ЯҢАЛЫКЛАР

17 октябрьдә муниципаль район башлыгы урынбасары Любовь Осина Арча шәһәрендә яшәүче Александра Барышеваны 90 яшьлек юбилее белән котлады, аңа Россия Федерациясе Президенты Владимир Путинның, муниципаль район башлыгы Илшат Нуриевның Рәхмәт хатларын, бүләкләр тапшырды.

16 октябрьдә Үрнәк бистәсендә ата–аналар, балалар өчен аеруча шатлыклы вакыйга булды — 50 урынлы бакча ачылды. Тантана алдыннан яңгыр явып үтте, күктә җәйге айлардагы кебек салават күпере балкыды. Гүя, кешеләр белән бергә табигать тә шатлана иде.

Армия сафларына алынучылар көнен Арча Мәдәният йортында зурлап билгеләп үтү безнең районда традициягә әверелде. Быел да ул искиткеч матур, җылы бәйрәм төсен алды. Аңа көзен армия сафларына китүче егетләр генә түгел, булачак солдатлар да чакырылган иде.

Өстәлдә кара икмәгең белән ярмаланып пешкән бәрәңгең булса, тамагым тук, дип уйла. Юкка гына “йодрык кадәрле, йомры гәүдәле, ах, тәмле, бигрәк тәмле бәрәңге”не икенче икмәк белән тиңләмәгәннәр, аңа мәдхия җырламаганнар. Ә быел ул йодрык кадәрле генә булып калмады, кайберләре хәтта куш йодрыктан да артып китте. 900 грамм, бер килограмм, бер килограмм 350 граммлы бәрәңгеләрне редакциягә дә алып килделәр. “Ак Барс” агрокомплексы” ширкәте басуларында хәтта 2 килограммнан да артып киткән бәрәңгеләр булган.

Арча стадионында республика чаңгычылары чаңгы-роллерларда шәхси беренчелеккә ярышты. Анда көчле чаңгычылар катнашты. Арчалылардан үз яшьтәшләре арасында Лилия Рәхмәтуллина — икенче, Фәнүзә Сәлахова шулай ук икенче урынны алдылар.

Эшләүче пенсионерларга айлык түләү индексацияләнмәячәк яки артмаячак дигән сөйләшүләр тирәсендә бәхәсләр бара. Нигездә пенсионерлар иң аз хезмәт хакы түләнә торган урыннарда эшлиләр. Сораштырулардан шундый жаваплар ишеттек: эшләүче пенсионерларның пенсияләре индексацияләнмәсә, эштән китәчәкмен яки эш урынында теркәлмичә генә хезмәт хакын конвертта алачакмын. Моннан Пенсия фондына зыяннан башка файда булмаячак.

Бу көннәрдә район сулыкларында аккошлар белән бергә кара аккошлар күрүчеләр алар өчен борчылып, аларга аучылар мылтык күтәрмәсме, дип шалтырата.

Арча шәһәре башкарма комитеты рөхсәтсез урам утлары куючыларның административ җаваплылыкка тартылачагы турында кисәтә.

Рөхсәтсез куелган яктырткычлар сүтеп алыначак.

Арча шәһәренең көньяк өлешендәге Хезмәт урамында яшәүчеләр: “ЗУЭСның яңа җитәкчесе Евгений Андреев эшне безнең урамга таш җәйдерүдән башлады. Зур рәхмәт аңа!” — дип шалтыраттылар.