ЯҢАЛЫКЛАР
Соңгы елларда 14 яшьләрен тутырган егет һәм кызларга паспорт тапшыруны тантаналы шартларда үткәрә башладылар. Күңелле һәм истәлекле. Һәрчак яшүсмерләргә кызыгып утырам. Үземә паспортны зурлап тапшырганны хәтерләмим мин. Паспорт өстәленә барып кул куйдым да документны кулыма алып чыгып киттем. Шул булды.
Мәгълүмати технологияләр шулкадәр алга китте, хәтта хәзер җинаятьләрне дә интернет аша эшлиләр. Артык күбәеп тә китте алар. Мәсәлән, Россия Эчке эшләр министрлыгының Арча районы буенча бүлегендә 32 урлау эше җинаятьчене тапмау сәбәпле, туктатылган. Шуларның 20се IT-технологияләр ярдәмендә кылынган. 2018 елда шундый 2 җинаять эше генә судка җибәрелгән. Мондый җинаятьләрне ачу зур кыенлык тудыра икән.
Татарстан Республикасында 2018 ел нәтиҗәләре буенча тулаем региональ продукт күләме 2 трлн. 420 млрд. сумнан арта, узган елдагыдан 101,5 % үсеш. Сәнәгать продукциясе күләме, исәпләнгәнчә, 2 трлн. 750 млрд.сум., сәнәгать производствосы индексы - 101,9 %.
Бүген Татарстан Республикасы Президенты Рөстәм Миңнеханов Татарстан Республикасы авыл җирлекләре башлыкларына һәм муниципаль учреждениеләр җитәкчеләренә яңа хезмәт автомобильләре ачкычларын тапшырды. Моннан тыш, муниципаль берәмлекләр мәктәп автобусларының чираттагы партиясен алдылар, бу автобуслар мәктәп маршрутлары буенча укучыларны йөртәчәкләр.
2018 елның 16 декабрендә Саба муниципаль районы Балалар иҗат үзәгенең актлар залында яшьләр арасында 2018 елгы Футбол буенча дөнья чемпионатына багышланган киберфутбол турниры узды.
Шимбә көнне 15 декабрьдә "Арча» спорт комплексының спорт залында 2001-2005 елларда туган егетләр арасында" Көнбатыш» ТК ҖЧҖ җитәкчесе Локманов Әгъләм Тавис улы призына Көрәш буенча Арча муниципаль районының ачык беренчелеге булып узды.
2018 елның 15 декабрь көнендә Арча районы ГХАТ бүлеге кысаларында гаиләләренең рубин туйларын уздыручы Илдар һәм Венера Шәфигуллиннар, Рөстәм һәм Рәшидә Минзиннар, мәрҗән туйларын уздыручы Әмир һәм Халидә Вафиннар гаиләләрен тәбрикләү бәйрәме узды.
14 декабрьдә Арча Укучылар сараенда балаларга өстәмә белем бирүнең 100 еллыгына багышланган Республикакуләм Форум кысаларында семинар булып узды.
Президент каршындагы стратегик үсеш Советы кече һәм урта бизнеска ярдәм итүгә юнәлдерелгән чаралар комплексын раслады. Әлеге чаралар эшмәкәр буларак теркәлүне һәм исәп-хисап эшен гадиләштерүне, яңа ташламалар алуны, шулай ук муниципаль милеккә һәм дәүләт заказларына керү мөмкинлеген киңәйтүне үз эченә ала. Барлык чаралар да 2018-2024 елларда гамәлгә ашырылыр дип көтелә.
11 декабрьдә Арчада “Авыл хуҗалыгы тармакларының нәтиҗәлелеген арттыру резервлары” дип аталган зона семинар-киңәшмәсе үтте. Анда ТР Премьер-министры урынбасары–авыл хуҗалыгы һәм азык-төлек министры Марат Әхмәтов, министр урынбасарлары, министрлыкның җаваплы хезмәткәрләре, унике районның башлыклары, авыл хуҗалыгы һәм азык-төлек идарәләре, хуҗалыклар җитәкчеләре катнашты.