ЯҢАЛЫКЛАР

Татарстан Республикасы Арча муниципаль районы "Арча шәһәре муниципаль берәмлегенең "Үзәк территориаль иҗтимагый үзидарәсе" җирле иҗтимагый оешмасы Арча Укучылар Сарае белән берлектә «Велотуризм спорты –яшьләр сайлавы» проектын тормышка ашыру өчен Президент фонды грантын отты. Проектның төп максаты- велотуризм спорты белән системалы рәвештә шөгыльләнүче район балалары һәм яшьләре санын 100 кешегә җиткерү һәм Татарстан Республикасы Арча муниципаль районы территориясендә велотуризмны үстерү буенча чаралар комплексын гамәлгә ашыру.

Россия гадәттән тыш хәлләр министрлыгының 2021 елның 3 мартында оештыру күрсәтмәләре нигезедә, Россия Федерациясе, Татарстан Республикасы территориясендә, шул исәптән Арча муниципаль районында да, башкарма хакимияте органнары, җирле үзидарә органнары һәм оешмалар белән гражданнар оборонасы буенча штаб өйрәнүләре үткәрү планлаштырылган.

            Күнегүләр барышында авыл җирлекләрендә, оешмаларда һәм гомуми белем бирү учрежденияләрендә гадәттән тыш хәлләр тематикасы буенча гамәли чаралар үткәрү, Татарстан Республикасы халкына хәбәр итү системасын тикшеру, уку сигналларын идарә органнарына җиткерү, шулай ук абонентларның кәрәзле телефоннарына смс җибәрү планлаштырылган.

Бүген Татарстан Республикасы Хөкүмәте Йортында узган киңәшмәдә Татарстан Республикасы Авыл хуҗалыгы һәм азык-төлек министры урынбасары Ленар Гарипов Татарстан Республикасы Авыл хуҗалыгы оешмаларында  терлекчелек тармагының 2021 елның гыйнвар ае нәтиҗәләре турында сөйләде.

Барлык муниципаль районнар белән  видеоконференция-элемтә режимындагы  киңәшмәне  Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.

2021 елның гыйнварында авыл хуҗалыгы җитештерүчеләре 7,8 млрд. сум табыш алган, шуның 6 млрд.сумы терлекчелеккә туры килә, узган елның шул ук чоры белән чагыштырганда үсеш 6% тәшкил итә. 118 мең тонна сөт җитештерелгән (үсеш 5%), 109 мең тонна сатылган (2020 елга карата 104%), 2,8 млрд. сумлык табыш алынган (үсеш 7%).

 Мондый уңайлы базар шартлары сөт күләменең үсеш темпларын саклап калырга һәм керем дәрәҗәсен арттырырга мөмкинлек бирә. Районнар буенча сөт җитештерүнең нәтиҗәлелеге төрле. Берәүләр табышны арттырса (Мамадыш, Түбән Кама, Ютазы районнары), икенчеләре зыянны киметергә тырыша.

Илдә коронавируска каршы вакцинация бара. Прививкага ничек әзерләнергә, вакцина кешене күпме вакыт саклый? Әлеге һәм башка сораулар белән без үзәк район хастаханәсе баш табибы Рифат Идрисовка мөрәҗәгать иттек.

Мөндеш авылында яшәүче Хәлим Гарипов районда беренче булып гаилә фермасы булдырып эшли башлаган кешеләрнең берсе. Тора-бара ул терлекләрне арттырып, яңа тораклар төзеп, пай җирләре алып иң уңышлы эшләүче фермерга әверелде.

Апаз авыл җирлеге (җитәкчесе Раушан Котдусов) 23 февраль – Ватанны саклаучылар көнен үзенчәлекле итеп үткәрәләр

Казаннан республиканың мәгариф хезмәткәрләре профсоюз оешмасы җитәкчесе Юрий Прохоров кайтты.

Түрдә күкрәген медальләр бизәгән зәңгәр костюмнан балкып Вакыя ханым Гыйндуллина утыра. Ә янында – балалары, якыннары

Сүзем  канатлы дусларыбыз – кошлар турында. Урамга чыгып хәйран туңып кергәч: “Мондый салкында ничек түзә болар?” – дип әйтеп куям. Быелгы кебек 30–40 градуслы салкыннарда аларга бигрәк тә кыендыр. Көн тууга азык, кич җитүгә төн чыгарлык урын табасы бар бит. Ярый әле андый вакытларда рәхим-шәфкатьле кешеләр ярдәмгә килә.

Арча педагогика көллиятендә Туфан Миннуллинның “Кызлар кызык иттеләр” пьесасы буенча куелган спектакль премьерасы булды.