ЯҢАЛЫКЛАР

Зал тулы ир-егетләр: офицерлар, армиягә китәсе егетләр, хәрби хезмәт үтеп кайтканнар... Республиканың хәрби комиссары генерал-майор Сергей Погодин, Татарстан Республикасының кеше хокуклары буенча вәкаләтле вәкиле Сәрия Сабурская, район башлыгы Илшат Нуриевны аягүрә басып каршы алдылар.

Арчада Ленинград өлкәсенең Тосно районы делегациясен кабул иттеләр. Район башлыгы урынбасары Евгения Закамская җитәкчелегендәге делегация составында “Изге юл” татар җәмәгатьчелек оешмасы рәисе Иниятулла Кутуев, аның урынбасары, авыл җирлеге башлыгы Мирхәйдәр Немешев һәм оешма әгъзасы, фирма җитәкчесе Илсур Усманов бар иде.

Белгечләр яңа сыерчык ояларын көздән куярга киңәш итәләр. Кошчыклар карап китәләр дә, язын туры шунда кайталар, янәсе. Монысы бәхәсле, әмма бездә кышлаучы канатлы дусларыбыз шул ояларда төн куна, салкыннарда, буран–җилләрдә ышыклану урыны таба.

Үзара салым акчасын һәр авыл җирлеге үзенчә файдалана. Берсе авылларда урам юлларын төзекләндерә, икенчесе су кертә, өченчесе зиратларны тәртипкә китерә һәм башкалар. Кыскасы, кемнең кайсы җире ныграк “авырта”. Әмма барысының да максаты бер – авыл халкының тормыш-көнкүрешен яхшырту.

Безгә ничек хезмәт күрсәтәләр? Һәркем өчен якын тема. Бу уңайдан берничә очракны язып үтәсе килә. Тискәре күренешләрне генә түгел, уңайларын да күрә белергә һәм язарга кирәк.

Узган гасырның 20нче еллар уртасында халыкны берләштерү, колхозлашуның беренче этабы — коммуна төзү максатыннан яңа авылларга нигез салына. Районыбызның Xнчы Октябрь авылы да шул чорда барлыкка килә, 1927 елда төзелгәнгә, авылга шундый атама бирелә. Бирегә халык, җир алып аерылып чыгып, нигездә, Масра якларыннан күчеп утырган. Ныклап урнашып киткәч, аларның тормышына кызыгып башка җирләрдән, хәтта ерак районнардан да килүчеләр була.

2017 елның 12-15 октябрь көннәрендә"Арча"  спорт комплексы спорт залында  Татарстан Республикасы Беренчелеге кысаларында  14 яшькә кадәрге (2004 елгы һәм яшьрәк) кызлар арасында баскетбол буенча очрашулар узды.

Узган шимбәдә ТР Хөкүмәте Йортында үткән киңәшмәдә авыл хуҗалыгы һәм азык–төлек министрының беренче урынбасары Николай Титов туфракны төп эшкәртүгә игътибарны арттырырга кирәклеген искәртте. Чөнки яңгырлар астында җир сөреп булмаячак. Туфракны үзвакытында эшкәртү дым сакларга, басуларда чүп үләннәрне киметүгә, шулай ук ашламаларның нәтиҗәлелеген арттырырга ярдәм итәчәк.

Иске Йорт 110 кешесе булган 30 хуҗалыклы авыл. Үзенә күрә кечкенә генә клубы да бар. Артистлар килмәсә дә, концертлар, спектакльләр куелмаса да, төрле чаралар үткәреп, үз–үзләренең күңелләрен күреп, тыныч кына яшәп яталар. Узган атнада шундый чараларның берсендә катнашырга да туры килде.

Районда 1 октябрьдән пенсионерлар өчен өченче буын университеты курслары эшли башлады. Пенсионерлар бик теләп компьютерда эшләргә өйрәнәләр, туган як тарихы белән кызыксыналар. 12 октябрьдә Арчаның үзәк китапханәсендә “Хокуклар белеме мәктәбе” курслары ачылды.