ЯҢАЛЫКЛАР

Татарстан Республикасы Президенты вазыйфаларын вакытлыча башкаручы Рөстәм Миңнеханов Мәскәүдә 7 апрельдә Россия Федерациясе Дәүләт Советы утырышында катнашты

Бөек Җиңүнең 70 еллыгына әзерлек уңаеннан сугыш ветераннарының сәламәтлеген саклау һәм аларга медицина ярдәме күрсәтү максатыннан “Безнең кадерле ветеран” дигән республика социаль-гуманитар проекты старт алган иде.

Сугыш артистларны да читләтеп үтмәгән. Күбесе, кулына мылтык тотып, дошманга каршы сугышкан. Икенчеләре фронтта, тылда, госпитальләрдә концертлар куйган. Бу да үзенә күрә зур батырлык булган. Чөнки алар пуля яңгыры астында да калган, авырлыкларны да кичергән, ачлык ачысын да татыган.

“Илнең, җирнең, тыныч көннең кадерен белеп, җырлап яшик!” дигән оешма, предприятие, учреждениеләр иҗат концертлары мәктәпкәчә яшьтәге балалар учреждениеләре коллективлары чыгышы белән тәмамланды.

Штерә авылында гомер итүче Нургали ага Шәрәфиев шушы көннәрдә үзенең 90 яшьлек юбилеен билгеләп үтте. Сугыш ветеранын котларга Арча район башлыгы урынбасары Любовь Осина, халыкны социаль яклау бүлеге җитәкчесе Илдус Әһлиев, Иске Чүриле авыл җирлеге башлыгы Гөлнара Заһидуллина килгән иде. Любовь Осина юбилярга Россия Президенты Владимир Путинның котлау хатын һәм бүләк тапшырды.

7 апрельдә район җитәкчесе Илшат Нуриев прокуратура һәм хокук саклау органнары вәкилләре белән экстремизм һәм террорчылыкны кисәтү буенча киңәшмә уздырды

Аның белән очрашырга килгәннәр арасында сугыш чоры балалары да бар иде

2015 елның 1 апреленнән социаль пенсияләр 10,3 процентка артты. Федераль ташламадан файдаланучыларга ай саен бирелә торган түләүләр (ЕДВ) 1 апрельдән 5,5 процентка индексацияләнде

Республиканың Авыл хуҗалыгы һәм азык–төлек министрлыгы вәкилләре район авыл хуҗалыгы белгечләре белән берлектә хуҗалыкларда язгы кыр эшләренә техника әзерлеген, орлык сыйфатын һәм ашлама тупланышын тикшерәләр.

2015 елның 26 февралендә Россия Федерациясе Президентының “1941–1945 елларда Бөек Ватан сугышында Җиңүнең 70 еллыгы уңаеннан Россия Федерациясенең кайбер категориядәге гражданнарына бер тапкыр бирелә торган түләүләр турында”гы Указы (№ 100) кабул ителде.