2022 елда социаль хезмәт күрсәтү оешмалары тарафыннан хезмәт күрсәтү шартларының сыйфатын бәйсез бәяләү

Социаль хезмәт күрсәтү оешмалары тарафыннан хезмәт күрсәтү шартларының сыйфатын бәйсез бәяләү елга бер тапкыр, ким дигәндә өч елга бер тапкыр үткәрелә. 2022 елда Арча муниципаль районының мәгариф һәм мәдәният өлкәсендәге учреждениеләр тарафыннан зур эш башкарылды.

Мәдәни-ял тибындагы учреждениеләрдә һәм районның 26 мәгариф учреждениесендә Иҗтимагый советның эш төркеме хезмәт күрсәтү шартларының сыйфатын бәйсез бәяләде.

Социаль хезмәт күрсәтү оешмалары тарафыннан хезмәт күрсәтүнең сыйфатын бәйсез бәяләү хезмәт күрсәтү шартларын гомуми критерийлар буенча бәяләүне күздә тота:

• социаль хезмәт күрсәтү оешмасы турында мәгълүматның ачыклыгы һәм үтемлелеге;

• социаль хезмәтләр күрсәтү шартларының уңайлылыгы һәм аларны алу мөмкинлеге;

• социаль хезмәт күрсәтүне көтү вакыты;

• социаль хезмәт күрсәтү оешмалары хезмәткәрләренең игелеклелеге, әдәплелеге, компетенциясе;

* хезмәт күрсәтү сыйфаты белән канәгать булу.

Хезмәт күрсәтү шартларының сыйфатын бәйсез бәяләү нәтиҗәләре белән сез 2022 ел ахырында рәсми сайтта таныша аласыз https://www.bus.gov.ru