ЯҢАЛЫКЛАР

Арчалар яңадан Суслонгер җирендә булып кайтты. 150 километрны ике сәгать ярым эчендә микроавтобус белән элдертеп кенә үттек. Шунда сугыш елларында ирләре, балаларына үзләренә дә юк ризыкны җыеп алып барган хатыннар, аналар турында уйладым. Үзләре ярым ач, ярым ялангач хатын-кызларның бу араны еш кына җәяүләп үтүләрен күз алдына китерүе дә мөмкин түгел. Әнә Суслонгер кырыеннан узучы тимер юл. Шул юл буйлап килгән бит инде алар.

Хөрмәтле райондашлар!

Кадерле Бөек Ватан сугышы ветераннары, тыл хезмәтчәннәре, сугыш чоры балалары!

Сезне ихлас күңелдән изге бәйрәм – Бөек Җиңү көне белән тәбрик итәм!

9 Май – һәрберебез өчен мәгънәле һәм дулкынландыргыч бәйрәм. Бу көнне Ватаныбызның данлы сакчыларын, фронтта һәм тылда геройларча фидакарь хезмәтләре белән Бөек Җиңү көнен якынайткан кешеләрне хөрмәтлибез һәм искә алабыз.

5 майда район хуҗалыкларындагы сиптергечләрне кабул итү булды. Махсус комиссия аларның һәрберсен эшләтеп, карап баллар куеп барды.

5 майда Татарстанда инде традициягә әйләнгән “Урман утырту көне” акциясе узды. Арча районындагы оешма–учреждениеләр ел саен акциядә катнашып, районыбызның табигатен саклауга үз өлешләрен кертә.

Нияз Камаловны Арчада белмәгән кеше юктыр. 33 ел УРСЖны җитәкләде ул. Хәзер Киров өлкәсе Яранск шәһәрендә урнашкан “Контур–Дорстрой” ширкәтендә генераль директор. Ә менә аның буш вакытында ни белән шөгыльләнгәнен күпләр белмидер. Мин дә очраклы рәвештә генә таныштым.

Бөек Җиңүнең 73 еллыгы уңаеннан “Арча хәбәрләре” газетасы Татарстан Республикасы хәрби комиссариатының Арча һәм Әтнә районнары буенча бүлеге, ДОСААФ оешмасы белән берлектә мәктәп яшендәге балалар арасында “Кадерле истәлек” бәйгесе оештырды. Бик зур рәхмәт, укучылар безгә бик матур һәм эчтәлекле хатлар юллады.

26 апрельдә Чувашия Республикасының Урмай авылында "Урмай-Зәлидә" Халыкара төрки дөнья традицион мәдәнияты фестивале булды. Фестивальдә Арча балалар сәнгать мәктәбе укытучылары да катнашты.

 

26 апрельдә Казанда Галия Кайбицкая исемендәге III Халыкара җыр осталыгы бәйгесе узды. Арча балалар сәнгать мәктәбенең "Энҗеләр" җыр ансамбле (җитәкчесе Гидиятуллина Тайфә Фуат кызы), уңышлы чыгыш ясап, I дәрәҗә лауреат исеменә лаек булды.

 

28, 29 апрельдә Казанда Бөек Җиңүнең 73 еллыгына багышланган "Виктория" IX Халыкара балалар, яшүсмерләр һәм яшьләр иҗаты бәйге-фестивале булып узды. Анда Арча балалар сәнгать мәктәбе укучылары да актив катнашты.

 

28 апрельдә Яр Чаллы шәһәрендә Инбер Шәфыйковка багышланган "Моңлы курай" VII Ачык республика курайчылар бәйгесе узды. "Халык уен кораллары" номинациясендә Арча балалар сәнгать мәктәбенең “Ятаган” фольклор ансамбле, кубызчылар һәм курайчылар ансамбле I дәрәҗә лауреат исемен яулады (укытучы Альберт Гайнетдинов). "Курай" (аерым башкару) номинациясендә Азат Ахунов III дәрәҗә лауреат, Рената Хәсәнова - I дәрәҗә дипломант, Әмир Хафизов - III дәрәҗә дипломант исеменә лаек булдылар (укытучы Альберт Гайнетдинов), Платон Будков I дәрәҗә дипломант исемен яулады (укытучы Айгөл Гарифуллина).