ЯҢАЛЫКЛАР
Әңгәмәдәш – район үзәк хастаханәсе терапевт-эндокринологы Индира Урманова.
– Индира Зөфәровна, хәзер замана чире – шикәр диабеты белән авыручылар күп. Безгә шушы чир белән авыручы бер ханым газета аша табиб киңәшен ишетәсем килә, дип мөрәҗәгать итте. Киңәшләрегезне бирсәгез иде.
– Коръән авыруларны ураза тоту бурычыннан азат итә, бигрәк тә озак вакыт ашамыйча тору кешенең сәламәтлегенә җитди зыян китерсә. Бу турыда Изге Коръәндә Бәкара сүрәсендә 183-185нче аятьләрдә язылган. Шикәр диабеты белән авыручы пациентларга дәвалану буенча кулланмалар Рамазан аенда ураза тотарга киңәш итми.
– Ә шулай да шикәр диабеты белән авыручылар арасында, күңеле белән бирелеп, ураза тотучылар бар. Өлкән яшьтәге бер апа: мин даруны сәхәр ашаганнан соң һәм кояш баткач, авыз ачкач эчәм, хәлем әйбәт, ди.
– Шикәр чире белән авыручыларга уразаны тотаргамы-юкмы – моны авыру үзе хәл итәргә тиеш түгел. Бу сорауга җавапны, авыруның хәленә карап, бары тик табиб-эндокринолог әйтергә тиеш. Әгәр дә туклануны чикләү авыруның сәламәтлегенә зыян китерә икән, Ураза тотарга кирәкми.
– Ни өчен? Сәбәбен аңлатып үтсәгез иде.
Кәрим Тинчурин исемендәге татар дәүләт театры бинасында композитор Роза Мөхетдинованың “Тамырлар” кантатасы яңгырады
Безнекеләр
Гөлсинә Зәкиева
2004 елда Сәлих Сәйдәшев исемендәге концертлар залында тыңлаган идек инде аны. Һәм менә егерме елдан соң ул яңадан тамашачы игътибарына тәкъдим ителде.
“Татарстан–Яңа гасыр” республика иҗтимагый хәрәкәте тарафыннан Җиңүнең 80 еллыгына багышланган “Җиңү җырлары” студентлар хорлары фестиваленә старт бирелде.
Җыр фестиваленең зона этаплары Арчадан башланды. Шулай ук алар Әлмәт, Алабуга, Норлат һәм Кама Тамагында да узачак.
12 март көнне Арча педагогия көллиятендә дүрт уку йорты студентларының ансамбль һәм хорлары чыгыш ясады. Әлеге коллективлар – беренче турга җибәрелгән видеоязмалар арасыннан сайлап алынган иң яхшы башкаручылар: Арча педагогия көллияте җыелма хоры һәм “Арча егетләре” халык вокаль ансамбле, Арча аграр-сәнәгать һөнәр көллиятенең вокаль ансамбле, Әтнә авыл хуҗалыгы техникумы вокаль ансамбле, Лаеш техник-икътисадый техникумының җыелма хоры.
Агымдагы елның февраль аенда Татарстанда “Профессионаллар” һөнәри осталык чемпионатының төбәк этаплары узды
Яшьләр тормышы
Гөлнур Миннебаева
Чемпионатның өч юнәлеше буенча ярышлар Арчада барды: “Әйдаманлык эше”, “Балаларга һәм өлкәннәргә өстәмә белем бирү”, “Физик культура, спорт һәм фитнес” компетенцияләре.
Казан шәһәреннән, Арча, Минзәлә, Яшел Үзән, Түбән Кама, Әлмәт, Тәтеш, Норлат, Теләче, Саба һәм Лаеш районнарыннан катнашучылар һөнәри осталыклары буенча белем-күнекмәләрен Арча педагогия көллиятендә тәкъдим иттеләр.
Биредә барлыгы 30га якын өлкән сыйныф укучылары һәм көллият студентлары катнашты.
Татарстан Республикасының атказанган мәдәният хезмәткәре Нәсимә Гарифуллинага 70 яшь
Румия Надршина
Гомер буе мәдәният өлкәсендә эшләгән Нәсимә ханым Гарифуллина белән 4 сәгать сөйләшеп утырганбыз!
Нәсимә редакциягә килгәндә мин икенче бүлмәдә идем, елмаеп, ишектән берәү башын тыкты, мин Нәсимәме соң бу дип, икеләнеп калдым. Матур кызыл яулыктан, алсу битле, Нәсимәгә охшаган япь-яшь бер ханым карап тора иде ишектән. “Әйе, әйе, мин Нәсимә бу!” – дип көлде ул. Менә шул япь-яшь матур ханымга 70 яшь. Сөйләшүне башладык!
Арча мәдәният йортында балалар катнашында зур концерт булды. Җиңүнең 80 еллыгы һәм Ватанны саклаучылар елы уңаеннан хәйрия концерты.
Ел да эстрада сәнгате “Созвездие–Йолдызлык” ачык республика телевизион яшьләр фестиваленең зона туры алдыннан Арча балалар сәнгать мәктәбе иң-иң яхшыларны барлый.
Соңыннан шуларны туплап, Гала концерт, ягъни район бәйге-фестивале үткәрелә. Ул “Арча йолдызлары” дип аталды һәм, чыннан да, бер сәхнәгә барлык яшь йолдызларны җыйды.
Ватанны саклаучылар елы, Бөек Җиңүнең 80 еллыгы уңаеннан “Җиңү кайтавазы” хәрби-патриотик бәйге-фестиваленең сайлап алу турлары бара
Гөлсинә Зәкиева
Алар һәр авыл җирлегендә махсус хәрби операциядә катнашучыларга ярдәм йөзеннән үткәрелә. Билетлардан җыелган акча шул максатта кулланылачак.
2025 елда ТРның гадәттән тыш хәлләрне кисәтү һәм бетерүнең идарә органнары һәм функциональ һәм территориаль ярдәмче системасы көчләре белән язгы ташуларны авариясез үткәрүне тәэмин итү, шулай ук торак пунктларны, икътисад һәм социаль инфраструктура объектларын табигый янгыннардан саклау мәсьәләләрен карау буенча Арча районында 18 һәм 19 март көннәрендә команда-штаб өйрәнүләре үткәрелде.
14 мартта “Ватан” хуҗалыгында 2025 елның язгы кыр эшләренә әзерләнүгә багышланган семинар-киңәшмә булды
Ильяс Фәттахов
Анда район башлыгы Илшат Нуриев, район авыл хуҗалыгы һәм азык-төлек идарәсе җитәкчесе Айрат Хәбиров катнашты.
“Казан арты“ тарих-этнография музеенда 12 меңнән артык экспонат бар
Ильяс Фәттахов
Директор Камалова Гөлназ Гыйльметдин кызы Чиләбе өлкәсеннән килгән бер кызыклы хат күрсәтте.
Аны безнең районның Бимәр авылыннан Бөек Ватан сугышына китеп хәбәрсез югалган Лукоянов Антон Григорьевичның оныгы Вера Штыхван язган: “Минем бабам Лукоянов Антон Григорьевич сугышка кадәр Арча район больницасын төзегәндә хисапчы булып эшләгән (хезмәт кенәгәсендә шулай дип язылган). 1941 елның 28 августында Арча хәрби комиссариаты тарафыннан чакырылган. Әбиебез, аның хатыны Прасковья Владимировнага сугыштан соң иренең хәбәрсез югалуы турында хәбәр итәләр. Ул дүрт баланы берүзе үстерә, сугыш чорында коточкыч ачлык кичерәләр, Бимәр авылында яшиләр.