ЯҢАЛЫКЛАР

Яңгырлардан соң шимбә көн матур булды. Арча стадионына Казан, Яшел Үзән, Балтач, Саба, Арча районнарыннан иң көчле чаңгычылар җыелды. 132 спортчы чаңгы-роллерларда ярышты. Сарманнан килгән Бөтенроссия категориясендәге судья, 2014 елда Сочида Кышкы Олимпия уеннарында судьялык иткән Шамил Хафизов хөкемдарлык итте.

Быел да ветераннар арасында шахмат һәм шашка буенча зона ярышы булды. Анда алты районнан килгән ветераннар көч сынашты.

Турнирны Пенсия фондының Арча районындагы клиент хезмәте җитәкчесе урынбасары Гөлназ Ибәтуллина, район ветераннар советы рәисе Наил Габдрахманов, яшьләр эшләре һәм спорт бүлеге җитәкчесе Ильяс Габделгазизов ачып җибәрде. Алар шахмат, шашка осталарына уңышлар теләделәр.

Экология, калдыклар белән эш итү һәм әйләнә-тирә мохитне саклау мәсьәләләренә игътибарны җәлеп итү; туган җиргә мәхәббәт һәм җаваплы караш тәрбияләү, экологик хәлне яхшыртуда үз әһәмиятен һәм ролен аңлау; калдыкларны аерым җыюны пропагандалауга һәм укучыларны әйләнә-тирә мохитне саклау мәсьәләсен хәл итүгә җәлеп итү, экология һәм анын проблемаларын хәл итү өлкәсендәге теге яки бу проблемага үз монәсәбәтләрен белдерү мөмкинлеге тудыру кысаларында Татарстан Республикасы Арча муниципаль районы Башкарма комитетының «Мәгариф идарәсе» муниципаль учреждениесе тарафыннан 2019 елның 15 сентябреннән алып 15 октябрьгә кадәр «Без чиста шәһәр өчен!» дигән исем астында районкуләм конкурс утте.

14 октябрьдә Илшатны район башлыгы Илшат Нуриев та тәбрикләде, Рәхмәт хаты тапшырды, киләчәктә уңышлар теләде.

Илшат Өтнә авылыннан, хәзерге вакытта Үрнәктәге көллияттә дүртенче курста укый. “Бишенче сыйныфта укыганда ук әти белән комбайн ярдәмчесе булып эшли идем инде, – ди ул. – Быел менә үзем өлкән комбайнчы булдым”.

Нәфыйковлар фамилиясе районда яхшы билгеле. Әтиләре Ринат озак еллар мактаулы механизатор. Аның өлкән улы Ришат та әтисе янында техниканы яхшы белеп үсте. Хәзер өйләнеп Казан шәһәрендә яшиләр. Ришат һәр елны ял алып авылга кайта, комбайн белән бәрәңге ала. Хәзерге вакытта да басуда ул.

14 октябрьдә Татарстанда аналог телетапшырулары өзелде, республикада цифрлы телевидение үз урынын алды. Цифрлы телевидениегә күчү турында елга якын сүз алып барылса да, райондашларыбыз арасында бүгенгә кадәр приставкалар алмаучылар бар.

Цифрлы телевидение эшли башлаган көнне аны үзләре генә тоташтыра алмаучы райондашларыбыз район хакимиятенә һәм бердәм номер буенча волонтерлар ярдәменә мохтаҗ булуларын әйтеп мөрәҗәгать иткән.

Сатучы һәм сатып алучы арасында бәхәсле мәсьәләләр килеп чыкса, эш судка кадәр барып җитә. 2019 елның 1 октябреннән Суд эшләрен башкару кодексына, суд системасына үзгәрешләр керде. Шул уңайдан әлеге органның юристы, әйдәп баручы белгеч-эксперт  Рәисә Хөснетдинова халыкка яңалыкларны аңлата.

Сезне һөнәри бәйрәмегез белән котлыйм!

Безнең район өчен авыл хуҗалыгы – мәшгульлекнең һәм керем чыганагының төп өлкәсе генә түгел, ул яшәү рәвеше, аннан башка үсеш була алмаган, авыр-лык белән, әмма тормышны яхшыртуга ышаныч белән бара торган ныклы нигез. Аграр секторның торышына, сәләтле җитәкчеләрнең, яхшы белгечләрнең, механизаторларның, терлекчеләрнең, фермерларның, тармакның башка хезмәткәрләренең көндәлек киеренке хезмәтенә районның икътисадый хәле генә түгел, ә социаль иминлеге дә бәйле.

13 октябрь – Авыл хуҗалыгы һәм эшкәртү сәнәгате хезмәткәрләре көне. Шушы уңайдан район авыл хуҗалыгы һәм азык-төлек идарәсе җитәкчесе Ренат Гатиятовка берничә сорау белән мөрәҗәгать иттек.

– Ренат Мансурович, әле ел бетәргә шактый вакыт булса да, бәйрәм алдыннан кайбер нәтиҗәләр ясап китсәгез иде.

– Авыл хуҗалыгы өчен ел начар килде, дип әйтеп булмый. Әмма көздән туфракта дым аз калып, уҗымнар кышлау өчен шартлар начар булды, язын аларның шактый өлешен бозып кабат чәчәргә туры килде. Май башында 30 градуска җиткән эсселек, аннан соң озакка сузылган салкын һава торышы язгы кыр эшләрен тоткарлады, күпьеллык үләннәрнең беренче катыннан көткән уңышны алып булмады. Шөкер, күпьеллык үләннәрнең икенче катыннан, берьеллык үләннәрдән җитәрлек күләмдә  терлек  азыгы әзерләнде.

Россия Федерациясе социаль иминиятләү фондының Арча районы буенча баш белгече Илсөя Галимова эш урынында имгәнүләр, бәхетсезлек очракларын булдырмау чараларын финанслау өчен фондка вакытында взнослар күчерү һәм аннан файдалану турында чыгыш ясады.

Арча үзәк китапханәсе ишегеннән керүгә күз өстәлгә тезеп куелган искиткеч матур кул эшләренә төште. Нәрсә генә юк анда: пластик шешәләрдән ясалган тәвә кошлары, әкият геройлары өчен костюмнар, бер тапкыр гына кулланыла торган кашыклардан ясалган әйберләр... Исең китәрлек. Кызыксынып сораштым.