ФОТОРЕПОРТАЖЛАР

Арча шәһәренең 11нче номерлы балалар бакчасы “Эковесна – 2026” экологик акциясенең 7нче атнасына кушылдылар. Группаларда макулатура җыю буенча эш башланды: балалар әти-әниләре белән бергә иске китаплар, журналлар, кәгазь алып килделәр.Балалар хәзер 100 кг кәгазьнең бер агачны коткаруын белделәр. Һәрбер җыелган кәгазь бите – табигатькә карата игътибарны күрсәтә. Барлыгы 45 бала катнашты. Әлеге акциядә катнашкан әти-әниләргә дә зур рәхмәт!

Бүген Яңа Кишет балалар бакчасында “ Эко Яз” акциясенең җиденче атнасына йомгак ясалды. Акциядә катнашкан барлык балаларга да, әти – әниләр коллективына да бик зур рәхмәт!

«ЭкоЯз-2026» Республика конкурсы кысаларында  җиденче атна «Мы за раздельный сбор» дигән теманы үз эченә ала.  Г.Камал исемендәге Сикертән төп мәктәбе укучылары калдыкларны аерып җыю эшен белеп һәм теләп башкаралар. Бүген пластик капкачлар җыю акциясенә актив кушылдылар. Бу капкачлар алга таба эшкәртү өчен махсус кабул итү пунктларына тапшырылачак. Әлеге акциядә катнашып, укучылар тирә-якны чистартырга   өйрәнәләр.

МБМББУ «Түбән Мәтәскә балалар бакчасы» нда бу атна «Без аерым җыем өчен» акциясенә багышланган иде. Әти-әниләр һәм тәрбияләнүчеләр ярдәмендә без макулатураны (картон, газеталар, китаплар, дәфтәрләр), эшкәртелгән батареяларны, чиста пластик капкачларны җыйдык һәм Арча районы кабул итү пунктына илттек. Без ышанабыз: капкачлар һәм пластик икенче гомерне алачак, ә макулатураны эшкәртү агачларны, суны һәм энергияне экономияләргә мөмкинлек бирәчәк, алар гадәттә яңа кәгазь җитештерү өчен кирәк. Балаларга табигатьне саклау мөһим һәм гади икәнен күрсәтик. Акциядә 12 гаилә катнашты.

"Аерым җыю - ул бурыч кына түгел, ул без яши торган планета турында кайгырту һәм аны киләчәк буыннар өчен яхшырак хәлдә калдыру мөмкинлеге. Һәр дөрес сортланган предмет - зур киләчәккә таба кечкенә адым. «Экояз 2026» экологик конкурсы кысаларында 15 нче май көнне Яңа Кырлай балалар бакчасында тәрбияләнүче балалар кәгазь, пыяла, пластик калдыкларын аерып, тиешле контейнерларга салырга өйрәнделәр.

15 нче майда 15 хезмәткәре "Бөтенрәсәй Урман утырту көне " акциясендә катнашты. Әлеге акция-буыннарны берләштерүче бәйрәм. Нәкъ менә шундый чаралар бөтен милләтнең киләчәк бердәмлегенә нигез сала.  Бакча хезмәткәрләре кайгыртучан куллары белән утыртылган наратлар үсеп, олыларны гына түгел, балаларны да сөендерер дип ышана. Үз илеңә патриотлык табигатькә булган мәхәббәттән башлана!

Өчиле төп гомуми белем бирү мәктәбендә 4 нче сыйныф укучылары өчен экология дәресе үткәрелде. Балаларга табигатьне ничек сакларга һәм төсле чүп контейнерларын ничек дөрес кулланырга икәнен аңлаттылар. Укучыларга пластикның төрләре, аның әйләнә-тирә мохиткә зыяны һәм табигатьне чиста тотуда һәр кешенең роле турында сөйләделәр. Моннан тыш, балалар чүп мәйданчыкларында төсле контейнерларның билгеләнеше турында белделәр.

«Без чүпне аерым җыю яклы» дигән 7 нче атна кысаларында, #ЭКОЯЗ2026 республика конкурсы чираттагы чарасын уздырды. «Арча 10 нчы номерлы балалар бакчасы» муниципаль бюджет мәктәпкәчә белем бирү учреждениесендә макулатура җыю игълан ителде. Балалар бакчасында макулатура җыю — бу гади акция гына түгел, ә экологик тәрбиянең мөһим элементы. Бу атнада уртанчылар төркемендә эш кайнады — балалар макулатура җыйды. Нәни хезмәт сөючеләр әниләре һәм әтиләре белән бергә иске журналлар, картон тартмалар һәм кирәкмәгән кәгазьләр алып килделәр. Бу нәрсә өчен кирәк? • Балалар сакчыллыкка өйрәнә. • Калдыкларның кыйммәтле ресурс була алуын беләләр. • Бергәләп дөньяны чистарак итәләр! Малайлар һәм кызлар, күпме агачны саклап кала алачаклары турында сөйләшә-сөйләшә, кәгазь төргәкләрен горурлык белән өеп куйдылар. Әлеге башлангычны хуплаганнары һәм табигатьне яратучы, саклаучы буын тәрбияләгәннәре өчен ата-аналарга зур рәхмәт белдерелде.