ЯҢАЛЫКЛАР
Бу турыда ничек дәшми каласың инде?! Татарстан төбәге буенча 5 кеше җиңгән, шуның 3се безнең Арча районыннан! Бу турыда бәлки белми дә калган булыр идек, Шушмабаш мәктәбе директоры Рәзилә Шәймәрданова көнендә (22 сентябрь) хәбәр итмәсә.
Баланың атасы ана (гаилә) капиталын алырга хокуклымы?
– Атаның мондый хокукы 2006 елның 29 декабрендәге “Балалары булган гаиләләргә дәүләт ярдәменең өстәмә чаралары турында”гы 256 номерлы Федераль закон белән беркетелгән.
Арча район суды Арча шәһәрендә яшәүче 21 яшьлек кешене чит кеше автомобилен алып киткән өчен хөкем итте.
Булмый хатынга ярап дигәндәй, бу адәм баласына я көз, я кыш ошамый, эссе яратмаучылар җәйне сүгә, язны сүгүчеләрне дә очраткан бар.
Вакыт дигәнең бик тиз уза. Казанбаш урта мәктәбен тәмамлаганга да илле елдан артык вакыт үткән икән инде. Бу мәктәпкә тәүге тапкыр килгән көннәр әле дә күз алдында.
Әңгәмәдәш – Федераль салым хезмәтенең Татарстан Республикасы буенча 5нче районара салым инспекциясенең бүлек җитәкчесе Мөнир Шәйдуллин.
Халыкара Өлкәннәр көне уңаеннан ихлас котлауларны кабул итеп алыгыз!
Күңел көрлеге, зирәклек, сабырлык һәм канәгатьлек кебек күркәм сыйфатларны, беренче чиратта, өлкән буын кешеләренә хас дип әйтәләр. Сезнең буынга авыр сынаулар һәм югалтулар аша узарга туры килде. Дәһшәтле Бөек Ватан сугышы, сугыштан соңгы күтәрелеш чоры, халык хуҗалыгы объектларын торгызу, илнең икътисадый һәм мәдәни куәтен ныгыту еллары.
30 сентябрьдә Арча районында "Мин Арча баласы" проекты кысаларында "Мин Арча беләм" квесты булды. Әлеге чара район балалары һәм яшьләре белән Арча тарихын өйрәнүнең мавыктыргыч һәм бик нәтиҗәле ысулы булып тора. Районда элеге квест беренче тапкыр үткәрелде. Квестта районның гомуми белем бирү мәктәпләреннән 26 бала катнашты һәм алар өч командага бүленде. Стартта һәр командага этапларны узу тәртибе күрсәтелгән маршрут кәгазе тапшырылды.
Асфальт юлдан Арчадан Яңасалага бик тиз барып җиттек. Ныклап төзекләндергәннән соң, мәктәпне ачу тантанасына килдек.
Арчадан Яңасалага барып җиткәнче 10 километрлап юл үтәсе. Заманында халыкның йөрәк бәгыренә төшкән пычрак юллар хәзер ерак томан артында калып бара.
Авыл эченә кергәч, юл уңаенда ТАССРның халык язучысы Гомәр Бәширов туган нигезендә ачылган парк һәм истәлек тактасы, елга буенда чишмәсе күренеп кала. Гомәр Бәшировлы Яңасала авылы... 2017 елда авылда сугыш чоры балалары һәм тыл хезмәтчәннәре хөрмәтенә Хәтер паркы ачылды. Авылда нәрсә дә булса эшләнеп тора...
Редакциягә Арчада яшәүче Вера Носова килде. Рәхмәт хаты алып килгән.
“Без, Вәгыйзовлар урамының 8нче йортында яшәүчеләр, ремонтчыларга рәхмәт әйтәбез...” – дип башлады ул сүзен. – Йортны бик әйбәт ремонтладылар”. Без Вера Андреевна белән бергәләп йортны карарга мендек.
– Әнә үзләре дә, – дип күрсәтте Вера Носова ремонтчыларга таба ымлап. Бу йорт элеккеге “ПМК-16” каршындагы күп фатирлы йортлар арасында урнашкан. Арчаның үзәгеннән менгәндә сулга кереп китәсең. Без килгәндә ремонтчылар Рафил Шәрифуллин белән Владимир Шишигин подвалга керү-чыгу юлын калай белән тышлыйлар иде.