ЯҢАЛЫКЛАР

Яшь чагында Маһинур апаның олыгайган көнемдә шундый рәхәттә, кадер-хөрмәттә яшәрмен, урыным һәрчак түрдә булыр, дип уйлаганы булдымы икән? Хәер, дөрес сорау куймадым, бугай. Аның турында кем генә хыялланмый. Тик бар кешегә дә эләкми андый матур тормыш. Ә менә Маһинур апа ул яктан уңган, балалары, кияү-киленнәре бик яхшы булган, хәзер менә оныклары, оныкчыклары әби, дип өзелеп тора.

21 октябрьдә Биектау районында терлекчелектә 9 айлык эш йомгакларына багышланган зона семинар-киңәшмәсе булды. Анда авыл хуҗалыгы һәм азык-төлек идарәсе җитәкчесе Айдар Габбасов җитәкчелегендә безнең район вәкилләре дә катнашты.

Сикертән мәктәбендә Мөхәммәт Мәһдиевка 85 яшь тулу уңаеннан мәктәп укучылары арасында язучының иҗади мирасын өйрәнүгә багышланган районара укулар булды.

24 октябрьдә “Ладья” шахмат клубында шәхси беренчелеккә ачык шахмат ярышы үткәрелә. Башлана 10 сәгатьтә.

Районның опека һәм попечительлек секторы мөдире Рафия Яруллина редакциягә шундый хәбәр җиткерде: “Эшмәкәр Руслан Әһлиев күчтәнәч китергән иде. Ятимнәрне, ярдәмчесез ялгызакларны, авыр хәллеләрне яки өлкәннәрне сөендерә алсам, мин бик риза, диде. Әлбәттә, күчтәнәч бездә исәптә торучыларның барысына да җитми, әмма кайберләрен куандыра алдык”.

Җиңү паркы өлкәннәрдән бигрәк балаларның яраткан урынына әверелде. Балалар мәйданчыгы куелганнан бирле анда балаларның күңелле тавышлары тынмый. Төрле чаралар үткәрү өчен дә уңай урын булды ул.