ФОТОРЕПОРТАЖЛАР

«Эковесна — 2026» конкурсы кысаларында укучыларыбыз үз йортлары янындагы участокларда җимеш агачлары һәм куаклары утыртты. Алмагачлар, чияләр, карлыган һәм кура күзне иркәләп, бай уңыш белән туендырачак. Табигать турында кайгырту — мөһим һәм тәмле!

  «Эко-яз-2026» экологик акциясе кысаларында безнең мәктәп укучылары файдалы акция үткәрделәр: алар Бөек Ватан сугышына багышланган һәйкәл янындагы территориягә берничә дистә яшь агачлар утырттылар. Озакламый һәйкәл тирәсендәге территория сугыш геройлары истәлегенә күләгәле аллеяга әвереләчәк. Моннан тыш, якындагы агачларга укучылар алдан әзерләгән сыерчык оялары беркетелде. Акциядә катнашучылар билгеләп үткәнчә, уртак эш коллективны берләштерә, уңай эмоцияләр һәм уртак нәтиҗәләр өчен горурлык хисе бүләк итә.

«ЭкоЯз-2026» республика конкурсының «Табигать язмышы безнең кулларда» девизы астында узучы дүртенче атна кысаларында укучылар катнашында агач , җиләк-җимеш куаклары үсентеләре утырту оештырылды. Башта укучылар авылдагы чишмә территориясен тәртипкә китерделәр. Алар чүп-чарны, коры үләнне, яфракларны һәм ботакларны җыеп алдылар. Балалар белән әңгәмә барышында һәрберебез табигатьнең чисталыгын һәм тәртибен, үзебездән соң чүп-чар калдырмыйча, күзәтергә тиешлегебез ассызыкланды. Аннары чишмә янына яшь миләш агачлары утырттылар. Укучылар, утыртылган миләшләр үсеп китәрләр һәм берничә елдан чишмә территориясен бизәүче матур агачларга әверелерләр дип өметләнәләр.

Тирә-юнебезгә ямь бирүче, сулар һавабызны чистартучы агач-куаклар утырту – изге эш. Һәркем яшәгән төбәген матурларга, яшелләндерүгә өлеш кертергә омтыла. Бу көннәрдә балалар бакчасында тәрбияләнүчеләр һәм мәктәп коллективлары агач утырту буенча өмәләрдә катнаша.  "Экояз-2026" республикакүләм конкурс кысаларында "Әкият" төркеме балалары әти-әниләре белән берлектә авылда, үз йортлары тирәләрендә җимеш бирүче куаклар утырттылар.