ЯҢАЛЫКЛАР

Ниһаять, “Арск-информ” мәгълүмат үзәге “Бәллүр каләм”ле булды. “Арча хәбәрләре” газетасы редакциясе хәбәрчесе Гөлсинә Зәкиеваны зур җиңүе белән котлыйбыз.

30 июльдә “ТАТМЕДИА” бинасы янында зур чара узды – журналистика һәм масса-медиа өлкәсендәге XXIVнче “Бәллүр каләм – 2021” рес-публика бәйгесе  лауреатларын бүләкләделәр.

Бирегә республика шәһәр һәм район редакцияләре җитәкчеләре һәм хезмәткәрләре, шулай ук “Бәллүр каләм – 2021” бәйгесе номинантлары чакырылган иде.

Бәйгегә төрле номинацияләр буенча барлыгы 1823 эш килгән булган. Икенче турга үткән номинантлар арасыннан да иң-иңнәре сайлап алынган. “Һөнәре буенча иң яхшы” номинациясендә җиңү яулаган ике кешенең берсе безнең редакция журналисты Гөлсинә Зәкиева. 

Якшәмбе көнне Арчаның Чишмә урамында янгын булды, берәүләрнең сарайлары, икенчеләренең сарай, мунчалары янып бетте.

Башына төшкән кеше өчен бик куркыныч әйбер. Карак бер әйбереңне алып чыкса, янгын барын да көлгә әйләндерә. Бер-беренә бик якын торган йортлар. Ярый әле җиле икенче якка исә. Югыйсә...

– 1 август көнне кичке алтыда Чишмә урамында яшәүчеләр мунча януы турында хәбәр итте. Янгын сүндерүчеләр килгәндә ике сарай һәм бер мунчаны тулысынча ут чорнап алган иде инде. 3 метр ераклыкта гына урнашкан йортка ут кабу куркынычы да бар иде. Янгын сүндерүчеләр янгынны тиз арада сүндерә алдылар, – диде Арча янгын күзәтчелеге бүлеге җитәкчесе урынбасары Раил Гыйльмуллин.

28 июль көнне Арчада кеше үлеме белән тәмамланган коточкыч юл-транспорт һәлакәте булды.

Казан ягыннан килгән “Калина” автомобиле каршы як полосага чыга, “КамАЗ” машинасына килеп бәрелә һәм юл кырыена чыгып оча. Нәтиҗәдә, бер пассажир (хатын-кыз) һәлак була, дүрт кешене төрле авырлыктагы тән җәрәхәтләре белән хастаханәгә озаталар.

Без һәлакәт булган урынга бардык. Машинадан тимер өеме генә калганны күреп өнсез булдык. Арча эчке эшләр бүлегенең ЮХИДИ бүлекчәсе җитәкчесе Ришат Хуҗиннан һәлакәтнең сәбәбе турында сораштык. “Әлегә нидән килеп чыгуы турында җавап бирә алмыйбыз. Җиңел машина йөртүче йок-лап киткән, дигән версия дә бар. Әмма ул төгәл түгел. Сәбәбе тикшерүләрдән соң билгеле була”, – диде ул.

Гөлфия Солтанбаева оныклары Александра һәм Арина белән Арчага кунакка кайткан иде.

Александра – 8нче, Арина 7нче сыйныфта укый. Икесе дә татарча аңлыйлар, сөйләшә генә алмыйлар.

Португалиядә яшәсәләр дә, гаилә милли гореф-гадәтләрне саклап килә. Әниләре татар, әтиләре рус милләтеннән. Ике якны да тигезлиләр, бәйрәмнәрен билгеләп үтәләр. Кызларның икесе дә бию белән шөгыльләнә. Александра татар халык биюен башкарып, җиңүләр яулаган, фоторәсеме журналларда басылган, Арина рус халык биюе белән чыгышлар ясаган.

23 июльдә Япония башкаласы Токиода җәйге Олимпия уеннары башланып китте. Ул 8 августка кадәр дәвам итә.

XXXII җәйге Олимпия уеннары Япония башкаласы Токиода 2020 елда үтәргә тиеш иде, әмма коронавирус пандемиясе сәбәпле, быелга күчерелгән. Шулай да алар “Олимпия уеннары – 2020” дип йөртелә.

Олимпия уеннарында Россиядән өч йөздән артык спортчы катнаша. Шуларның 21е безнең Татарстаннан. Һәм җиңүләребез дә бар.

Төлке – бүгенге көндә иң сүгелә торган җәнлек.

Беркөнне бер авылдан шалтыраталар: тавыкларны, бройлерларны төлке тотып бетерә инде, аларны нишләтергә?

– Сетка тотыгыз, тавык – йорт кошы ул, урамга чыгармагыз, –  дим. – Тавык-чебешне без дә асрыйбыз, алар янына төлке генә түгел, карга-мазар да керә алмый.

Элек төлке оялаган тау кырыйларына йорт салучылар да төлке күрсәләр чаң суга. Аларга: “Төлке сезнең йортка килеп оя кормаган, сез аның оясына барып йорт салгансыз бит!” – дим.

Төлкеләр дә закон белән саклана, алар да яшәргә хокуклы. Күренгән төлке әле ул котырган дигән сүз түгел.

2021 елның 1 июлендә, 281 номерлы Федераль закон белән, РФ Җинаять кодексының 22нче маддәсенә ату коралы һәм сугыш кирәк-яракларының законсыз әйләнеше өчен җаваплылыкны катылата торган җитди үзгәрешләр кертелде.

Яңа закон буенча, ату коралын законсыз алган, биргән, саклаган, ташыган, йөрткән, шулай ук ату коралын, аның төп өлешләрен һәм сугыш кирәк-яракларын җибәргән өчен  иректән мәхрүм итү срогы 80 мең сум яки гаепле кешенең 3 айга кадәрге керемнәре кадәр штраф белән яки аларсыз 3 елдан 5 елга кадәр озайтылды (1нче өлеш).

Хәзер коралны, аның төп өлешләрен һәм сугыш кирәк-яракларын законсыз саткан өчен җаваплылык.

Түбән Мәтәскәдән Илзирә Сираҗиева Казанда узган “Ак калфак” IVнче Бөтенроссия бәйгесендә Гран-прига ия булды.

“Әлеге ярышны Бөтендөнья татар конгрессы оештырды. Моңа кадәр ул өлкәнрәк яшьтәге кызлар арасында үткәрелсә, быел, хәтерем ялгышмаса, беренче тапкыр укучы кызлар катнашты. Район мәгариф идарәсеннән бер кызны сайлап алып бәйгегә җибәрергә тәкъдим иткәч, мин ике дә уйламыйча Илзирәгә тукталдым”, – диде Арчаның бишенче гимназиясе татар теле һәм әдәбияты укытучысы, Илзирә Сираҗиеваны бу бәйгегә әзерләп алып баручы Әлфия Рәфыйкова.

Алкогольле эчемлек кулланган килеш руль артына утыручылар саны, ни кызганыч, артканнан арта.

Бу хакта язабыз да, аның нинди нәтиҗәләргә китерүе турында беләләр дә, әмма барыбер эчкән хәлдә юлга чыгалар. Ярый, үзе генә булса, исерек хәлдә транспорт белән идарә итүчеләр гаебе белән бер гөнаһсыз кешеләр, иң йөрәкне әрнеткәне, араларында балалар да бар, зыян күрә.

Әгәр Сез Арча районында яшисез һәм сезгә юридик ярдәм кирәк икән -аны алу мөмкинлеге бар! Татарстан Республикасы Юстиция министрлыгы район халкына түләүсез юридик ярдәм күрсәтү буенча чара уздыра. Квалификацияле юридик ярдәм түләүсез юридик алу хокукына ия гражданнар категорияләре һәм алар мөрәҗәгать итә ала торган мәсьәләләр билгеләнгән «Татарстан Республикасында гражданнарга түләүсез юридик ярдәм күрсәтү турында» Татарстан Республикасы Законы нигезендә түләүсез күрсәтелә.