ЯҢАЛЫКЛАР

Апаз авыл җирлеге башлыгы Ринат Садыйков Хәсәншәех хоккейчылар командасының күрше Әтнә, Балтач, хәтта Арча командасын җиңүләре турында әйткәч, команданың үзен күрәсе килде. Кичке сәгать 9нчы яртыга Боз сараена хоккей уйнарга киләселәрен белгәч, шунда киттем.

Беренче очрашуыбыз булса да, егетләр белән күптәнге танышлар кебек аралаштык. Телләрендә уен-көлке, җитдилекләрен дә югалтмыйлар. Арадан берсе:

— Кем әйтте сезгә безнең турында язарга? – дип кызыксынып алды.

— Беркем дә әйтмәде, үзем килдем, — дидем.

Транспорт чараларын теркәү, машина йөртү таныклыгы алу өчен кабул итүгә ЮХИДИнең Арча бүлекчәсенә (башкаларына да) Бердәм дәүләт хезмәте порталында – www.gosuslugi.ru сайтында алдан язылырга мөмкин. Моның өчен порталда теркәлергә, тиешле мәгълүмат тутырырга, кызыксындырган хезмәтне сайлап, ЮХИДИ бүлекчәсенә гариза язарга кирәк. ЮХИДИнең барлык төр хезмәтләре, адреслары, эш графиклары турында да әлеге порталда, шулай ук Россия автоинспекциясе сайтында (gibdd.ru), Татарстан Республикасының дәүләт һәм муниципаль хезмәтләр порталында (www.uslugi.tatarstan.ru) белергә була.

31 нче октябрьдэн алып 2 нче ноябрьгэ кадэр Казан шэхэрендэ «Viva music» дип аталган VII Халыкара музыка бэйгесе булды. Анда Арча балалар сэнгать мэктэбе укучылары да катнашты.

Кузнецов Вадим гитарада III урын алды( укытучысы Алеева М.Т.)

Нигмэджэнова Рузиля фортепианодан рэхмэт хаты белэн булэклэнде ( Укытучысы Галеева К.Ф.)

Катнашучыларны хэм аларнын укытучыларын унышлары белэн котлыйбыз,аларга килэчэктэ ижади унышлар телибез.

Сарай-Чокырча фермасына килүгә андагы кешеләр күплегенә игътибар иттем.

— 31 кеше эшли монда, — диде ферма мөдире Рифат Гыйлаҗев. — Авылның үз кешеләре генә җитми, Курсадан да килеп эшлиләр.

Заманында Корайваннан да күпме халык шунда төшеп эшли иде. Балык күле төзелгәч көймәдә йөзеп тә йөрделәр әле. Корайванның үзендә дә фермалар калмаган хәзер. Ә менә Сарай-Чокырдадагысы гөрләтеп яши. Ишекне ачып керүгә яктылык, чисталыктан күзләр камашып китә. Сыерлар да ялт иткән.

Муниципаль район башлыгы урынбасары Любовь Осина 12 ноябрьдә Арча шәһәрендә яшәүче Зәйтүнә Әхмәтҗанованы 90 яшьлек юбилее белән котлады, аңа Россия Федерациясе Президенты Владимир Путинның, район башлыгы Илшат Нуриевның Рәхмәт хатларын, бүләкләр тапшырды.

Зәйтүнә апа Наласа авылында күп балалы гаиләдә туган.

— Җиденче сыйныфны тәмамлауга окоп казырга җибәрделәр, — дип сөйләде ул. — Аннан яшегез җитми дип кайтарып, урман кисәргә куштылар. Ике кыз кул пычкысы белән кочак җитмәслек юан агачлар кистек.

Россия Эчке эшләр министрлыгының Арча районы буенча бүлеге ел да һөнәри бәйрәмнәре – Россия эчке эшләр органнары хезмәткәрләре көнен Мәдәният йортында зурлап үткәрә.

Кичә юлларда иминлек сагында торучы ЮХИДИ хезмәткәрләренең көндәлек эшләрен чагылдырган видеофильм белән башланып китте.

– Видеофильмнан күренгәнчә, кич, көндез, эш көне, ял, бәйрәм, кар, яңгыр, дип тормый, сез юлда. Хезмәтегез авыр, сүз дә юк. Шул ук вакытта кыскартулар бара. Җаваплылык арта, хезмәткәрләр саны кими. Барлык авырлык калганнар җилкәсенә төшә. Сезгә авыр хезмәтегездә җиңеллек, сабырлык, иминлек телим, – диде район башлыгы Илшат Нуриев, полиция хезмәткәрләрен һөнәри бәйрәмнәре белән котлап.

Арчада укытучылар ЕГЭ биргән икән дип, шау итәләр. Халык арасында: “Моңарчы без укучылар гына дәүләт имтиханнары тапшыра дип белә идек, инде укытучыларга тотынганнар”, – дигән сүзләр йөри.

Чыннан да, булды андый хәл. 5 ноябрьдә Арчаның 2нче мәктәбендә район база мәктәпләренең 248 укытучысына тест үткәрелде. Ике сменада сәгать 10нан 1гә кадәр һәм сәгать 2дән 5кә кадәр барды ул. Әйдәгез, иң элек район мәгариф идарәсе җитәкчесе урынбасары Лилия Гатауллинаны тыңлыйк.

Һөнәри осталыгы, инициативалылыгы, Татарстан Республикасы кулланучылар базары өлкәсендә закон бозуларны кисәтү һәм булдырмау буенча чараларны тормышка ашыруга керткән өлеше өчен Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге җитәкчесе Абдуллина Ләйсән Илсур кызы Татарстан Республикасы Хөкүмәтенең Рәхмәт хаты белән бүләкләнде.

Озак еллар нәтиҗәле эшләве һәм бик яхшы хезмәт эшчәнлеге өчен Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге консультанты Камалова Ләйсән Тәбрис кызы Татарстан Республикасы Дәүләт алкоголь инспекциясенең Мактау грамотасы белән бүләкләнде.

Г.Тукай исемендәге Татарстан Республикасы Язучылар берлегендә Г.Державин поэзиясен укучыларның республика бәйгесе булды. Ул ике этапта үтте. Арчаның өченче мәктәбеннән 5 сыйныф укучысы Алия Гыймадиева икенче турга узды һәм өченче урынны яулады.