ЯҢАЛЫКЛАР

Бу сәяхәтебез барышында Суслонгерның күп серләре ачылды

6 июньдә Арча һәм Әтнә  районнары буенча хәрби комиссар Алмаз Борһанов җитәкчелегендә безнең делегация Мари Илендәге Суслонгер җирлегенә барып сугыш елларында шундагы өйрәнү лагерьларында вафат булган якташларыбызны искә алды.

Кемнәрнең газизләре икән бу исемлектә?!

Делегацияне җирле хакимият вәкилләре, тарих белән кызыксынучылар каршы алды һәм Бөек Җиңүнең 75 еллыгына биредә төзелгән истәлекле урыннар, мемориаллар белән таныштырдылар. Район мөхтәсибе  Әмир хәзрәт Миңнемуллин мәрхүмнәр рухына дога кылды, хәрби хезмәт ветераннары, яшь армиячеләр, Арча ДОСААФы һәм Хәрби комиссариат хезмәткәрләре Суслонгер зиратында арчалар куйган һәйкәлне чистартып  чәчәкләр утырттылар, веноклар куйдылар.

“Без – Тукай оныклары” дигән палаткалы лагерь Арча педагогика көллияте базасында июльдә эшләячәк

Район хакимиятенең утырышлар залында балигъ яшенә җитмәгән балалар эшләре һәм аларның хокук-ларын яклау буенча комиссия утырышы булды.

Киңәйтелгән утырышны комиссия рәисе, район башлыгы урынбасары Гөлнара Гарипова алып барды. Балалар тормышына кагылган күп төрле мәсьәләләр күтәрелде. 2020 елның 1нче кварталында балалар арасындагы җинаятьчелек, аларны ничек булдырмый калу, комиссиядә исәптә торган яшүсмерләрне җәйге чорда эшле итү, быел 9 сыйныфны тәмамлап, мәктәптән киткән егетләрне һәм кызларны һөнәр алу йортларына укырга кертү, җәйге лагерьлар, янгын куркынычсызлыгы һ.б. – сөйләшү өчен темалар күп иде.    

­­– Мәктәп яны лагерьлары 3 августтан эшли башлаячак, – дип сөйләде район мәгариф идарәсе методисты Лия Ильина.  – “Шатлык” лагере ачылмаячак. Палаткалы лагерь “Азимут” шулай ук быел булмаячак.

Район хакимиятенең утырышлар залында балаларның җәйге каникулларында хәвеф-хәтәрләрне булдырмау максатыннан видеобрифинг булды.

Ул республика Хөкүмәт йортында шәһәр һәм республика массакүләм мәгълүмат чаралары өчен үткәрелде. Брифинг ТРның кече суднолар буенча баш дәүләт инспекторы Юрий Венедиктов, ТРның янгын күзәтчелеге буенча баш дәүләт инспекторы Сергей Сергеев катнашында үтте.

 Статистикага күз салыйк. Быел янгыннар вакытында республикада ике бала һәлак булды, 8 бала төрле дәрәҗәдәге имгәнүләр ала. Узган ел янгында 6 бала һәлак була, 9 бала зыян күрә. Үлем белән тәмамланган янгыннар барысы да үз йорты белән яшәүчеләр гаиләсендә килеп чыккан. Янгыннар күп очракта балалар шаяруыннан килеп чыккан. Төп сәбәп шушы. Балалар шырпы, зажигалкалар белән уйнаган. Ата-аналарның балаларын караучысыз калдырулары, өлкәннәр ягыннан контроль булмавы, баланы өйдә бикләп калдырулар аяныч хәлләргә китерә.

Гаиләдәге җиде баланың бишесе кызамыктан үлә. Бары тик икесе генә исән-сау үсә. “Энем дә вафат инде”, – ди Симетбаштан Дания Гайфуллина.

– Сугыш башланган! Ир-егетләрне армиягә алып китәләр! Өлкәннәрнең бу сүзләре безне бермәл аптырашта калдырды. Нинди сугыш? Нәрсәгә сугышалар? Тормыш авырлык-лары әле яши дә башламаган килеш бугаздан тотып алгач кына аның нинди афәт икәненә төшендек.

Дания апа сүзен әнә шулай башлап китте. Күп еллар үтеп, маңгайдагы эзләр тирәнәйгән, чәчләр чаларган саен үткәннәр дә еракта кала бирә. Әмма үзәкләргә үтеп кергән бу көннәрне һәр ветеран яхшы хәтерли.

ТАССР төзелүнең 100 еллыгы бөтен татар халкы һәм төбәк тарихында бик әһәмиятле чор

ТАССР төзелүгә 100 ел тулу уңаеннан районыбыз һәм республикабыз күләмендә танылган, туган җиребезнең данын еракларга җиткергән асыл затларыбызны бүләкләү тантанасы матур чара булып кабатлана.

Берничә атна элек мәгариф өлкәсендә хезмәт куйган ветераннар бүләкләнсә, узган атнада сәламәтлек сагында торучылар, район һәм шәһәр хакимиятендә эшләп чыккан ветераннар, бүген дә хезмәт куючы мактауга лаек җитәкчеләр бүләкләнде. Бәйрәмне башлап, хөрмәтле кунакларны Арча муниципаль район башлыгы Илшат Нуриев котлады һәм аларга медальләр тапшырды.

1981 елның җәе бик коры килде. Яңгырлар юк, терлекләргә кышка әзерләрлек үлән дә юк. Райкомның беренче секретаре Харис Зәйнуллин район активы җыелышында: “Быел бар бәхет урманда! Иртәдән оешма, предприятиеләрнең ишекләренә йозак эләсез. Үзем тикшереп йөриячәкмен!” – диде.

Һәр оешмага, предприятиегә яфрак азык әзерләү заданиесе җиткерделәр. Бу райкомның үзенә дә кагыла иде. “Кабинетта берегезне дә күрмим! – диде Зәйнуллин. – Кәгазьләрне кыш көне язарсыз!”

Безгә Венета урманына барасы. Юл уңаеннан ир-егетләр кибеткә кереп запас туплап чыктылар. Ашарга-эчәргә җитәрлек, тынчу кабинетларда тирләп-пешеп утырганчы, урман һавасын сулап кайтуы үзе бер рәхәтлек бит инде! Җырлыйм дисәң, җырларга, уйныйм дисәң, уйнарга була, гаеп итүче юк.

Бер атнадан Зәйнуллин тагын киңәшмәгә җыеп алды: “Җитәр анда сезгә гармун уйнарга өйрәнергә, эшләргә кирәк!” – диде.

Әле илдә пандемия башланганчы ук кибетләрдән үземә килешле күлмәк эзләп йөрдем һәм ниһаять таптым. Әлбәттә, мин аны кибетнең махсус киенү бүлмәсендә киеп карадым да, үземә килешүенә инанып, алырга уйладым. Тик өйгә кайтып, тагын бер киеп, көзгедәге чагылышымны күргәч, күлмәкнең килешеп бетмәвен ачыкладым. Өстәвенә, якыннарым да шул фикердә булып чыкты.

Иртәрәк барырга җай чыкмаганга, күлмәкне ике көн узгач кына кире тапшырырга киттем. Сатучы, товарны кире китерүемә шат булмавын сиздереп, товарны алмаштырып кына булачагын әйтте. “Нигә шул ук көнне килмәдең?” дип шелтәсен дә белдерергә “онытмады”. Закон буенча товарны 14 көн эчендә алмаштырып булачагын төгәл белсәм дә, кире кайтару мөмкинлегенә шигем бар иде, шуңа күрә сатучыга дәлилләп бирә алмадым. Шулай да, товарны алып калып, акчамны кире кайтардылар.

Россия Федерациясе законнары белән гражданнарның әйләнә-тирә мохитне саклау өлкәсендә иҗтимагый контрольне гамәлгә ашыру мөмкинлеге каралган.

«Әйләнә-тирә мохитне саклау турында» 2002 елның 10 гыйнварындагы 7-ФЗ номерлы Федераль законның 68 статьясы нигезендә, әйләнә-тирә мохитне саклау өлкәсендә иҗтимагый контроль (иҗтимагый экологик контроль) җәмәгать берләшмәләре һәм башка коммерцияле булмаган оешмалар, аларның уставлары нигезендә, шулай ук гражданнар тарафыннан законнар нигезендә гамәлгә ашырыла.

 Табигатьне саклау өлкәсендә дәүләт күзәтчелеге органнарына ирекле һәм түләүсез нигездә ярдәм күрсәтергә теләк белдергән 18 яшькә җиткән гражданнар әйләнә-тирә мохитне саклау өлкәсендә җәмәгать инспекторлары буларак иҗтимагый контрольне гамәлгә ашыра алалар.

2020 елның 23 июнендә Татарстан Республикасында Кеше хокуклары буенча Вәкаләтле вәкил һәм Татарстан Республиканың баш суд приставы- Татарстан Республикасы буенча Федераль суд приставлары хезмәте идарәсе җитәкчесе вазыйфаларын башкаручы тарафыннан бергәләп гражданнарны тематик кабул итү булачак.

         Кабул итүгә алдан язылу өчен телефон: (843) 236-41-80 (Татарстан Республикасында Кеше хокуклары буенча Вәкаләтле вәкилнең кабул итү бүлмәсе).

        Гражданнар Сәрия Сабурскаяга һәм Әнвәр Закировка сорауларын турыдан-туры тоташу юлы белән «Skype", "Zoom" яки "WhatApp" программалары аша бирә алалар.

Татарстан Республикасының Президент аппараты җитәкчесе урынбасары Илнур Гарипов районнарда 4 июльне сабантуйларны үткәрү көне итеп атады

Ул бу карар турында муниципаль берәмлекләр Советы президиумы утырышында әйтте. Әмма әле бу төгәл билгеләнгән көн түгел. Соңгы сүзне район җитәкчелеге әйтәчәк. Коронавирус пандемиясе шартларында массакүләм чараларны үткәрү максатка ярашлымы икән?!

Иң кыйммәт нәрсә – кеше гомере, сәламәтлек. Бу кыйммәтләрне район башлыгы Илшат Нуриев та бар нәрсәдән өстен күрә. Быел, күпләп җыелып, сабантуйлар үткәрүдән тыелып торачакбыз. Алда әле сабантуйлар күп булыр...

Сүз дә юк, җәйгә якынлаша башлагач, сабантуйларны көтәбез! Авыл кешесе сабантуйга әзерләнә башлый. Җыештыра, каралты-курасын бер кат барлый: буйыйсын буйый, төзәтәсен төзәтә, яңартасын яңарта. Бала-чагасына, үзенә яңа киемнәр ала. Ә читтәгеләрне туган җир, күңелне алгысытып, үзенә тарта... Йөрәк кая-дыр ашкына. Күрәсең, җир-су көче бу. Ул ярсулар, бары тик авылга сабантуйга кайтып килгәч кенә басыла, диләр.