ЯҢАЛЫКЛАР

Арчада яшәүче Илсөяр һәм Харис Сафиннар сапфир туйларын – бергә яши башлауларына 45 ел тулуны билгеләп үттеләр.

“Балаларны кичкә көтәбез. Атнаның нинди көне булуга карамастан, бер ел да кайтмый, котламый калганнары юк. Балалар, оныклар белән бергә билгеләп үтә торган гаилә бәйрәме була бу көнне. Быел бергә яши башлаганга 45 ел тулды. Кичә генә кебек...”, – диде Харис Сафин.

Арча шәһәренең 7нче “Балачак” балалар бакчасында юл йөрү кагыйдәләрен өйрәтүгә аеруча игътибар ителә.

Һәр төркемдә кагыйдәләр, төрле шөгыльләр алып барыла. Бакчабызда юл йөрү куркынычсызлыгы почмагы бар. Балаларга ныклы белем бирү өчен бик күп материал тупланган. Төркемнәрдә балалар өчен төрле-төрле уеннар, макетлар, юл йөрү билгеләре кулланыла.

Март ае дөньяга илле ел буена миллион тираж белән чыккан “Әлифба”ның булачак авторы Рәмзия Вәлитованы алып килгән.

Гомере буена Арчада яшәде. Туган җире – Башкортстанның Стәрлетамак шәһәре. Самара өлкәсе Байтуган авылында туып-үскән Сәләй Вагыйзов белән берлектә алар иҗат итте “Әлифба”ны. Шушы әлифбадан өч буын татар халкы хәреф танырга өйрәнде.

Безнең Мөндеш авылының “Кояшкай” балалар бакчасында балалар өчен әледән-әле төрле кызыклы, тәрбияви чаралар уздырылып килә. 21 февраль – Туган тел көне уңаеннан атналык уздырдык.

“Арча хәбәрләре” һәм “Арский вестник” газеталарын бүгенге көндә 3474 кеше алдыра. Узган елның икенче яртыеллыгы белән чагыштырганда бу сан 110 данәгә артыграк.

Полиция җинаятьчеләрнең гамәлләреннән зыян күрүчеләргә ярдәм итәргә һәрвакыт әзер, ләкин хокук бозучылар белән эш итүнең иң яхшы ысулы – уяу булу!

Шагыйрь Нуриәхмәтов Дамир Фәтхрахман улы белән очрашу булды.

Дамир абый 1961 елның 7 сентябрендә Урта Бирәзә авылында туган. Арчаның 3нче мәктәбен тәмамлаган. Хезмәт юлын Арча транспорт оешмасында слесарь булып башлаган.

Административ җаваплылык булдырмас өчен, Сезгә 2022 елның 15 апреленә кадәр Россия Федерациясе Юстиция министрлыгына (һәм аның территориаль органнарына) "Россия Федерациясе Юстиция министрлыгына коммерциячел булмаган оешмалар хисапларын тапшыру формалары һәм сроклары турында" Россия Федерациясе Юстиция министрлыгының 2021 елның 30 сентябрендәге 185 номерлы боерыгы белән расланган формада һәм тәртиптә үз эшчәнлегегез турында хисап бирү кирәклеге турында исегезгә төшерәбез.

12 елдан соң очрашалар Флюра белән Фәнис. Ул вакытта ир, хатыны вафат булып, ике бала белән ялгызы калган була.

Ә чибәр, үткен, булган, кыскасы, һәр яктан килгән Флюра никадәр егетләр артыннан йөреп, кияүгә чыгарга тәкъдим ясасалар да, гаилә корырга ашыкмый.

Россиядә абортларны профилактикалауга юнәлдерелгән  “Плюс бер” дип аталган зур комплекслы проект старт алды.

Җәмәгатьчелек оешмалары бердәм көч белән бөтен төбәкләрдә әлеге проектны тормышка ашырган очракта ел да 40 меңгә якын балалар тормышын саклап калып булачак, дип көтәләр. Проект нигезендә эш Татарстанда да башланып киткән. Волонтер-медиклар җәмәгатьчелек оешмалары вәкилләре белән түгәрәк өстәл артында аралашалар. “Казан арты” тарих-этнография музеенда да шундый очрашу булды.