ФОТОРЕПОРТАЖЛАР

Арча балалар сәнгать мәктәбе укучылары һәм укытучылары Киров өлкәсенең Сосновка шәһәрендә узган Xll Төбәкара "Уйнагыз, гармуннар" фестиваль-бәйгесендә уңышлы чыгыш ясап лауреат дипломнарына лаек булдылар. «Иң яхшы гармунчы» номинациясендә Солтанов Салават, Нуретдинов Ильяс, - 2 дәрәҗә лауреат, «вокал» номинациясендә Вильдснов Эмиль 2 дәрәҗә лауреат дипломнарын яуладылар (җитәкчеләре Булат Гайнуллин); «Инструметаль дуэт» номинациясендә укытучылар Гайнулллин Булат Марсель улы, Харисов Рәдис Рафис улы 1 дәрәҗә Лауреат дипломына лаек булдылар.

Гаилә тормышы юбилярларын котлау ЗАГС бүлегенең күркәм традициясенә әверелде. 2025 елның 7 февралендә, Ватанны саклаучылар елын ачу кысаларында, алтын юбилярларны хөрмәтләүгә багышланган чара узды, ул 2025 елда беренче булды. Котлауларны Рафаил Фаик улы һәм Нурания Зиннәт кызы Назыйповлар кабул итте. Бүген юбилярлар үзләрен яңадан яшь пар итеп тойды: ЗАГС бүлегенең мактаулы юбилярлар китабына имза куйдылар, «Алтын туй» медальләре һәм никах балдаклары белән алмаштылар. - Озак еллар кулга-кул тотынышып яшәгән ир белән хатын, бәхетле пар- һәрвакыт соклану һәм ихтирам хисләре уята, - дип котлады юбилярларны Районның хатын-кызлар советы рәисе А.М. Гатауллина һәм Назыйповлар гаиләсенә район башлыгы И.Г.Нуриевның Котлау хатын һәм истәлек бүләген тапшырды. -Бүгенге чара гаилә елъязмасының мөһим бите, онытылмаслык һәм бәхетле мизгел, -диде юбилярларны котлап район ветераннар советы рәисе Хәмидуллина Р.Ш.. Балалары, оныклары, туганнары Рафаил Фаик улына һәм Нурания Зиннәт кызына балаларына, оныкларына, оныкчыкларына лаеклы үрнәк булулары өчен рәхмәт белдерделәр.

ЗАГС бүлегенең тантаналар залында гаилә тормышының алтын юбилярларын котлау тантанасы узды. Рафаэль Яруллович һәм Сания Гыйльмиевна Кәбировлар гаиләдә ихтирам, ышаныч һәм ярдәм никадәр мөһим икәнен яхшы беләләр. Үз никахларын алар ярты гасыр элек-1975 елның 13 гыйнварында теркәгәннәр. Уртак тормышның илле еллык юбилеен алтын дип атыйлар, чөнки барлык авырлыкларны кулга – кул тотынышып узган, барлык авырлыкларны җиңгән пар йомшаклык һәм юл куючанлык аркасында бергә озак яши алган, Чөнки алтын-иң йомшак металлларның берсе. Алтын авырлык белән, бөртекләп табыла, гаилә тормышы да озак вакыт вак-төякләрдән төзелә. Кәбировлар гаиләсендә ике бала – кызлары Әлфия һәм Миләүшә, 5 онык һәм бер оныкчык бар. Арча районы хатын-кызлар советы рәисе А.М.Гатауллина юбилярларга ихлас ихтирам һәм котлау сүзләре белән мөрәҗәгать итте. Ул аларга гаилә бәхете һәм иминлек теләп, район башлыгы И.Г.Нуриевның Котлау хатын, истәлек бүләге тапшырды. Район ветераннар советы рәисе Р. Ш. Хәмидуллина, яшәү урыны буенча «Центральный» ТИҮ рәисе Прахов Р.А. Кәбировлар гаиләсен котлап, истәлекле бүләкләр тапшырдылар. Туганнарыннан һәм якыннарыннан бик күп җылы котлаулар яңгырады. Тантаналы һәм дулкынландыргыч шартларда Рафаэль Яруллович һәм Сания Гыйльмиевна мактаулы юбилярлар китабына имза куйдылар, «Алтын туй» медальләре белән алмаштылар һәм бер-берсен биергә чакырдылар. ЗАГС хезмәткәрләре, гаиләне матур вакыйга белән котлап, озын гомер теләделәр һәм алтын туйны теркәү турында истәлек таныклыгы тапшырдылар. Рафаэль Яруллович белән Сания Гыйльмиевнага озак еллар чын мәхәббәт һәм тугрылык хисләренең үрнәге булып калуларын телибез.

2 февральдә Казанда "Музыка һәр йөрәктә" дип исемләнгән Россиякүләм уен кораллары, вокал, бию, театр сәнгате бәйгесе узды. Арча балалар сәнгать мәктәбенең «Фортепиано» сыйныфы укучысы Сабиров Искәндәр уңышлы чыгыш ясап 1 дәрәҗә лауреат дипломына лаек булды. Укытучысы Хәсәнова З.Ф.

2 февраль көнне Казан шәһәренең "Залесный" мәдәни үзәгендә Идел буе "Талантлар териториясе» заманча композиторлары музыкасының II Төбәкара бәйгесе узды. Анда Арча балалар сәнгать мәктәбе укучылары да катнашып лаеклы урыннар яуладылар. Мөхәммәдьярова Диана I дәрәҗә лауреат, шулай ук Бөтендөнья татар конгрессыннан махсус бүләк алды, Ибраһимова Әминә II дәрәҗә лауреат (укытучылары Рәхмәтуллина Э.Ф. ), Закирова Динә III дәрәҗә лауреат (укытучысы Асанова В.М.) булдылар. Укытучы Рәхмәтуллина Эльвира Фаят кызы Бөтендөнья татар конгрессыннан Рәхмәт хаты белән бүләкләнде.

Арча балалар сәнгать мәктәбе укучылары Казанда узган "Жиганов-Vivo" фестиваль-бәйгесендә уңышлы чыгыш ясап лауреат дипломнарына ия булдылар. Кадырова Диана (скрипка) 3 дәрәҗә Лауреат (җит. Ганиева А.И.,концертмейстер Асанова В.М. ), Фортепиано классы укучылары. Ибраһимова Әминә — 1 дәрәҗә Лауреат (җит. Рахматуллина Э.Ф.), Кривошеина Мира -1 дәрәҗә Лауреат, Галимжанова Лия, Кривошеин Леон- 3 дәрәҗә Лауреат дипломнарына лаек булдылар. Җитәкчеләре Асанова В.М.

С.Сәйдашев исемендәге зур концертлар залында "Звезды из завтра"дип аталган яшь музыкантлар өчен Республикакүлəм иҗади проекты лауреатларының гала-концерты булды. Концертта Арча балалар сәнгать мәктәбеннән - Шарафеев Айнур (җитәкчесе Алеева М.Т.) Татарстанның həм Россиянең атказанган сәнгать эшлеклесе,Татарстанның халык артисты, Г.Тукай исемендәге Дәүләт премиясе лауреаты Рөстәм Абязов җитәкчелегендәге "La primavera" камера оркестрына кушылып чыгыш ясады.