ЯҢАЛЫКЛАР
Бүген Үзәк китапханәдә Арча гуманитар-техник техникумы студентлары өчен Бөек Җиңүнең 77 еллыгы уңаеннан әдәби салон үз ишекләрен ачты. Чара барышында китапханә хезмәткәрләре Минһаҗева Гөлназ һәм Яхина Илсөяр шигырьләр укыды. Җырларны Арчаның 2 нче номерлы мәктәп укучысы Хәнәфиев Данил һәм китапханә хезмәткәре Рилә Абдрахманова башкардылар. Китапханәче студентларга сугыш турында җырлар һәм шигырьләр иҗат итү тарихын сөйләде, соңыннан бергәләп "День Победы" җырын башкардылар.
http://rosdrevo.ru/russian-tree-of-the-year/# сайтында «Россиянең ел агачы – 2022» бәйгесе буенча тавыш бирү башланды. Татарстан Республикасыннан Себер чыршысы (Picea obovata Ledeb.) катнаша, ул төбәк әһәмиятендәге комплекслы профильле «Озын Алан» дәүләт табигать тыюлыгы территориясендә үсә. Бу агач 2012 елда «Агач – тере табигать һәйкәле» бөтенроссия дәрәҗәсенә ия булган иде инде. Чыршының яше – 135 ел, ә биеклеге – 30 метрдан артык.
9 майда бөтен ил бөек вакыйга - Бөек Ватан сугышында Җиңүнең 77 еллыгын билгеләп үтәчәк. Ел саен бу истәлекле көндә бөтен ил буенча «Үлемсез полк» йөреше була, аның сафында миллионлаган кеше Бөек Ватан сугышында катнашучыларның фотопортретларын күтәреп уза. Соңгы елларда бу акция онлайн рәвештә узды, быел, пандемия башланганнан бирле беренче тапкыр, чын йөреш форматында узуы куанычлы хәл.
Район авыл хуҗалыгы һәм азык-төлек идарәсе баш зоотехнигы Роберт Хәйретдинов белән “Северный” хуҗалыгының (җитәкчесе Илнар Мөхлисов) Шекә бүлекчәсе терлекчеләренең хәлен белеп кайттык.
19 һәм 20 апрель көннәрендә Арчада район башлыгы Илшат Нуриев исеменнән ифтар мәҗлесләре үтте.
Физкультура һәм спорт дигәч, беренче чиратта Заһидуллин Линар Госман улы күз алдына килә. Һәрвакыт хәрәкәттә ул, ә хәрәкәттә, бәрәкәт диләр.
Әле менә җитмеш яшь тулу уңаеннан бер утырып сөйләштек, тормыш юллары буйлап уздык.
Татарстан Республикасы Мәдәният министрлыгында зур чара узды. Анда Арчадан Лилия Дәүләтбаева катнашты.
Матди булмаган мәдәни мирас объектлары буенча экспертлар советының беренче утырышы булды.
Узган атнада Арча педагогика көллиятендә инвалидлар һәм мөмкинлекләре чикләнгән кешеләр өчен “Абилимпикс – 2022” һөнәри осталык бәйгесе VIII Милли чемпионатының төбәк этабы узды.
19 апрельдә Бөек Ватан сугышы елларында нацистлар һәм аларның булышчылары тарафыннан совет халкына карата геноцид (юк итү) үткәрүне искә алу буенча Бөтенроссия бердәм гамәлләр көне билгеләп үтелә.
1943 елның 19 апрелендә СССР Югары Советы Президиумының совет гражданнарын һәм әсир кызылармиячеләрне үтерүдә һәм җәзалауда гаепле немец-фашистлары, шпионнар, совет гражданнары булган сатлыкҗаннар, аларның тарафдарлары өчен җәза чаралары турындагы 39нчы санлы Указы басыла.
Арчаның 1нче мәктәбендә Советлар Союзы Герое Валентин Ежковның 100 яшьлек юбилеена багышланган чараларны ачуга багышланган линейка узды.