ЯҢАЛЫКЛАР

Бүген 10 нчы ноябрьдә МБМБУ “Арча 5 нче номерлы “Кояшкай”  балалар бакчасында  “Федераль дәүләт белем стандартлары нигезендә татар балалар бакчаларында белем бирү сыйфатын үстерү ысуллары” исеме астында семинар булып узды. Семинарда Арча районынының барлык татар төркемнәрендә эшләүче тәрбиячеләр һәм татар теле тәрбиячеләре катнашты. Иң мөһиме, безнең күрше Кукмара районныннан да кунаклар бар иде.    Кукмара ш.т.п. ”Ләйсән” 4 нче номерлы татар балалар бакчасының бакча мөдире, өлкән тәрбияче, рус теленә өйрәтү тәрбиячесе һәм бер төркем тәрбиячесе килгән иде. Семинарны мәгариф идәрәсенең мәктәпкәчә белем бирү белгече Алина Тагир кызы башлап җибәрде.

Арча станциясендәге күпфункцияле үзәктә “Тормыш парлыларны ярата” дигән искиткеч матур, җылы, күңелгә ниндидер бер рәхәтлек бөрки, җанга сихәт өсти торган бәйрәм – әдәби–музыкаль кичә – озак еллар тигез, тату гомер иткән парлар белән очрашу булды.

Район Иҗтимагый советының эшче төркеме Арча сәнгать мәктәбендә коллективның эшен һәм хезмәт шартларын өйрәнде. Соңыннан сәнгать мәктәбендә Ижтимагый советның утырышы булды. Утырышта район башлыгы урынбасары Любовь Осина катнашты.

Халык вәкилләреннән торган әлеге бәйсез Иҗтимагый совет берничә ел элек халык мәнфәгатьләрен кайгырту максатыннан барлыкка килде. Утырышны Иҗтимагый совет җитәкчесе Ринат Һидиятов алып барды. Башта Арча сәнгать мәктәбе тормышын яктырткан видеоязма күрсәтелде. Аннан соң директор Гөлнара Сабирова чыгыш ясады. 

30 октябрь — Сәяси репрессия корбаннарын искә алу көнендә арчалылар да читтә калмый. Быел да Арча үзәгендә сәяси репрессия корбаннары истәлегенә куелган һәйкәл каршында аларны искә алу митингы узды. Арчада яшәүче Рауза Галиәхмәтова да бар иде анда.

Бу көн репрессия корбаны баласы — Рауза апа күңелендә ел да авыр хатирәләрне яңартып, күз яшьләренә тагын бер кат ирек бирергә мәҗбүр итә.

“Мин сөргендә туганмын, — дип башлады ул хатирәләрен. — Безнең әтиләр үз көче белән тырышып-тырмашып яшәгән гади хезмәт кешесе булса да, авылдагы бер сатлыкҗан “тырышлыгы” белән гомеренең ике дистәгә якын елын нахакка сөргендә уздырыр- га туры килә. Әти белән әнинең язмышы аяныч булды: әни туган якларга кайта алмыйча шунда гүр иясе булды. Ә әти, кайтырга рөхсәт булгач, авылга кайтып бер ел торгач үлеп китте”.

Әңгәмәдәшебез — Арча муниципаль районының контроль–исәп палатасы рәисе Надия Сафиуллина.

— Надия Равилевна, контроль–исәп палатасы нәрсә белән шөгыльләнә?

—Безнең палата район бюджетының үтәлешенә оператив контрольлек итә.

— Тикшерүләр нинди тәртиптә алып барыла?

— Контроль–исәп палатасы турындагы положение нигезендә, Арча район Советы, муниципаль район башлыгы һәм район прокуратурасы белән килештерелгән еллык тикшерүләр планы эшләнә. Контроль чараларын күбрәк шулар нигезендә үткәрәбез. Район Советы, район башлыгы күрсәтмәсе буенча планнан тыш тикшерүләр дә уздырыла.

Район прокуратурасы белән үзара хезмәттәшлек турында килешү төзедек, бу очракта прокурор таләбе планнан тыш тикшерүләр үткәрү өчен нигез булып тора. Шулай ук Россия Эчке эшләр министрлыгының Арча районы буенча бүлеге белән килешү әзерләнеп бетеп килә.

Депутатлар игътибарына!

10 ноябрьдә Арча район Советы утырышлар залында район Советының чираттагы тугызынчы утырышы була. Сәгать 9да башлана.

18 ноябрьдә Бөтенроссия Балаларга хокук ярдәме күрсәтү көне кысаларында хакимият залында 10нан 12 сәгатькә кадәр гражданнарны кабул итү үткәрелә. Язылу өчен телефон: 3–15–33, 3–22–33.

Хөрмәтле газета укучыларыбыз!

“Арча хәбәрләре” газетасы редакциясе, соңгы еллардагы традиция буенча, быел да Яңа ел алдыннан муниципаль район башлыгы Илшат Габделфәрт улы Нуриев белән әңгәмә оештыра. Әңгәмә газетабызның 30 декабрь санында басылачак.

Хөрмәтле райондашлар! Сезне дә әлеге әңгәмәдә катнашыр- га чакырабыз. Район башлыгына булган сорауларыгызны, тәкъдим һәм фикерләрегезне 20 декабрьгә кадәр хат белән, телефон аша (3–11–58, 3–10–58) яки arvestnik@yandex.ru электрон адресына, яки Интернетта “ВКонтакте” сайтындагы “Арча хәбәрләре” төркеменә яза аласыз.

2 ноябрьдә район Координацион советының чираттагы утырышы булды. Анда төзелеш объектларында хезмәтне саклау һәм куркынычсызлыгын тәэмин итү, кышкы чорга әзерлек турында сөйләшенде, төзелеш оешмаларындагы хезмәтне саклау буенча җаваплы хезмәткәрләрнең чыгышлары тыңланды һәм райондагы барлык оешма, предприятиеләргә Бөтенроссия “Уңыш һәм куркынычсызлык” конкурсында катна- шырга, гаризаларны 1 декабрьдән дә соңга калмыйча тапшырырга кирәклеге турында әйтелде.

10 айлык нәтиҗәләргә килгәндә, районда бер бәхетсезлек очрагы теркәлгән: “Кырлай” ширкәтендә сыер савучының аягы сынган. Шундый бәхетсезлек очракларыннан саклану өчен нинди чаралар күрелергә тиешлеге турында тагын бер кат искәртелде.

Татарстан Республикасы Авыл хуҗалыгы һәм азык–төлек министрлыгы “Татарстан Республикасында 2015–2017 елларга башлаучы фермерларга ярдәм” һәм “Татарстан Республикасында 2015–2017 елларга крестьян (фермер) хуҗалыклары базасында гаилә терлекчелек фермаларын үстерү” программаларында катнашучыларны конкурслы сайлап алу үткәрә. Шулай ук “Татарстан Республикасында 2015–2017 елларга авыл хуҗалыгы кулланучылар кооперациясен үстерү” программасы буенча матди–техник базаны үстерү өчен грантлар бирүгә авыл хуҗалыгы кулланучылар кооперативларын конкурслы сайлап алу уздырыла.

Документларны 2016 елның 21 ноябренә кадәр Татарстан Республикасы Авыл хуҗалыгы һәм азык–төлек министрлыгына тапшырырга кирәк.