ЯҢАЛЫКЛАР

Арча педагогика көллиятендә “Безнең мирас” журналы хезмәткәрләре кунакта булды. Баш мөхәррир, шагыйрь, прозаик Ләбиб Лерон, мөхәррир урынбасары, шагыйрь Марат Закир, яшь шагыйрь, «Ак бүре” операсы авторы Рүзәл Мөхәммәтшин журнал турында сөйләделәр, киләчәккә планнары белән таныштырдылар.
Кунаклар арасында әлеге журналга нигез салучыларның берсе, аның иң беренче номерын чыгарган “Безнең мирасның” тарих, педагогика, дин бүлеге мөдире, Арчадагы “Казан арты” тарих-этнография музее хезмәткәре Ленар Гобәйдуллин да бар иде.

Закон тарафыннан рөхсәт ителгән аракы сату кимеде, әмма законсыз, составына спирт кергән, шулай ук Казахстанда эшләп чыгарылган алкоголь продукциясе артты. 100 граммлы флаконнарда да, 5 литрлы канистрларда да чыгарыла, документларсыз, лицензиясез, закон тарафыннан тыелган вакытта да, балигъ булмаганнарга да, стационар булмаган киосклардан, шәхси хуҗалыклардан да сатыла. Суррогат аракы кулланып агулану очрак- лары да ешайды. Шуның өчен бу мәсьәләгә битараф булмаган һәркем ”Интернет” челтәрендә ”Халык контроле” проектында үз мөрәҗәгатен калдыра ала. Арча муниципаль районы порталында да ”Кире элемтә” (обратная связь) бүлегендә ”Халык- тан сорашу” дигән урын бар. Шунда аноним рәвештә законсыз аракы сату очраклары турында язып җибәрергә дә мөмкин.

2015 елның 13нче июлендә кабул ителгән Федераль закон нигезендә 18 яшькә кадәрле инвалид бала тәрбияләүче ата–аналарның берсенә (опекунга, попечительгә, баланы тәрбиягә алучыга) еллык түләүле ял аның теләге белән аның өчен уңайлы вакытта бирелә. Закон 2015 елның 24 июлендә үз көченә керде.

Наласа авылында туып үскән язучы Рөстәм Галиуллинга Татарстан Хөкүмәте карары белән рес публиканың Муса Җәлил исемендәге премиясе бирелде.
Карарда әйтелгәнчә, ул бу бүләккә татар әдәбияты үсешенә керткән өлеше һәм яшьләргә атап язылган “Юлларда җил ак иде...”, “Одиночество” китаплары өчен лаек булды.
Бүгенге көндә якташыбыз, филология фәннәре кандидаты Рөстәм Галиуллин Татарстан Фәннәр Академиясенең Тел, әдәбият һәм сәнгать институтының гыйльми сәркатибе вазифасын башкара, докторлык диссертациясе өстендә эшли һәм иҗатын дәвам итә.
Без барлык райондашлар исеменнән Рөстәм Госман улын олы бүләккә лаек булуы белән ихластан тәбрик итәбез һәм иҗат уңышлары теләп калабыз!

Бер гектардан уртача уңыш — 26 центнер. Иң югары уңыш “Кырлай”, “Игенче”, “Тукай” ширкәтләрендә.

“Ватан” ширкәте – 27, “Татарстан” ширкәте — 25, “Ак барс” агрокомплексы”, “Кырлай”, “Курса МТС”ы ширкәтләре 23әр процент мәйданнарда суктырдылар.

6 августка район хуҗалыклары 9427 гектардагы (17,9 процент) игеннәрне җыйнап алдылар.

2015 елның 12 августында Арча район Советының утырышлар залында район Советының чираттагы 50 нче утырышы була. 09 сәгатьтә башлана.

Максаты - Балалар хосписы (Анжела Вавилова исемендәге фонд) пациентларына акча җыю булган “Гаилә сакчысы” акциясе барышында җыелган 80 нән артык үз куллары белән ясалган, шулай ук сатып алынган “гаилә сакчылары” 04 август көнендә ГХАТ идарәсенә озатылды.

31 июльдә “Игенче” хуҗалыгы базасында урнашкан Арча сорт сынау участогында Татарстан Республикасы авыл хуҗалыгы министрлыгы, Россия авыл хуҗалыгы үзәге филиалы, элиталы орлыклар ассоциациясе, сортлар сынау челтәре вәкилләре, язгы бодай һәм арпа сортларын уйлап табучы галимнәр, 14 районның орлыкчылык хуҗалыклары җитәкчеләре һәм баш агрономнары катнашында семинар-киңәшмә булды.