ЯҢАЛЫКЛАР

Россия Федерациясе Җинаять кодексының 222нче маддәсенең 1нче өлешендә каралган җинаять эшләгән Яңа Кенәрдә яшәүче Фәнис Шакирҗановка карата Арча район суды чыгарган хөкем карары законлы көченә керде.

“Мәктәпкә әзерләнергә булыш!” акциясе кысаларында 23 июль көнне 83 бала уку әсбаплары тутырылган яңа букчалы булды. Бәйрәмнән кадерле бүләк белән бергә алар Яңа Кенәр лицее, Арчаның 1нче, Иске Кырлай, Наласа, Түбән Аты, Лесхоз мәктәпләрендәге чараларда катнашып, мәктәп рухын тоеп, андагы тормышны да күреп китте.

Күптән булган вакыйга бу, әмма һаман истән чыкмый. Халык контроле комитеты рәисе Фәргать Мостафин (мәрхүмнең урыны җәннәттә булсын, әйбәт кеше иде) белән Сеҗе ягына җыелышка барабыз. Балык күле турысыннан узганда машина пыяласына ниндидер бөҗәкләр бәрелә башлады.

Сугыш чоры балалары, дибез. Бала кайсы чорда да бер булырга тиеш, югыйсә. Шундый ук самими, беркатлы. Юк шул, сугыш дигән сүз үзе үк аларны аера да куя. Якты Көннән Рауза Мөхәммәтгалиева оныкларының бер хәсрәтсез, рәхәттә яшәүләренә сөенеп туя алмый. “Аллага шөкер, тормышыбыз бик яхшы. Балаларым, оныкларым, оныкчыкларыма сугыш афәтен кичерергә язмасын”,––дип шөкрана кыла.

Татарстан Республикасы Икътисад министрлыгы тарафыннан үткәрелгән халык социаль проектлары бәйгесенә нәтиҗә ясалды. 18 июльдә җиңүчеләр һәм лауреатларга грант алу өчен сертификатлар тапшырылды. Иң куанычлысы шул—безнең районнан “Казансу” халык пляжы һәм “Арча үзәк хастаханәсенең беренчел муниципальара кан тамырлары үзәге базасында психолог–логопед кабинетын төзү” проектлары лауреат исемен яулады һәм икесе дә 580шәр мең сумлык грантка лаек булды.

Умартачылар бал суырта башлады. Сезонны артык яхшы дип тә, начар дип тә әйтеп булмый — уртача

24 июльдә Ташкичү авыл җирлегендә җирлек башлыклары белән семинар үткәрелде. Анда ягу сезонына әзерләнү һәм алда торган бурычлар турында сөйләшү булды

Август аенда Арча шәһәрендә һәм авылларда халык җыеннары үтәчәк

3 августта Балтач районының Бөрбаш авылында мөселман балалар Сабантуе була. 11 сәгатьтә башлана. Бәйрәмдә төрле уеннар, көрәш оештырыла

Узган атнада берничә көн әнием янында торып килдем. Кайтсам, ни күрим, урамыбызга асфальт җәйгәннәр.