ЯҢАЛЫКЛАР

20 февраль төнлә һәм иртән Татарстан Республикасы территориясендә:

- аязганда һава температурасын -25 кә кадәр төшерү;

- кайбер районнарда томан.

Россия гадәттән тыш хәлләр министрлыгының Татарстан Республикасы буенча Баш идарәсе тәкъдим итә:

Томан вакытында:

Әгәр сез табигатьтә томан куерганын күрсәгез, урманда яки сулыкларда ориентацияне югалтмас өчен чаралар күрергә кирәк.Томан юл хәрәкәтендә катнашучыларның барысына да куркыныч тудыра. Томан эчендә автомобильдә хәрәкәт иткәндә артык үзгәртеп корулардан, узып китүләрдән, алдан җибәрүләрдән баш тартырга кирәк.Күпчелек юл-транспорт һәлакәтләре томан шартларында алда хәрәкәт итүче транспорт чарасы белән була. Томанның ераклыкны урлавын исәпкә алу мөһим - гадәти дистанцияне арттыру,тизлекне киметү максатка ярашлы.

Кискен тормозлаулардан сакланырга кирәк: туктарга кирәк булганда тизлекне салмак кына киметергә кирәк. Тормоз педаленә берничә тапкыр басарга кирәк, шуның белән сезнең арттан хәрәкәт итүче автомобиль йөртүчеләрне кисәтә торган сигнал бирергә кирәк. Томан эчендә хәрәкәт иткәндә машина йөртүчеләрнең аруы арта, саклык артык булмаячак.

Күз күреме начар булган шартларда автомобильдә хәрәкәт иткәндә артык үзгәртеп корулардан, узып китүләрдән, узып китүләрдән баш тартырга кирәк.

2024 елны уңышлы тәмамладык, 2025 елда да сынатмабыз

12 февральдә Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Арча районында булды. Аны район башлыгы Илшат Нуриев каршы алды һәм озатып йөрде.

Мөхтәрәм кунак “Арча“ сәнәгать паркында, Г.Курсави исемендәге лицейда булды.

Район Мәдәният йорты фойесында сәнәгать предприятиеләре, авыл хуҗалыгы оешмалары, шәхси эшмәкәрләр җитештергән әйберләрдән бай күргәзмә оештырылган иде. В.Шәйхразыев аны бик кызыксынып карады, җитештерүчеләр белән сөйләште.

Сугыш һәм тыл ветераннарына «1941-1945 еллардагы Бөек Ватан сугышында җиңүнең

9 февральдә район башлыгы Илшат Нуриев Симетбаш авылында туып үскән Габдрахман ага Сафин белән очрашып, аңа  «1941-1945 еллардагы Бөек Ватан сугышында җиңүнең 80 еллыгы» медале,  «Арча муниципаль районының шәрәфле гражданины» исеме турында танык-лык тапшырды.

Утлар-сулар кичкән, җиз торбалар аша үткән гаҗәеп язмышлы шәхес ул. Аның белән Симетбашта да, аннан соң кызы яшәгән Мөрәле авылында, улы яшәгән Лаеш районындагы Сиңгел авылында да очрашкан булды. 100 яшь тулу уңаеннан очрашырга барганда да кроссворд чишеп утыра иде. Өстәл тулы газеталар. Туган ягы белән дә элемтәдә ветеран – якташлар белән телефоннан сөйләшкәләп торабыз, ди.

Арча поликлиникасының утырышлар залында медицина уку йортларына укырга керергә теләүче 9нчы һәм 11нче сыйныф укучылары белән очрашу булды

Башта мәктәп укучылары үзләренең кем булырга теләүләре турында әйттеләр: терапевт, хирург, акушер-гинеколог, педиатр, теш табибы, шәфкать туташы...

Айдар Баһавиевның Россия Эчке эшләр министрлыгының Арча районы буенча эчке эшләр бүлегенә җитәкче итеп билгеләнгәненә 11 февральдә 26 ел тулды

Аның тормыш девизы – бервакытта да тукталып калмаска, гел алга барырга. Эштә генә түгел, гомумән, тормышта.

Бер районда бу вазифаны чирек гасырдан артык башкаручы республикада башка кеше юк. Узган елның декабрь аенда озак еллар намуслы хезмәте өчен ул “Татарстан Республикасы алдындагы казанышлары өчен”  ордены белән бүләкләнде. Орденны тантаналы шартларда Татарстан Республикасы Рәисе Рөстәм Миңннеханов тапшырды.

Динар Әфганстанда хезмәт иткән, олы улы бүгенге көндә махсус хәрби операция барган зонада.

Үзбәкстан якларында туып-үссә дә, үзен бу якларныкы дип саный Динар Гарифжанов. Чөнки Яңа Кенәргә кайтып урнашканына да күп еллар үткән.

Үзбәкстанның Ульяново дигән шәһәрендә туып-үсә ул. Союз таралып, халык күчеп китә башлагач, алар гаиләсе дә бу хакта уйлана. Әнисе Оренбург өлкәсеннән, әтисе Арча районының Шурабаш авылыннан була. “Бер даладан икенче далага китмим, үз ягыма кайтам”, – ди әтисе Оренбург якларын өнәп бетермичә. Шулай гаилә Яңа Кенәргә кайтып урнаша. Ул вакытта Динар өйләнгән, өч яшьлек һәм әле туарга өлгермәгән ике баласы була.

“Ятаган” фольклор инструменталь ансамбле һәм райондашыбыз Вера Антипова гөсләдә уйнау осталыкларын күрсәтте

7 февральдә Арча балалар сәнгать мәктәбендә III республика “Гөслә-Fest” милли мәдәният фестивале узды.

Быелгы фестиваль кунак-ларын сәнгать мәктәбе фойесында “Мирас” гармунчылар һәм курайчылар ансамбле каршы алды. “Декоратив-гамәли сәнгать” бүлекләре укучылары, укытучыларыннан осталык дәресләре, “Агачтан чокып ясау” бүлеге укучыларының күргәзмәсе эшләде. 

Ләйсән Абдуллина 20 ел ТР Дәүләт алкоголь инспекциясе Арча территориаль органында эшли. Ул югары белемле, экономист, юрист һәм компьютерлар буенча белгеч

Кулланучылар базарында хокук бозуларны кисәтү, кулланучылар хокукларын яклау – Татарстан Республикасы Дәүләт алкоголь инспекциясенең төп максатларының берсе.

Бу максатны тормышка ашыруда нинди юнәлештә эш алып барыла? Бурычлары нәрсәдән гыйбарәт? Ләйсән Абдуллина белән әңгәмәбез шул хакта.

Хезмәт биографиясенең беренче көненнән үк җирле халык белән ныклы элемтәдә булган, үз хезмәтен төгәл һәм җаваплы башкарган яшь белгечне, салым хезмәтендә эшләгән җиреннән,  территориаль органның ул вакыттагы җитәкчесе Надия Сафиуллина баш белгеч итеп чакырып ала. Күп еллар, әлегә кадәр, Ләйсән Илсуровна территориаль органында эчке базарны үстерү һәм координацияләү бүлеген җитәкли.

Үткән шимбәдә “Россия чаңгы юлы – 2025” массакүләм чара булды. Ярышта 400дән артык кеше катнашты

Арчаның тернәкләндерү үзәгеннән дә балалар килде. Район башлыгы Илшат Нуриев чаңгы бәйрәме белән котлап, уңышлар теләде, чаңгы шуарга, сәламәтлекне ныгытырга өндәде.

Кич белән Арча стадионына төшсәң, чаж-чож чаңгы шуган тавышлар ишетелеп тора. “Арча“ спорт мәктәбенең тренеры Азамат Идиятуллин белән секциягә йөргән балалар чаңгы шуа. Тренажерларда да шөгыльләнә алар. “Россия чаңгы юлы – 2025” массакүләм чаңгы шуу чарасында да Азамат егетләре һәм кызлары аерылып торды.

Җәмәгать суды карары белән түбәндәге машина йөртүчеләр РФ Административ хокук бозулар турындагы кодексның 12.8 маддәсе 1нче өлеше буенча административ хокук бозуда гаепле дип табылды, 30000 сум күләмендә административ штраф салу һәм 1 ел 6 айга транспорт чаралары белән идарә итү хокукыннан мәхрүм ителде.

2024 елның 14 октябрендә Арча шәһәрендә Р.Х. Усманов исерек хәлдә идарә иткән “Лада Гранта“ автомобиле тоткарланган.