«Сез-безнең горурлыгыбыз!» акциясе үткәрү турында

Халыкара хатын-кызлар көнен (8 Март) бөтен дөньяда бәйрәм итәләр. Бу көнне милли чикләргә, этник, тел, мәдәни, икътисади һәм сәяси аермаларга карамастан, хатын-кызларның казанышлары билгеләп үтелә.

Халыкара хатын-кызлар көне безгә ирешелгән уңышлар турында уйларга, ил, Татарстан Республикасы, туган як, шәһәр, бистә үсешенә өлеш керткән әниләр, әбиләр, хатын-кызлар турында сөйләргә мөмкинлек бирә,  без аларның тормышта һәм хезмәттә ирешкән уңышлары белән горурланабыз.

Үсеп килүче буынга рухи-әхлакый тәрбия бирү, гаилә кыйммәтләре, актив тормыш позициясе булдыру, республика, гаилә тормышында хатын-кызның роле  мәсьәләләренә җәмәгатьчелек, дәүләт һәм муниципаль органнар һәм учреждениеләр җитәкчеләре, массакүләм мәгълүмат чараларының игътибарын җәлеп итү максатыннан, Татарстан Республикасында бала хокуклары буенча Вәкаләтле вәкил «Сез – безнең горурлыгыбыз!» акциясе (алга таба-Акция) оештыра.

Акциядә яшенә һәм яшәү урынына һәм гражданлыгына карамастан, теләсә кайсы граждан катнаша ала. Акция 2021 елның 3-8 март көннәрендә үткәрелә.

Акциядә катнашу өчен 3-8 март көннәрендә әнинең, әбинең, бистәдә, районда, Татарстан Республикасында танылган яисә аз билгеле хатын - кызның фотосын, видеоязма, рәсемен урнаштырырга һәм «Мин – горурланам», «Сез-безнең горурлыгыбыз» дигән темага аның турында пост язарга кирәк.

Акциядә катнашучылар акция тематикасы буенча иҗади якын килергә хокуклы;

Instagram һәм ВКонтакте социаль челтәрләре аша урнаштырылган акция материаллары #УПРвРТ8марта хештегы белән  булырга тиеш.