ЯҢАЛЫКЛАР

Арча сәнгать мәктәбендә зур чара – “Дус сыйныф серләре” дигән ата–аналар комитетлары республика бәйгесенең район этабы булды. Максаты – балаларны тәрбияләүдә белем бирү оешмалары һәм ата–аналар бердәм булып эшләгән иң яхшы коллективны барлау, аларны башкаларга үрнәк итеп күрсәтү, популярлаштыру һәм башкалар.

“Мин татарча сөйләшәм” акциясе беренче тапкыр 2006 нчы елда уздырыла. Шуннан бирле ул һәр елны үткәрелеп килә. Акциянең төп максаты: татар теленә игътибарны җәлеп итү, татар телен яшьләр арасында популярлаштыру.

        3 нче апрель көнне Арча районы Шурабаш төп гомуми белем бирү мәктәбенең “Дуслык” командасы “ТНВ” каналында уздырыла торган “Тамчы шоу“  интеллектуаль-күңел ачу бәйгесендә катнашты.

5 нче апрель көнне Яңа Кенәр урта мәктәбе базасында РСФСР ның  атказанган укытучысы, СССР ның мәгариф отличнигы, Бөек Ватан сугышы ветераны Рәгыйб Усман улы Халитов  исемендәге беренче районкүләм, 5 нче мәктәпкүләм  укучыларның фәнни- гамәли конференциясе үткәрелде.

Арча районы профсоюз оешмасының эш тәҗрибәсен өйрәнү максатынннан, 4 апрельдә Гомумроссия мәгариф профсоюзының лидерлары Арчага кунакка килде.

5 апрельдә Арча шәһәренең 5 нче номерлы гимназиясендэ  Республикакүләм хәрби-спорт уены  "Аҗаган"ның зона этабы узды.

Татарстан Республикасы Авыл хуҗалыгы һәм азык-төлек министрлыгы «2017 – 2020 елларга крестьян (фермер) хуҗалыклары базасы нигезендә гаилә терлекчелек фермаларын үстерү» ведомство программасында катнашучы крестьян (фермер) хуҗалыкларын сайлап алуга конкурс игълан итә.

Казанбаш авылында яшәүче Рәйсә Гасыймованы район башлыгы урынбасары Любовь Осина 90 яшьлек юбилее белән котлады.

Арча станциясендәге “Көньяк” территориясе җәмәгатьчелек үзәге җитәкчесе Эльвира Сергеева белән Арча станциясе, Айван, Төбәк—Чокырча авылларын карап чыктык. Арчада территорияләр буенча бүленгән үзәкләрнең җитәкчеләре урамнардагы, капка төпләрендәге чисталыкка, тәртипкә дә игътибар итә.

Һәр һөнәр мактаулы, шул ук вакытта һәр хезмәтнең үз авырлыгы, мәшәкатьләре бар. Мәсәлән, хат ташучы. Кайберәүләр газета–журналларын тарата да, өенә кайтып китә, нәрсәсе бар аның, ди. Ярый ла юллары асфальт булып, машинада гына элдерсәң. Кар–буранда да, җәйге челләдә дә, язгы пычракларда да җәяүләп ничәмә–ничә урамны урарга туры килә бит аларга.