ЯҢАЛЫКЛАР

Без бу сорауны авыл җирлекләре башлыкларына бирәбез. Чөнки инде 2015 елның яртысы үтеп бара, кешеләр 2014 ел өчен җыелган акчабыз кайда дип кызыксына.

“Ватан”, “Курса МТСы” хуҗалыклары үзләренә җитәрлек печәнне әйбәт срокларда сыйфатлы итеп әзерләп куйдылар. Калган хуҗалыкларда әлләни мактанырлык эш юк әле.

19 июньдә шәһәрнең үзәк стадионында муниципаль хезмәткәрләр һәм физкультура укытучылары командалары арасында футбол буенча иптәшләрчә очрашу була. 16 сәгатьтә башлана.

22 июньдә шәһәрнең үзәк мәйданында наркотикларга каршы айлык кысаларында Хәтер һәм кайгы көненә багышлап “Барыгыз да — велосипедларга!” дигән сәламәтлек көне уздырыла. 10 сәгатьтә башлана.

Арча муниципаль район башкарма комитетында шәхси хуҗалыкларда законсыз алкоголь продукциясе сату фактлары турында гражданнардан мәгълүматлар алу максатында кайнар телефон элемтәсе – 3–06–44 эшли.

18 июньдә 15 сәгатьтән 16.30 сәгатькә кадәр Казан районара табигатьне саклау прокуратурасы табигый байлыклардан файдалану һәм тирә–юньне саклау мәсьәләләре буенча Арча шәһәре һәм район халкын кабул итә.

Голәмәләр шурасы утырышында Рамазан ае 18 июньдә башлана дип килешенде. Беренче тәравих намазы мәчетләрдә 17 июньдә укыла.

Эш беткәч, уйнарга ярый, дигәндәй, Сабантуйлар, гадәттә, язгы чәчүләр тәмамлангач үткәрелә. Халкыбызның әлеге гүзәл бәйрәмендә беренче чиратта кыр батырлары мәйдан уртасына чакырылып хөрмәт ителә, чөнки икмәк булса, җыр да була.

Абсолют батыр Руслан Абдуллин (Арча)
ветераннар арасында Айрат Әсәдуллин (Наласа)
малайлар арасында Данияр Моратов (Утар Аты)

Безнең халыкта Сабантуй батырларын элек–электән Олимпия чемпионнарына тиңләп хөрмәт иткәннәр. Быелгы Арча батыры Руслан Абдуллин белән дә райондашларыбызны якынрак таныштырып узыйк әле.