарылды.  Шул  чор  эчендә  Татарстанның  шикәр  заводларында   20,4 мең тонна  шикәзр  комы  җитештерелде.    Бу  хакта  бүген  Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров  Татарстан  Республикасы Хөкүмәте Йортында  узган  киңәшмәдә  сөйләде.  

Россия Федерациясе  Авыл  хуҗалыгы  министрлыгы  хәбәр итүенчә,  14 яшьтән 30  яшькә  кадәрге авыл  эшкуарлары «Яшь Россия эшкуары 2019» Бөтенроссия конкурсында  катнаша  алалар.     Конкурста  катнашу  өчен бүген  үк   molpred-116.ruсайтында  анкета  тутырырга һәм  info.mpr2019rt@mail.ru электрон  почтасына  җибәрергә  кирәк.    Гаризаларны  кабул  итүнең  соңгы  көне  – 30 сентябрь. Һәр теркәлүче  бүләккә  СММ буенча  онлайн белем  алу  курсын  алачак.  

Октябрьнең беренче көне Өлкәннәр көне буларак билгеләп үтелә. Бу көнне без өлкән яшьтәге әти-әниләребезне, туганнарыбызны, якыннарыбызны котлыйбыз, аларның хезмәтенә, кешелеклелегенә, түземлек, сабырлыгына сокланабыз һәм рәхмәт әйтәбез.

26 сентябрьдә район башлыгы Илшат Нуриев җир эшкәртүдә яхшы эшләгәннәре өчен “Курса МТСы”  ширкәтеннән Мансур Хуҗиәхмәтовка, “Ак барс” агрокомплексы”ннан Рафаэль Җәләлиевкә, “Казанка”  хуҗалыгыннан Илгизәр Сираҗиевка Рәхмәт хатлары, акчалата премияләр тапшырды.

Әхмәт абый Лаеш районының Татар Янтыгы авылында туган. Гаиләдә өч бала, ул иң олысы. Әнисе гомере буе колхозда эшләгән. Әтисе терлекче булган, тик сугыштан әйләнеп кайтмаган. Ленинград блокадасында һәлак булган. Сугыш башланганда әле бишенче сыйныфны гына тәмамларга өлгергән Әхмәткә өлкәннәр белән беррәттән эшләргә туры килгән. Окоп та казыган, урман да кискән – барын да күрергә өлгергән.

Рәхимә апа революциядән соң, 1919 елда дөньяга килгән. Гаиләдә алты бала булса, беренчесе – ул. Алты бала, юклык заман – хәерчелек аларны да читләтеп үтмәгән. Бик яшьли, 1938 елда Апазның Фаяз исемле егетенә кияүгә чыккан.

– Әнинең күргәннәре... язып кына бетерерлек түгел. 1939 елда тиф белән авырткан ул. Самолет белән Казанга алып киткәннәр. Авыруны җиңеп чыккан. Хәзер алып кайтасы бар бит. Туганнар авылга үлде, дип хәбәр салганнар. Югыйсә, алып кайтырга ат бирмиләр. Шундый заманалар булган, – дип искә төшерә әнисе сөйләгәннәрне кызы Рәйхана. – 1939 елда әтине фин сугышына алганнар, аннан исән-сау кайткан. 1941 елның августында Бөек Ватан сугышына киткән. Әни йөкле булып калган. Ринат абый шул елны октябрь башында туган. Әти кайтканда ул инде йөгереп йөри торган бала булган.

Ишек ачылып китте. Бүлмәгә Мөнирә апа килеп керде. Әле беркөнне генә анда кунакта, Ташкичүдә булган идем...

– Орден-медальләр тагылган кофтамны күрсәтә алмадым, менә алып килдем, – диде ул сумкасын актара-актара. – Энемдә, Казанда булган...

Кофтасын кидереп, фотога да төшереп алдык без аны.

– Авылга нәрсә белән кайтасың? – дип борчылып сорыйм. Ни әйтсәң дә, 90га җитеп килә бит инде ул!

Кеше язмышы төпсез кое кебек бит ул. Башта янына барырга куркасың, аннан төбенә төшеп җитә алмыйсың. Көтмәгәндә очрашып, аралашып киткән Дания апаның да кичергәннәре башка сыймаслык. Үзем тыңладым, үзем аның күңелен яраламас өчен күз яшьләремне эчемә йотып утырдым. Дания апа турында язу түгел иде исәбем. Чакыруы буенча очрашканга беренче булып аның фатиры ишеген шакыдым. Үземнеке үземә җиткән, күршем өчен кайгырам, диләрме әле? Ялгыз кешенең шул бит инде. Ярдәм кулы сузучыларга рәхмәтен белдерәсе килә. Ул да һәрчак булышырга әзер торган күршесе турында газетада яздырырга теләгән. Шул уңайдан сүз ара сүз чыгып, аның тормыш юлын да урап килдек.

Ярышта катнашучылар көрәш, волейбол, өстәл теннисы, җиңел атлетика, шашка, шахмат, бадминтон, бау, таяк белән тартышу буенча ярыштылар. Нишләптер программага авыл җиренә хас кул көрәше, гер күтәрү кертелмәгән.  Савымчы һәм механизатор һөнәре буенча аерым ярышлар булды. Савымчы һөнәре буенча җиңел атлетика, көч гимнастикасы, саву аппаратын җыю һәм сүтү буенча сыналдылар. Ә механизатор һөнәре буенча җиңел атлетика, көч гимнастикасы, трактор йөртү буенча ярыштылар.