ФОТОРЕПОРТАЖЛАР

"ЭКОяз-2026" республика конкурсы кысаларында 13-19 апрель көннәрендә «Экологик тәрбия калейдоскобы» темасына башлангыч сыйныфлар укытучысы Нәбиуллина С.Р. «Г. Тукай исемендәге Яңа Кырлай урта мәктәбе»нең 3 сыйныф укучылары белән викторина сорауларына җавап биреп, үз куллары белән «Экологик калейдоскоп» стена газетасын чыгардылар. Викторинаның максатлары: - укучыларның игътибарын әйләнә - тирә мохит проблемаларына җәлеп итү; - тере организмнарның әйләнә-тирә мохит белән бәйләнешен күрсәтү; - Ватанга мәхәббәт тәрбияләү; - танып белү һәм иҗади активлыкны үстерү. Эш барышында укучылар табигатькә сакчыл караш, аның торышы өчен җаваплылык һәм әйләнә-тирә дөньяга кыйммәтләр мөнәсәбәтенең үсеше турында сөйләделәр.

Үзәк китапханәдә Арча гуманитар-техник техникумы студентлары өчен 1941–1945 еллардагы Бөек Ватан сугышы чорында нацистлар һәм аларның ярдәмчеләре тарафыннан кылынган совет халкы геноциды корбаннарын искә алу көненә багышланган тарихи-патриотик сәгать узды. Очрашу барышында китапханәче тарихның фаҗигале битләре турында сөйләде, тыныч халыкка карата кылынган кешелексез җинаятьләрне, совет кешеләренең батырлыгы, ныклыгы турында искә төшерде. Чара ахырында «Сроку давности не подлежит» исемле китап күргәзмәсенә күзәтү ясалды. Китаплар белән танышудан студентлар бу чорның тарихи вакыйгаларын тирәнрәк аңладылар, үткән вакыйгаларның киләчәк буыннар өчен никадәр мөһимлеген белделәр. Совет халкы геноциды корбаннары истәлеге – бу үткәннәргә хөрмәт кенә түгел, ә киләчәк өчен мөһим сабак та булып торуын аңладылар.

«Эковесна-2026» Бөтенроссия акциясенең өченче атнасы башланып китте. Балалар икенчел чимал материалларын кулланып, чүпкә яңа тормыш бирделәр. Икенчел чималдан эшләнгән әйберләр ул- эшкәрткәннән соң кабат кулланылырга мөмкин булган әйберләр. Аларга инде кулланылышта булган, әмма үз үзлекләрен яки функциясен югалткан, әмма эшкәртү өчен яраклы материаллар керә. Икенчел чималдан уенчыклар ясау, эшенең кызыклы булуы, балаларда игътибар үсешенә ярдәм итә, аның тотрыклылыгы арта, ирекле игътибар формалаша. Бу хезмәттә һәрвакыт яңалык, иҗади эзләнү, тагын да камилерәк нәтиҗәләргә ирешү мөмкинлеге бар. Уенчыклар ясаганда балаларның уңай эмоциональ кәефе, хезмәттә аралашу шатлыгы, матур уенчык ясаганда кичергән ләззәт- гомуми үсеш өчен бик мөһим. Икенчел чималдан кул эшләре әзерләү- үсеп килүче буынны эстетик яктан тәрбияләүдә дә мөһим өлеше булып тора. Көндәлек тормышта төрле предметларга иҗади якын килүне үстерүдән тыш, бу эшчәнлек балаларны табигатьне сакларга өйрәтә, тирә-юньгә мәхәббәт тәрбияләргә ярдәм итә.

#Экояз2026. 5 сыйныф укучылары өчен «Чүп-чарның әйләнә-тирә мохиткә тәэсире һәм материалларны кабат куллану» темасына сыйныф сәгате үткәрелде. Чараның төп максаты – планетабызны пычратучы чүп проблемасына игътибарны җәлеп итү . Әңгәмә барышында укучылар чүплекләр туфракка, суга һәм һавага төзәтеп булмаслык зыян китерүен белделәр. Ләкин балаларның үзләре өчен ясаган төп нәтиҗәсе – бу проблеманың чишелеше бар. Күп кенә чүп-чарларны файдалы итеп кабат кулланырга була. Балалар кирәксез әйберләргә «икенче тормыш» бирү юлларын эзләделәр. Теорияны практикада ныгыттылар: бишенче сыйныф укучылары чүп материалларыннан (пластик шешәләр, тартмалар, капкачлар һәм иске төргәкләрдән) гаҗәеп кул эшләре ясадылар, без ташларга гадәтләнгән әйберләрдән табигатьне саклап калып файдалы һәм матур әйберләр ясап булуын исбатладылар. Мондый дәрес балаларның фантазияләрен генә үстереп калмый, әйләнә-тирә табигатькә сакчыл караш та тәрбияли. Чөнки чүп белән көрәшүнең иң яхшы ысулы – аны барлыкка китермәү түгел, ә кирәкле әйберләргә әверелдерү!

МБМБУ «Арча шәһәренең гомуми үсеш бирү төрендәге 7 нче номерлы «Балачак» балалар бакчасы»ның "Дуслар" зурлар төркемендә тәрбияләнүче балалар "ЭкоЯз" - «Язгы илһам калейдоскобы» бәйгесендә катнашалар. 16нчы апрель көнне балалар тәрбияче белән берлектә пластик шешә капкачларыннан "Чәчәк" дип исемләнгән эшләнмә ясадылар. #ЭкоЯз2026