ЯҢАЛЫКЛАР
8 июнь Социаль хезмәткәрләр көне буларак билгеләп үтелә.
Елдагыча бу көнне халыкны социаль яклау бүлеге хезмәткәрләрен һәм ветераннарын Арча Мәдәният йорты үзенә җыйды.
Социаль хезмәткәрләрнең эше күпкырлы. Тормыш шундый бит ул, кайберәүләр үз юлларын шома гына үтә, икенчеләр катлаулы хәлдә кала. Социаль хезмәткәрләр менә шундыйларга, ветераннарга, ялгызларга, инвалидларга, күп балалы һәм матди яктан кыенлык кичергән гаиләләргә беренчеләрдән булып ярдәм кулы суза, аз гына булса да аларның тормышларын җиңеләйтергә тырыша. Ул һөнәр генә түгел, ә кешелеклелек, шәфкатьлелек, кеше кайгысын үзеңнеке кебек кабул итә алу да.
Социаль ярдәм күрсәтү бүлеге, “Өмет чыганагы” балаларны тернәкләндерү үзәге, Яңа Чүриле психоневрологик интернат, Арчадагы өлкәннәр һәм инвалидлар өчен интернат-йорт, “Мәрхәмәтлек үзәге” – барысының да хезмәте күз алдында.
12 июньдә бөтен ил буенча тантаналы бәйрәм чаралары уза. Россия көне – ул азатлык, гражданлык тынычлыгы һәм татулык бәйрәме.
Газетабызның алдагы санында Россия Президенты Борис Ельцинның һәм Татарстан Президенты Минтимер Шәймиевның Арча Сабантуена кайтуларын искә алып узган идек.
Әлеге тарихи вакыйгага нәкъ 25 ел узган көнне, 9 июньдә Арчаның “Казан арты” тарих-этнография музеенда матур чара узды. Истәлекле җылы очрашу Россия көне уңаеннан оештырылган иде.
Музей директоры урынбасары Шәфигулла Гарипов 1996 елгы истәлекле вакыйгада катнашкан, Сабантуйны оештыруга үз көчләрен керткән җитәкчеләрне бер урынга җыйды.
“Арск-информ” һәм “Сахапечать тәҗрибә уртаклашты.
Татарстан Республикасында Якутия көннәре бара. Әлеге вакыйга кысаларында “Сахапечать” генераль директоры Нюргуяна Стручкова һәм “Ulus.Media”ның баш мөхәррире Евдокия Ефимова безнең редакциядә кунак булдылар. “Арча хәбәрләре” газетасының баш мөхәррире Исрафил Насыйбуллин коллегаларга экскурсия уздырды, эшчәнлек белән таныштырды.
Иртән картина ясарга утырса, эшен бетермичә ашарга да тормый ул. Шулардан эчке бер канәгатьләнү хисе ала.
“Арчада яшәүче Юрий Демьяновка шушы көннәрдә 85 яшь тула”, – диде район ветераннар советы рәисе Рәмзия Хәмидуллина.
Юбилярны чын күңелдән котлыйбыз. Әмма бу мәкалә юбилей уңаеннан түгел. Арчада нинди талантлы кешеләр яшәвен күрсәтәсе килде. Рәссам Юрий Демьяновлар өенә килеп кергәч, мин үземне картиналар галереясында итеп тойдым. Автор һәр картина турында бирелеп сөйләгәндә, аннан күзне алып булмады. Әйтерсең ул рәсем ясамаган, ә тулы бер китап язган.
Юрий Михайлович белән эштән кайтканда очрашкалый, исәнләшеп тә китә идек. Өйләре безнең юл өстендә генә. Озын буйлы, гәүдәле, чибәр бу кешегә игътибар итми һич мөмкин түгел. Ә аның иҗаты турында Рәмзия Хәмидуллинадан ишеттем. “Арча үзәгендәге чиркәүне иконалар белән бизәүче дә Юрий Демьянов”, – диде ул.
“Питомник” клубында элек-электән инде “Оста куллар” түгәрәге эшләп килә һәм бүгенге көнгә анда 14 кеше йөри.
– Станциядә “Колос” мәдәният йортында башланып киткән эш ул. Алабугада остазлар ярминкәсендә дә, Казанда ВДНХда үткән ярминкәдә дә катнаштык. Мин бәйләгән әйберләр алып барган идем, Филсинә Сафина чигелгән түбәтәй, калфак-лар тәкъдим итте, – диде клуб җитәкчесе Нәсимә Гарифуллина. – Даими рәвештә үзебездә дә күргәзмәләр оештырып торабыз.
Шундый күргәзмәләрнең берсенең шаһиты булырга туры килде. Дөресрәге, “Оста куллар” түгәрәге дәресен күзәттем. Кызлар, күбесе “Яшь йөрәкләр” халык вокаль ансамбле әгъзалары, җырлый-җырлый бәйли, чигә, ял иткән арада биеп, самовар каршына утырып, үзләре алып килгән тәм-том белән чәй дә эчеп алалар.
Әңгәмәдәш – Арча янгын-коткару гарнизоны частеның өлкән тикшерүчесе Наил Бәйрәмов.
– Наил Нургалиевич, Сабантуйлары җитте. Бәйрәмнәрне исән-имин, хәвеф-хәтәрсез үткәрергә язсын.
– Амин. Янгыннар өчен иң куркыныч вакыт – җәйгә кердек. Быел Арча районы буенча 52 хәбәр теркәлгән, шуларның 25е, яртысы, янгын турындагы хәбәрләр. 8е мунча яна, 2се сарайга ут капты, 6сы йорт яна, 2се машина, 1се терлек фермасы, 3се чүп, 3се чирәм яна, дигән хәбәрләр алар.
– Янгын... Үз башына төшкән кешегә бик авыр хәлләр. Сезнең бүген бигрәк тә кайсы очракларны әйтеп үтәсегез килә?
Узган гасырның 90нчы елларында партия оешмасы секретаре булып эшләп пенсиягә чыккан, заман белән бергә үзгәреп, авылда мулла вазыйфасын үти башлаган берәү район үзәгенә баргач, элеккеге гадәтен искә төшереп, сыраханәгә кергән. Эчемлекнең күбеген өферә-өферә чөмереп торганда, гөнаһ шомлыгына каршы, бер авылдашы килеп кермәсенме!
“Һай, фәлән абый! – дигән бу, кулларын ике якка җәеп. – Син вәгазьләреңдә сыра эчү дә гөнаһ, дип сөйлисең, ә үзең рәхәтләнеп чөмерәсең. Аллаһы Тәгалә бу турыда белсә нәрсә әйтер?”
Ашына таракан төшкәнгә җен ачулары чыккан парторг-мулла: “Аллаһы Тәгалә әйтмәс, ә менә синең кебекләр фәлән нәрсәне чәйнәрләр!” – дигән дә сыраны тиз генә эчеп бетереп, бокалны шалт итеп куеп чыгып киткән.
2020 елдан Вәкаләтле вәкил тарафыннан инвалид балаларның ата-аналары (законлы вәкилләре) булган гражданнарга түләүсез юридик ярдәм күрсәтүгә һәм хокукый агартуга юнәлдерелгән социаль проект гамәлгә ашырыла.
2021 елның 18 июнендә 11.00 сәгатьтә инвалид балаларның ата-аналары (законлы вәкилләре) өчен видеоэлемтә режимында хокукый белемнәр дәресе узачак.
Укуларны Татарстан Республикасында (шул исәптән муниципаль берәмлекләрдә) инвалид балалар белән җайлаштырылган физик культура һәм спорт белән шөгыльләнүне оештыру буенча алып барыла торган эш турындагы мәгълүмат белән «Республика спорт-адаптация мәктәбе» ДБУ җитәкчесе Сафиуллина Фәридә Идрис кызы үткәрәчәк.
2021 елның 15 июнендә Татарстан Республикасында Кеше хокуклары буенча Вәкаләтле вәкил һәм Татарстан Республикасы Хезмәт, мәшгульлек һәм социаль яклау министры гражданнарны бергәләп кабул итә.
Республиканың муниципаль районнарында яшәүчеләр үз сорауларын «Skype» яки «Zoom» программалары аша турыдан-туры тоташу юлы белән бирә алалар.
Сезне ихлас күңелдән милли бәйрәмебез – Сабан туе белән тәбрик итәм.
Сабантуй ерак гасырларда яралып, буыннардан-буыннарга күчеп, үзенең асылын югалтмыйча безнең көннәргә килеп җиткән һәм милләтебезнең горурлыгына әверелгән олы бәйрәм. Аның халыкчан табигате, рухы милләтара татулыкны һәм бердәмлекне саклауга, ныгытуга хезмәт итә. Сабантуйның милли чикләрне киңәйтеп, җир шары буйлап таралуы, бөтендөнья казанышына әверелүе безнең күңелләребездә горурлык хисе уята!