ЯҢАЛЫКЛАР

Арча үзәгендәге мәйданда флешмоб-батл булды.
Безнеңчә, гади итеп әйтсәк, бер төркем яшьләр (300ләп) мәйданны тутырып 1 сәгать буе биеделәр дә, ай күрде кояш алды дигәндәй, таралышты. Ул спорт-мәдәни, наркотикларга каршы марафон иде. Мәктәпләрдән, уку йортларыннан килгән 33 команда ярышты. Анда район башкарма комитеты җитәкчесе Илшат Нуриев катнашты. Ул, яшьләрне сәламләп, Җиңү көне белән котлады.

Арча стадионында Бөек Җиңүнең 70 еллыгы уңаеннан мәгариф учреждениеләре профсоюзы әгъзалары арасында җиңел атлетика буенча ярышлар үткәрелде. Анда 46 башлангыч профсоюз оешмасыннан 200дән артык укытучы һәм мәктәп хезмәткәрләре катнашты.

10нчы балалар бакчасында район күләмендә “Үкчәкәй” бию конкурсы булды. Авыллардан да килгән иделәр. Конкурсны 10нчы бакчаның музыка белгече Лилия Харитонова алып барды.

Быел 13 сентябрьдә, бердәм тавыш бирү көнендә, республикада Татарстан Республикасы Президентын һәм җирле үзидарәнең вәкиллекле органнарына депутатлар сайлаулары була

Районның яшьләр эшләре һәм спорт бүлеге җитәкчесе Зиннур Сәгыйтов язгы кыр эшләрендә яхшы нәтиҗәләргә ирешкәннәре өчен “Ак барс” агрокомп- лексы” механизаторлары Ринат Шәрәфетдиновка, Раил Фәйзрахмановка, Салават Газизуллинга, “Курса МТСы” ширкәтеннән Алмаз Әхмәдуллинга, Рәмис Шәрәфиевка, Динар Шакировка, Радик Миңһаҗевка истәлекле бүләкләр, Рәхмәт хатлары тапшырды.

16 майда Бөек Ватан сугышында Җиңүнең 70 еллыгы уңаеннан “Сәламәтлек” спартакиадасы кысаларында оешма, предприятие, авыл хуҗалыгы берләшмәләре һәм учреждениеләр арасында “Арча” балалар–яшүсмерләр спорт мәктәбендә сәгать 9да бадминтон буенча, Арча шәһәре стадионында сәгать 10да җиңел атлетика буенча район беренчелеге була.

15 майда кичке сәгать 7дә “Казан арты” музее Бөтенроссия музей төне һәм Халыкара гаилә көне уңаеннан төрле чаралар үткәрергә планлаштыра

Зиратлар – изге урын. Аларны чистартып, тәртипкә китереп тору – һәрберебезнең бурычы. Безнең бу гамәлләребез аларда җирләнгән якыннарыбыз, туганнарыбыз, авылдашларыбыз рухына дога булып барып ирешсен, зиратыбыз гына түгел, күңелебез дә чистарсын, үзебез өчен дә зур савап булсын

14 майдан 23 майга кадәр “Арча хәбәрләре” газетасына ташламалы бәядән – 475 сум 20 тиеннән язылырга була. Газетага почта бүлекчәләрендә языла аласыз.

2002 елның 12 июнендәге “Россия Федерациясе гражданнарның сайлау хокукларына һәм референдумда катнашу хокукларына төп гарантияләр турында”гы 67нче номерлы Федераль Законның 18нче маддәсе, 2007 елның 7 маендагы 21нче номерлы Татарстан Республикасы Сайлау кодексының 26нчы маддәсе нигезендә, агымдагы елның маенда Арча шәһәре муниципаль берәмлеге һәм авыл җирлекләре Советлары үз утырышларында Арча муниципаль районы җирле үзидарә вәкиллекле органнарына депутатлар сайлау буенча бер мандатлы сайлау округлары схемасын раслады