ЯҢАЛЫКЛАР

Яңа Кенәрдән Ирек Сафиуллин шушы көннәрдә генә армия хезмәтен тутырып туган авылына кайткан

Аның белән без редакциядә очраштык. Танышып, сөйләшеп киттек. Күзләре, бөтен йөзе елмая. Үзен чын ирләрчә кыю, горур тота. Аралашырга да җайлы. Төгәл һәм ипле җавап бирә. Нәкъ җырдагыча, “әллә каян күренеп тора, солдатта булган, диләр”.

Агымдагы елның 5 аенда хуҗалыкларның барлык категорияләре буенча тулаем продукция күләме 77,1 млрд. сум тәшкил итте, ягъни узган ел дәрәҗәсенә карата 101,5%. Акчалата керем 7% ка арткан һәм 40,6 млрд. сум тәшкил итте.  Бүген бу хакта Татарстан Республикасы Хөкүмәте Йортында узган республика киңәшмәсендә Татарстан  Республикасы  Премьер  министры  урынбасары – Татарстан Республикасы  авыл  хуҗалыгы  һәм азык-төлек  министры Марат Җәббаров  хәбәр итте.

Җәйне көтәбез, кайчан җитә, дип. Җиткәч куркабыз, үтеп китә, дип. Бу халәтне балалары җәйге каникулда булган күп әти-әниләр кичерәҖәйне көтәбез, кайчан җитә, дип. Җиткәч куркабыз, үтеп китә, дип. Бу халәтне балалары җәйге каникулда булган күп әти-әниләр кичерә

Июнь азагында укытучы апабыз ватсап аша әти-әниләргә, Анапага балалар лагерена ял итәргә чакырып, белдерү җибәргән иде. Ике атнага диңгезгә! Шәп! Җитмәсә бушка, юл өчен генә түлисе. Талпынып та куйган идек. “Ничек инде коронавирус чорында балаларны читкә чыгарып җибәрәсең!” – дип каршы килүчеләр дә булды.

Быел район кырларында мул уңыш өлгереп киләБыел район кырларында мул уңыш өлгереп килә.

Бик еш кабатлана, һич искерми торган сүзләр бу. 15 июльдә “Кызыл Яр” хуҗалыгында узган семинарда чыгыш ясаучылар да быел әйбәт уңыш көтелә, әмма әле аны җыйнап  алырга кирәк, дип сөйләделәр.

Шушмабаш—Сәрдәбаш юлының Шушмабаш—Носы участогы илкүләм проект кысаларында ныклап төзекләндерелә

Шушы көннәрдә Харис Сафинга – 70, аның сәхнәгә аяк басканына 35 ел тулды.

Әлмәндәр яшенә әле бик ерак булса да, сәхнәдә Әлмәндәр образын чын профессиональ артистларча иҗат иткән бу үзешчән артистны Арча Әлмәндәре дип йөртәләр. Чыннан да, үткәннәргә күз салсак, 35 еллык стажы булган “Җидегән чишмә” Арча халык театры Туфан Миннуллинның “Әлдермештән Әлмәндәр” спектаклен сәхнәләштереп, югары үрләргә ия булды. Бу барлык артистларның да, әмма беренче чиратта төп рольне башкарган Харис Сафинның казанышы. Профессионаллардан аермалы буларак, үзешчәннәрнең театр төп эшләре дә түгел, аларга исемнәр, бүләкләр дә бирмиләр, алар акчага да эшләми. Алар бары тик хезмәтләре белән яраткан тамашачысына күңел җылысын, мәхәббәтен өләшә.

Авылда иң матур капка төбе аларныкы”, – диделәр Иске Масрада Чулпан Һадиеваларның кайда яшәүләре турында сорагач

Арча районы авылларында урам концертлары гөрли. Пандемия тормышның яшәү рәвешен үзгәртте. Гөрләп барган мәдәният тормышы да чабуыннан тарткандай, яз айларында кинәт туктап калды. Ә соңрак, бераз чикләүләр йомшартылгач, мәдәниятчеләр дә халык белән очрашып, дәртле җырлары белән билгесезлектә яшәүче күңелләрне күтәрергә тырышты.

Блог, хайп, хейтер, свайп, гив, фуди, аватар, вайн, хештег, сторис... Сезгә бу сүзләр танышмы? Социаль челтәрләрдә “утырасыз” икән, кайберләрен булса да ишеткәнегез бардыр. Бүген, Интернет, социаль челтәрләр һәм гаджетлар заманында, һәрберебез көненә берничә тапкыр свайп ясыйдыр. Инстаграм социаль челтәренең сторисында экран буенча бармак белән шудырып җибәрү әнә шулай дип атала.

Ашытбаш авылында яшәүче Рәис Шәкүров иске келәтне сүткәндә чормада бер төргәккә тап була.

– Мин карап чыктым, синең өчен дә кызыклы булмасмы, дип алып килдем, – диде ул. – Әти салым түләгән кәгазьләрен җыйнап барган.